စာတိုပေစ

မပို့ဖြစ်သော သိမ်းထားသည့်စာတစ်စောင်

2011-10-12T23:09:00.003+08:00

မပို့ဖြစ်သော သိမ်းထားသည့်စာတစ်စောင်

ဖတ်ရမှာမဟုတ်တဲ့ ပို့ဖြစ်မှာမဟုတ်တဲ့ စာတစ်ပုဒ်ကိုရေးနေတယ်လို့ ကျတော်သဘောမထားပါဘူး ။ ထုံးစံအတိုင်း မနေ့ညက အိပ်မက်မက်တယ် ။ တစ်ခါမဟုတ်တစ်ခါ ဆိုသလို အိပ်မက်တွေမှာ တွေ့ချင်ဆုံချင်တဲ့ သူတွေကို တွေ့ရဆုံနေရတော့ အိပ်မက်တွေဟာ ကျတော့်အတွက်တော့ တပ်မက်ဖွယ်ဖြစ်လာတတ်တယ် ။ ဒါလည်းထားပါ ။ အဓိက ပြောချင်တာက ကျတော့်မနေ့ညက အိပ်မက်ထဲမှာဆုံတွေ့ သူဟာ မင်းဖြစ်တယ် .. ။ ထုံးစံအတိုင်းပဲ ကျတော်တို့ ပြောမကုန်တဲ့ နောက်အဖြေရှာလို့ မရသေးတဲ့ ပြဿနာတွေကို မဆုံးတန်းပြောဖြစ်ကြတယ် .. ၊ အဲသည်လို ပြောပြီးတိုင်းလိုလို ကျတော်ကတော့ စိတ်ပေါ့သွားပြီး ဖြစ်ချင်ထားသမျှတွေဟာ ဖြစ်လာပါမယ်ဆိုပြီး အကောင်းကိုချည်း မျှော်တမ်းတဲ့ စိတ်နဲ့ ကြည်နူးရတတ်သေးတယ် လေ … ။

ညတုန်းက ကျတော်တို့လျှောက်ပြန်နေကျလမ်းဟာ အရင်တုန်းကထက်သာယာနေတယ် .. ၊ နှုတ်ဆိတ်နေတဲ့ တစ်လောကလုံးက ကျတော်တို့ ပြောတာတွေကို နားစွံ့နေကြသလိုပဲ … ။ ကျတော်တို့ နောက်ဆုံးလျှောက်ခဲ့ကြတဲ့ တစ်ခေါက်လို ညနေမှောင်ရည်ပျိုးပြကနေ တစ်ဖြည်းဖြည်းမှောင်သွားပြီး နောက်ဆုံး ညအစစ်ကို ရောက်သွားတယ် … ။ အရင်တုန်းကလို ကျတော်ရောမင်းရော ပစ္စည်းတွေ မနိုင်မနင်း ဆွဲထား ကြတာမဟုတ်ဘူး .. ၊ သည်တစ်ခေါက်ပဲ ကျတော်တို့ ပေါ့ပေါ့ပါးပါးနဲ့ အိမ်ပြန်ဖူးကြတယ် ထင်တယ် … ။ ကျတော်တို့ နှစ်ယောက်မညှိတွယ်ခဲ့ကြသလို အိပ်မက်ဟာလည်း Romantic မဆန်ခဲ့ပါဘူး ။

ကျတော်နဲ့မင်းအပြင်မှာ အဆက်အသွယ်ပြတ်တာနည်းနည်းကြာတော့ ခုလောလောဆယ် မင်းဘာတွေ လုပ်နေတယ် ခံစားနေရတယ် ကျတော်မသိ၊ သည်တော့လည်း အိပ်မက်ထဲ ဇာတ်လမ်းဆင်ရာမှာလည်း စိတ်သိမဟုတ်တဲ့ အကြောင်းအရာတွေကို ချန်ထားခဲ့ရပြီး တစ်လျှောက်လုံး မင်းကို ကျတော့်အကြောင်းတွေပဲ ပြောပြရတော့တယ် … ၊ ကျတော် စာဖတ်ချိန်မရတဲ့အကြောင်း ၊ အဓိပ္ပာယ်မရှိဆုံးအရာတွေနဲ့ ဘယ်လိုအချိန်ကုန်နေရတယ်ဆိုတဲ့ အကြောင်း ၊ ကိုယ်တပ်မက်ရာမှာလည်း ပါရမီနည်းလှတယ် ဆိုတဲ့အကြောင်း …ညည်းချင်းသက်သက်လိုပါပဲ … ။ နောက် လူတွေအကြောင်း .. ကျတော်မကြိုက်တဲ့ လူအများစုအကြောင်း ပြီးတော့ သဘောကျတဲ့လူအချို့အကြောင်း ။

ကျတော်နဲ့မင်း ပြောကြရင် စိတ်ညစ်ကြတဲ့ အကြောင်းတွေပဲမို့ ပျော်စရာအချို့အကြောင်းကို ပြောဖို့မေ့နေတတ်တယ် … ၊ တကယ်ပျော်စရာဆိုတာလည်း ရှားတယ်ထင်ပါရဲ့ဗျာ … ။ လောကမှာ တစ်စုံတစ်ရာကို အရေးတယူပြုပြီး လှိုက်လှိုက်လှဲလှဲရှိရပဲ ပျော်စရာဆိုတာရှိမယ် … ။ လက်ကို ဓားနဲ့ခြစ်ကြည့်ဖူးတဲ့ သူတစ်ယောက်ကို တစ်နေ့ ရေနှစ်သေဖို့ ကျတော်ရေကူးမသင်ဘူးလို့ ပြောရတာ တဒင်္ဂ အဖြစ်တော့ ကြည်နူးဖို့ ကောင်းတယ်လို့ ကျတော်ကတော့ထင်မိတယ် ။ တည်မြဲခြင်းဆိုတာ ရှိတယ်လို့ မခံယူတားတော့ သည်ကြည်နူးမှုဟာ ပျောက်ပျယ်လွယ်တာကို ဝမ်းနည်းမိသည့်တိုင် မနှမြောအောင် ကျတော်ကြိုးစားပါတယ် … ။

မတည်မြဲတဲ့လောကမှာ တည်မြဲနေမယ့် ခံစားချက်ကလေးတွေကို လောဘတကြီး ကျတော်လိုချင်တယ် ။ သိပ်ချစ်ကြတဲ့ လင်မယားနှစ်ယောက် ၂နှစ် ၃နှစ်လောက်ပေါင်းရပြီး တစ်ယောက်ယောက်သေသွားတာ သိပ်ကို romantic ဆန်တယ်လို့ ကျတော်ကတော့ထင်တယ် .. ၊ ဖြစ်လာမယ့် ညည်းငွေ့မှု အိမ်ထောင်ရေးဘာညာတွေကို မခံစားပဲ ဘဝကို အနိုင်နဲ့ပိုင်းလိုက်သလို ကျေနပ်စရာ ကောင်းမယ်လို့ ကျတော်တော့ထင်တယ် .. ။ သည်လိုသာဆို တစ်ချိန်ကဆွေးနွေးခဲ့ ကြဖူးတဲ့ အိမ်ထောင်ရေး သတ္တဝါမဟုတ်ကြဘူးလို့ ကိုယ်တိုင်သမုတ်ခဲ့ကြတဲ့ ကျတော်တို့ ၂ ယောက်အတွက် အဆင်ပြေနိုင်မယ်ထင်တယ် ။

ဘဝမှာ ဘာတကယ်ဖြစ်ချင်တာကို တကယ်မသိသေးဘူးဆိုတဲ့ မင်းထက် ကျတော်ကနည်းနည်းတော့ ပိုသာတယ်လို့ပြောချင်တယ် ၊ နောက်မရင့်ကျက်ရာမှာလည်း မင်းထက်ကျတော်က ပိုသာသေးတယ် ..၊ ကျတော်က ဟန်ဆောင်တတ်တော့ မင်းလောက်ခံစားချက်ပြင်းထန်မှာ မဟုတ်ဘူးလို့ အပြင်ပန်းအရ မင်းထင်ကောင်းထင်မယ် ။ တကယ်လော လောကဟာဟန်ဆောင်ခြင်းသက်သက်သာ ဖြစ်တယ်လို့ ကျတော်ကတော့ ခံယူတယ် .. ၊ တစ်ခါတစ်ခါ ထိခိုက်ခံစားမှုတွေကို သက်ရောက်မှုမရှိသလို ဟန်ဆောင်ရတော့ တကယ့်ကို နာကျင်မှုမရှိဘူးလို့ တဒင်္ဂယုံပြန်တယ် .. ၊ သည်သဘောကို တကယ်တွေးမိရင် ကိုယ့်ကိုယ်ကိုယ် သိပ်သနားမိတယ်ဗျာ . ။ အဲသည် သနားဆိုတဲ့ ခံစားချက်ကတောင် ဟန်ဆောင်မှုများလား ။

မင်းကိုပြောဖူးသလို ကျတော်က အပြင်ကလူပါ ။ ကျတော်လိုလူဟာ ဘယ်သူနဲ့မှာ ရောလိုမရတဲ့ သူမျိုးဖြစ်နေတတ်တယ် .. ဒါကြောင့်ရွယ်တူတွေထဲမှာဆို မင်းတစ်ယောက်လောက်ပဲ ပွင်းလင်းပြီးပြောလို့ရတယ် ထင်တယ် .. ။ ကျတော့်အတွက်တော့ ပေါ်ပင်တွေလိုဖြစ်တတ်ကြတဲ့ ဧရာဝတီမြစ်ကြီး ပျောက်သွားမှာလည်း အရေးမကြီးဘူး … ၊ လူတန်းစားအမြင်လည်းအရေးမကြီးဘူး …နောက်သနားတယ် ညှာတာတယ်ကူညီတယ်ဆိုတဲ့ ပရဟိတဟာလည်း ရယ်စရာကောင်းနေတတ်တယ် ၊ လူအချင်းချင်းသနားတာဟာ လူ့အခွင့်အရေးကိုချိုးဖောက်တာပဲ ငါသူတို့ထက်သာတယ်ဆိုပြီး မဏ္ဍပ်တိုင်တတ်ပြ တာမျိုးမဟုတ်ဘူးလား ..ဟင်။ ကိုယ့်ထက်နိမ်ပါးလို့ပဲ သနားကြတာမဟုတ်ဘူးလား ကျတော်ကတော့ လူတစ်ယောက်ကို သနားညှာတာရမှာ ကိုယ့်လိပ်ပြာကိုရှက်မိတယ် … ။ ဟိုတစ်နေ့ ပိုက်ဆံလာတောင်းတဲ့ သူတစ်ယောက် ၂ဒေါ်လာ လောက်ပေးလိုက်တာကို သူရှက်မှာစိုးလို့ ကျတော်ပြေးထွက်သွားလာခဲ့တယ် … ။ တွေ့ကြုံလို့ အခွင့်သင့်လို့ ကူညီတာ ကျွေးမွေးတာကို ကျေးဇူးတင်ခံရမယ် ပီတိဖြစ်ရမယ် နောက်ကုသိုလ်ဘာညာ ယူရတယ်ဆိုတာကိုတော့ ကျတော့်တကယ့်ကို နားမလည်တာပါဗျာ .. ။ ကျတော်ကတော့ ဘဝမှာ ရိုးဖြောင့်ရင် (ပျော်ရွှင်ခြင်းကိုမမျှော်မှန်း စတမ်းဆိုရင်) နေလို့ရတယ်လို့ထင်တယ် ၊.. ရိုးဖြောင့်တယ် ဆိုရာမှာလည်း ကိုယ့်ကိုယ်ကိုယ်အတွက်ချည်းသာပါ … တစ်ခုခုကို ညာပြောချင်ရင် ညာပြောနိုင် ရုံလောက်သာပါပဲ ၊ ငရဲကြီးမှာစိုးလို့ ဘာညာသာရကာအတွက် ကိုယ့်စိတ်ကိုထိန်းပြီးလုပ်လိုက်ရင် ကျတော့်အတွက်တော့ ကိုယ့်ကိုယ်ကိုယ် ရိုးဖြောင့်တယ်လို့မဆိုနိုင်ဘူး … ။

အမှန်က ကိုယ့်ကိုယ်ကိုယ်ရိုးဖြောင့်ကြရင် လူတွေ သူများအပေါ်အကဲဖြတ်သတ်မှတ်ကြရတဲ့ ဒုက္ခက အေးသွားမယ်ထင်တယ် .. ။ သည်လိုသာဆိုရင် Murakami ဝတ္ထု နဲ့ ကိုးခန်းပျို့ကို တစ်ပြိုက်နက်ဖတ်တာလည်း အံ့သြစရာမဟုတ်ဘူး ၊ ဝိပဿနာ စာအုပ်ဖတ်ပြီး ဘာသာမဲ့ဖြစ်နေတာကိုလည်း ထိတ်လန့်စရာမဟုတ်တော့ဘူး ၊ ကိုယ့် ဆရာတစ်ယောက်ယောက်ကို ဖျက်ခနဲ့ဆဲမိတာလည်း ပက်စက်တယ်လို့ မြင်စရာမဟုတ်တော့ဘူး ၊ မြတ်နိုးပါတယ်ပြောတဲ့ မိန်းကလေးတစ်ယောက်ကို စိတ်ကူးထဲမှာ အတူအိပ်ကြည့်ရင် လိပ်ပြာရှက်ဖို့မလိုတော့ဘူးပေါ့ ။ သည်လိုဆိုရင်တော့ ခုထက် ကျတော်နည်းနည်းနေပျော်မယ်ထင်တယ် ။

ဟိုနေ့က ကျတော် ရထားပေါ်မှာ ရင့်ကျက်ကျေနပ်ဟန်ရှိတဲ့ သက်လတ်ပိုင်း အနောက်တိုင်းသားတစ်ယောက်ကို သတိထားမိတယ် ။ နောက် သူ့ဘယ်ဘက် လက်သူကြွယ်မှာ ဝတ်ထားတဲ့ ရွှေလက်စွပ်မောင်းကွင်းလေးကို ကျတော်အကြာကြီးငေးနေမိတယ် ။ နောက်ဆယ်နှစ်လောက်ကြာလို့ သူ့အရွယ်ရောက်ရင် ကျတော့်ဘယ်ဘက်လက်သူကြွယ်မှာ သူ့လိုမောင်းကွင်းလေးမရှိမှာ သိပ်စိုးတယ် ။ ရင့်ကျက်ကျေနပ်ဟန်ကိုတော့ ကျတော်ဟန်ဆောင်ထားနိုင်မှာသေချာတော့ သိပ်အရေးမကြီးလှပါဘူး … ။ သည်တော့ နောက် ၁၀နှစ်လောက်ကြာလို့ ကျတော်တို့ပြန်တွေ့ကြမယ်ဆိုရင်တော့၊ ပြီးတော့ မင်းကိုကျတော် သည်လိုဆက်ပြီးအထင်ကြီးနိုင်ရင် ၊ နောက် မင်းကျတော်ကို အခုထက်ပိုပြီးအထင်ကြီးနိုင်မယ်ဆိုရင် ကျတော်တို့လက်ထပ်ကြည့်ကြရအောင်လို့ တောင်းဆိုချင်တယ် …. ။ လက်ထပ်ပြီး ၃၊ ၄ နှစ်နေလို့ မင်းအရင်သေသွားရင် ကျတော်မင်းကို ပိုလို့တွယ်တာမိပြီး တစ်သက်လုံးချစ်သွားနိုင်မယ်ထင်တာပဲ ။ ဒါမှမဟုတ် ကျတော်အရင်သေရင်လည်း မင်းအတွက်မို့ ဘဝမှာ နှမြောဖို့ကောင်းတယ်လို့ ကျတော်တော့ထင်မိမှာမဟုတ်ပါဘူး …။ ဘယ်နှယ်လည်း ကျတော့်ကို လန့်သွားပြီလား … ။ မကြောက်ပါနဲ့ဗျာ ….။

အိပ်မက်ထဲမှာတော့ မင်းခေါင်းညိမ့်လိုက်တယ်တင်တယ် ... ၊ နိုးတစ်ဝက်မို့ ကျတော်သေချာတော့ မပြောနိုင်ဘူး ။

ချစ်ခြင်းဖြင့် ။

Aung Phyoe
( အောက်တိုဘာ ၁၂ ၂၀၁၁ ၊ 11:25 PM)

The Makioka Sisters [1983] , Dir - Kon Ichikawa

2011-06-23T18:37:00.011+08:00

တနီဇာကီရဲ့ “မီကီအိုက ညီအစ်မများ” ဝတ္ထုကို ရုပ်ရှင်အဖြစ် (၃) ကြိမ် ၊ ဇာတ်လမ်းတွဲအဖြစ် (၅) ကြိမ် စုစုပေါင်း ၈ ကြိမ်တိတိ ရိုက်ကူးခဲ့ကြပါသည် ။ ထိုအထဲကမှ အထင်ရှားဆုံးနှင့် နိုင်ငံတကာ ဝေဖန်ရေးဆရာတို့ အသိအမှတ် အပြုခံရဆုံးမှာ ၁၉၈၃ မှာ Kon Ichikawa ( သူ့ရဲ့ ထင်ရှားတဲ့ ရုပ်ရှင်တစ်ကားမှာ ဗမာပြည်နောက်ခံ ဗမာ့စောင်း Burmese Harp ဖြစ်ပါသည်) ရိုက်ကူးခဲ့တဲ့ ရုပ်ရှင်ဖြစ်ပါ၏ ။ ယခုခေတ်ပိုင်းမှာ ရှားပါးနေပြီဖြစ်တဲ့ သည်ရုပ်ရှင်ကို ယခုလဆန်းပိုင်းမကြာသေးမှီက Criterion Collections မှ blu-ray အဖြစ် ပြန်လည်ထုတ်ဝေ ပါသည် ။

ဒါရိုက်တာ အီချီကာဝ ဟာ သည်ဝတ္ထုကြီးကို စတင်ထုတ်ဝေချိန် ၁၉၄၀ ခုနစ်ခန့်ကတည်းက ရုပ်ရှင်အဖြစ် ရိုက်ကူးလိုခဲ့ခြင်းဖြစ်သော်လည်း ပထမဆုံးအကြိမ် အဖြစ် ၁၉၅၀မှာ အခြားသူတစ်ဦးက ရိုက်ကူးခဲ့တာမို့ သူ့ရည်ရွယ်ချက် ပျက်ခဲ့ရပါ၏ ။ ဒါ့အပြင် ဒုတိယအကြိမ်အဖြစ် ၁၉၅၉ မှာထပ်မံရိုက်ကူး ပြန်တာမို့ ၁၉၈၀ပြည့်လွန်မှသာ အီချီကာဝရဲ့ အိမ်မက် အကောင်အထည်ဖော်နိုင်ခဲ့တယ် ပြောရပါမည်။ သည်ဇာတ်ကားဟာ ငွေကုန်ကြေးကြများလှပြီး တခမ်းတနားရိုက်ကူးခဲ့တာမို့ ထုတ်လုပ်ရေး Toho Company ရဲ့ နှစ်(၅၀) ပြည့်အထိမ်းအမှတ်အနေဖြင့် ၁၉၈၃ မှာ ရုံတင်ပြသခဲ့ပါသည် ။

အီချီကာဝဟာ တနီဇာကီရဲ့ အခြားထင်ရှားတဲ့ ဝတ္ထုတစ်ပုဒ်ဖြစ်တဲ့ The Key (1959) အပါအဝင် ဂျပန်နိုင်ငံ၏ ထင်ရှားတဲ့ စာပေဂန္တဝင်လက်ရာများကို မှီငြမ်းရိုက်ကူးလေ့ ရှိသူသာမက ၊ သည် မီကိုအိုက ညီအစ်မများ ဝတ္ထုနောက်ခံ အိုဆာကာ မြို့မှာ ကြီးပြင်းခဲ့သူဖြစ်လို့ သည်ရုပ်ရှင်အပေါ် အာရုံစိုက်ပြီး ကြိုးပမ်းခဲ့မှုဟာ ပြောစမတ်ပြုစရာဖြစ်ခဲ့ပါ၏ ။ သို့တိုင်အောင် ရုပ်ရှင်စတင် ရိုက်ကူးချိန် ၁၉၈၁ - ၈၂ မှာ ဒါရိုက်တာဟာ အသက် ၆၈ နှစ်ကျော်နေပါပြီ ၊ ဒါ့အပြင် သူတစ်လျှောက်လုံး လက်တွဲခဲ့တဲ့ ဇနီးသည်လည်းဖြစ်တဲ့ ဇာတ်ညွှန်းရေးဆရာမဟာ သည်ဇာတ်ကားအတွက်ပြင်ဆင်နေတုန်းမှာ ဆုံးပါသွားခဲ့ပါသည်။ သည်လို အခက်အခဲမျိုးမျိုး ကြားမှ ဒါရိုက်တာကြီး၏ ကာလရှည်ကြာတဲ့ အိပ်မက်ကို အကောင်အထည် ဖော်ခဲ့နိုင်ခြင်းဖြစ်ပါ ၏ ။

ကျတော်တို့ လက်ခံထားကြသည့်အတိုင်း စာပေနဲ့ ရုပ်ရှင်တို့ရဲ့ အနုပညာနောက်ခံနှင့် ပရိတ်သတ်ဟာ မတူညီပါ ။ သည်အတွက်ကြောင့်လည်းပဲ နာမည်ကြီး ဝတ္ထုတွေကို ရုပ်ရှင်ရိုက်ကူးကြရာမှာ ဝေဖန်ရေးဆရာတွေ အဖို့ ကျယ်ပြန့်တဲ့ ရေးကွက်ရလာကြခြင်းပဲ ဖြစ်ပါသည် ။ ခေတ်တိုင်းခေတ်တိုင်းမှာ ကမ္ဘာအရပ်ရပ်က ဂန္တဝင် ဝတ္ထုကြီးများကို ရုပ်ရှင်များအဖြစ် အသက်သွင်းကြတာကို ကျတော်ကို မရိုးနိုင်တွေ့နေကြရမြဲဖြစ်ပါသည် ။ အဲသည်လို အခါတိုင်းမှာလည်း ဝတ္ထုကိုမမှီပါဘူး ဆိုတဲ့ အသံတွေကို ကြားနေတတ်စမြဲဖြစ်ပါ၏ ။ အမှန်ကတော့ ထိုနှိုင်းယှဉ်ချက်မျိုးသည် လေးနက်မှုကင်းလှသော နှိုင်းယှဉ်ချက်မျိုးပင်ဖြစ်ပါသည် ။ ဝတ္ထုကို နှစ်သက်လွန်း၍ ထိုထဲကအတိုင်း မချွမ်းမချန် ကြည့်လိုသူသည် မှီငြမ်းထားသည့် မည်သည့်ရုပ်ရှင်ကားကိုမှ စုံစမ်းနေစရာမလိုပါ ။ ကိုယ်တိုင် စိတ်ကူးယဉ်ကြည့်တတ်ဖို့သာ သူ့အတွက်တတ်နိုင်ပေလိမ့်မည် ။ သူ၏ တောင့်တချက်သည့် မည်မျှ တော်သည့် ဒါရိုက်တာ၏လက်တွင်မှ အကောင်းအထည်ပေါ်နိုင်မည် မဟုတ်သောကြောင့်ပင် ။

အဲသည်လို ခံယူချက်မျိုးနဲ့ ဝတ္ထုဖတ်ပြီးပြီးချင်း သည်ရုပ်ရှင်ကို ကျတော်ကြည့်ဖြစ်ခဲ့သည် ။ အမှန်ပြောရလျှင် ကြည့်ဖူးသမျှ ရုပ်ရှင်ကားတွေထဲမှာ အမြင်အလှဆုံး ဇာတ်ကားတစ်ကားလို့ ပြောရပါမည် ။ ချယ်ရီပန်းရုံများ၏ လှပသောဖွဲ့တည်မှု ၊ ပွင့်ဖတ်များသဖွယ် အသားအရည်ရှင် ညီအစ်မလေးဖော်နှင့် ဝတ်ဆင်ကြသည့် ဆန်းသစ်သော ကီမိုနိုများသည် ကြည့်သူကို အင်မတန်ပင် စွဲဆောင်နိုင်ကြပါ၏ ။ ဒါ့အပြင် ဝတ္ထုတဲမှာ အသေအချာဖော်ပြမထားတဲ့ မီကီအိုကမိသားစု၏ စီးပွားရေးကို ပိုးသားကီမိုနို ရက်လုပ်သည့်စီးပွားရေးလို့ တင်ပြခဲ့ခြင်းကြောင့် ဒါရိုတ်တာအတွက် ကီမိုနိုအဆင်ဆန်းမျိုးစုံကို ခင်းကျင်းခွင့်ရရှိခဲ့ပါသည် ။ ၁၉၈၃ ခု ရုပ်ရှင်ရုံတင်ပြသချိန်တုန်းက သည်ရုပ်ရှင်အခန်းတစ်ခန်းချင်းဆီမှ ဇာတ်ဆောင်အမျိုးသမီးတစ်ဦးချင်းဆီ၏ ပိုးထည်ကီမိုနိုတစ်စုံချင်းစီဟာ သည်ဘက်ခေတ် ကားသစ်တစ်စီးစာလောက် တန်ဖိုးရှိတယ်လို့ အပြောထွက်ကြသည့်တိုင် အဝတ်အစားကို အလေးထားရိုက်ကူးခဲ့ပါသည် ။

သည်အချက်ကို အလေးထားပြောရခြင်းကြောင့် ရုပ်ရှင်ဟာ မျက်စိပဒေသာဖြစ်စရာသက်သက်ရယ်လို့ ဆိုလိုတာတော့မဟုတ်ပါ ။ ဝတ္ထုရဲ့ ဇာတ်လမ်းဇာတ်ကွက်များကို အထင်းသားမှတ်မိစေတဲ့ အခန်းတွေပါပေမယ့် ဒါရိုက်တာဟာ ဇာတ်ကို သူ့ရဲ့လုပ်ပိုင်ခွင့်အတိုင်း ပြောင်းပစ်ခဲ့ပါသည်။ သည်လိုအခွင့်အရေးအရ စာမျက်နှာ ၅၃၀ ကျော်ထူထဲပြီး ၅ နှစ်တာဇာတ်ကြောင်းရှိတဲ့ ဝတ္ထုကြီးကို ပြသာချိန် ၂နာရီသာသာကြာတဲ့ ဇာတ်သဘောအရ တစ်နှစ်တာသာ ရှိတော့သည်အထိ ပြောင်းလဲပြလိုက်ပါသည် ။ သည်လို မှီငြမ်းတဲ့ ရုပ်ရှင်ဇာတ်ကားများမှာ တွေ့ကြရစမြဲဖြစ်သည့် အတိုင်း မူရင်းဝတ္ထုထဲက ဇာတ်ကောင်တွေဟာ အထဲကထက် နားလည်းရပိုလွယ်လာတတ်ပြီး တစ်ဖက်မြင်ရုပ်သေဆန်လာတတ်ကြပါ၏ ။ သည်လိုအခြေအနေရဲ့ အဆိုးဆုံးအဆင့်ကတော့ ဝတ္ထုနှင့် ရုပ်ရှင် ဇာတ်ကောင်နှစ်ကောင်သည် မမှတ်မိနိုင်တော့လောက်အောင် ပြောင်းလဲသွားကြခြင်းမျိုး ဖြစ်ပါသည် ။

သည်လိုအပြောင်းအလဲမျိုးကို ယခုရုပ်ရှင်မှာတွေ့ကြရမှာပါ ။ အထူးသဖြင့် တတိယညီမဖြစ်သူ ယူကီကို (Yukiko) နှင့် (ဒုတိယအစ်မ၏ခင်ပွန်း) ခဲအိုဖြစ်သူ တီနိုဆူကီ (Teinosuke) တို့ရဲ့ ဆက်ဆံရေးပါပဲ ။ ဝတ္ထုတဲက သူတို့နှစ်ယောက်ဆက်ဆံရေးဟာ သီးသန့်ဆန်ဆန်ပင်ဖြစ်သောလည်း ရုပ်ရှင်မှာတော့ ဆွတ်ပျံ့ဖွယ်တွယ်ညိမှု တစ်ခု အဖြစ်တွေ့ရပါသည် ။ သည်ဇာတ်ကွက်အတွက်ကြောင့် ပရိသတ်မှာ ထူးခြားသည့် လွမ်းမောဖွယ်ရသ တစ်ခုကို တိတိပပ ခံစားလိုက်ရကြောင်းတော့ ဝန်ခံရပါမည် ။ သို့ပေမယ့် ဝတ္ထုမှာ တည်ကြည်တဲ့အိမ်ထောင်ရှင် ယောက်ျားတစ်ယောက်အဖြစ် ကျတော်သိခဲ့ရတဲ့ တီနိုဆူကီ ရဲ့ ပုံရိပ်ဟာ သည်ရုပ်ရှင်မှာ ရှာမရခဲ့ပါ ။ ဝတ္ထုနှင့် ရုပ်ရှင်၏ တူညီသောတင်ပြချက်ကတော့ အဓိကဇာတ်ကောင် ယူကီကိုအကြောင်းပင်ဖြစ်ပါ၏ ။ ယင်းတူညီမှုမှာလည်း တကယ်တော့ သူမ၏ ခံစားချက်တစ်စုံတရာကိုမျှ ဖတ်ရှုသူ ၊ ကြည့်ရှုသူကို ပေးမသိစေခြင်းပင်ဖြစ်သည် ။

သည်ပြောင်းလဲမှု ဒဏ်ကိုခံရသည့် အခြား ဇာတ်ကောင်တစ်ယောက်ကတော့ ညီမအငယ်ဆုံး ခေးကို (Taeko) ပင်ဖြစ်ပါသည် ။ ဝတ္ထုတစ်လျှောက်လုံးမှာ သူမကို စိတ်အလိုလိုက်သူ ၊ ပေါ်ပင်လိုက်၍ပစ္စည်းမက်သူ ၊ သွေးအေးစွာ ဖျားယောင်းနိုင်သူ ၊ မိမိကိုယ့်ကိုယ်ဖျက်ဆီးတတ်သူ တစ်နည်းအားဖြင့် စိတ်ဓာတ်ပြတ်သားသူ တစ်ယောက်အဖြစ်တွေ့ရပါသည် ။ အီချီကာဝ ဟာ ခေးကိုရဲ့ ဇာတ်ကိုမူရင်းဖြစ်စဉ်အတိုင်း ရိုက်ပြခဲ့ပေမယ့် သူ့ရဲ့ ခေးကိုဟာ အပြစ်ကင်းလွန်းနေသူဖြစ်နေပါသည် ။ သူဟာ စိတ်ကူးယဉ်တတ်သည့် မိန်းမပျိုသက်သက် ၊ အစ်မများအပေါ် အရွဲ့တိုက် နွဲ့ဆိုးဆိုးသူသက်သက်အဖြစ်သာ တွေ့ရပါတော့၏ ။
ဒါ့အပြင် ဇာတ်ရဲ့အရေးကြီးတဲ့ အပြောင်းအလဲတစ်ခုဖြစ်တဲ့ အစ်မအကြီးဆုံးမိသားစု တိုကျိုသို့ ပြောင်းရွှေ့ရမှုဟာ ဝတ္ထုရဲ့ အစပိုင်း သုံးပုံတစ်ပုံမှာတွေ့ရပေမယ့် ရုပ်ရှင်ထဲမှာတာ့ ဒါဟာ ဇာတ်သိမ်းခန်းဖြစ်နေပါသည် ။ ဒါ့အပြင် အရေးကြီးသည့်အချက်တစ်ခုအနေဖြင့် နီးကပ်လာတဲ့ ဒုတိယကမ္ဘာစစ် စစ်ကြိုကာလ အခြေအနေတွေကို ရုပ်ရှင်ထဲမှာ လုံးဝမတွေ့ရခြင်းပါ ။ တစ်ခန်းမှာသာ စစ်သားတွေ ချီတတ်ကြတဲ့ အကြောင်းအရိပ်အမွတ်ပြောသွားတာသာ တွေ့ရ၏ ။
ဘယ်လိုပဲဆိုဆို အီချီကာဝ ၏ မီကိုအိုက ညီအစ်မများဟာ လှပသပ်ရပ်တဲ့ သက်ဝင်ပန်းချီကားချပ်များကို တစ်ချပ်ချင်းဆီ လှစ်ဟကြည့်ရှုရသလို ဒါရိုက်တာရဲ့ ထက်မြက်တဲ့ အနုပညာစွမ်းရည်ကို ပြသနိုင်တဲ့ ဇာတ်ကားတစ်ကားပဲဖြစ်ပါသည် ။ ကိုယ်နဲ့အတန်ငယ်စိမ်းသေးတဲ့ တိုင်းတစ်ပါး ယဉ်ကျေးမှုကိုလည်း တစ်စေ့တစ်စောင်းသိမြင်နိုင်စေတဲ့ ဇာတ်ကားမျိုးပါ ။

ကျတော့်အတွက်တော့ သည်ဇာတ်ကားဟာ အဆွေးကားတစ်ကားလည်းဖြစ်ပါသည် ။ ဇာတ်ကားအဆုံးပိုင်းမှာ တိုကျိုကိုပြောင်းရွေ့သွားတဲ့ အစ်မကြီးက သူတို့တစ်တွေ နှစ်စဉ်လုပ်နေကျ ချယ်ရီပန်းပွင့်ချိန်မှာ အတူတကွ ကြည့်ခွင့်ရကြတော့မှာ မဟုတ်ဘူးလို့ပြောသွားခဲ့ပါ၏ ။ နှင်းမြူတဖွဲဖွဲကြားမှာ တစ်စတစ်စ ဝေးသွားတဲ့ ရတားကြီးကိုမျှော်ကြည့်ရင်း ယခင်တုန်းကလို အတူတကွမရှိနိုင်ကြတော့တဲ့ ညီအစ်မလေးယောက်ရဲ့ နိမိတ်ပုံ ပြချက်ဟာ ဝတ္ထုအဆုံးက ခံစားချက်ရသကိုတော့ တစ်သွေမတိုင်းပုံဖော်နိုင်စွမ်း ရှိခဲ့ပါ၏ ။ ယင်းအချက်သည်ပင် ကျတော့်အတွက် ပြောလောက်စရာ ဒါရိုက်တာ၏ ပဉ္စလက်တစ်ကွက်ပင်ဖြစ်ပါသည် ။ ဇာတ်နောက်ဆုံးခန်းမှာ မင်္ဂလာဆောင်တော့မယ့် ယူကီကိုအတွက် တစ်ကိုယ်တော် ကြေကွဲငိုကြွေးနေတဲ့ တီနိုဆူကီ ရဲ့ နိမိတ်ပုံဟာ သူတစ်ယောက်ထည်းအတွက်သာမက ၊ ပါရှိသမျှ ဇာတ်ကောင်အားလုံးတို့အတွက် ခံစားမှု နိမိတ်ပုံဖြစ်သည့်အပြင် ၊ မကြာမှီပြိုကွဲသွားတော့မယ့်ခေတ်ကြီးအတွက် လွမ်းဆွတ်သည့် ဒါရိုက်တာ၏ ပုံရိပ်လည်းဖြစ်ပါသေးသည် ။

ကျတော်တို့တစ်တွေဟာ ရုပ်ရှင်ကားတစ်ကားကို ကြည့်ရင် ကြိုက်၏ ၊ မကြိုက်၏ သာဝေဖန်နိုင်ခွင့် ရှိကြပြီး ကောင်း၏ ၊ မကောင်း၏ တစ်ဖန် ဝတ္ထုကိုမှီ၏ ၊ မမှီ၏ လို့ အနုပညာရှင်တစ်ယောက်ရဲ့ ဖန်တီးမှုကို စွတ်ဖက်ခွင့်မရှိကြပါဘူး ။ သည်ခံယူချက်နဲ့ပဲ ကျတော်အတွက်တော့ သည်ရုပ်ရှင်ဟာ တောက်ပြောင်သည့် အနုပညာလက်ရာစစ်တစ်ခုဖြစ်သည့်အပြင် ဆွတ်ပျံ့ဖွယ် အတွေ့အကြုံတစ်ရပ်လည်းဖြစ်ပါ၏ ။ ရုပ်ရှင်တစ်ကား၏ ခေတ်အဆက်ဆက်တည်တံ့ကာ မပျက်ယွင်းနိုင်သည့် စွမ်းအင်အရည်အသွေး တစ်ရပ်ကို သက်သေထူနိုင်တဲ့ အနုပညာဖန်တီးချက် တစ်ရပ်လို့လဲ ဆိုချင်ပါသည် ။ ။

အောင်ဖြိုး
( ဇွန် ၂၃ ၊ ၂၀၁၁)

The Makioka Sisters - Tanizaki Junichirô

2011-06-22T19:28:00.003+08:00

မီကီအိုက ညီအစ်မများ (၁၉၄၃-၁၉၄၈) ဝတ္ထုကို ဂျပန်နိုင်ငံရဲ့ ထင်ရှားလှတဲ့စာရေးဆရာ တနီဇာကီ ရေးသားခဲ့တာဖြစ်ပြီး ကမ္ဘာ့ဂန္တဝင် ဝတ္ထုတစ်ပုဒ်အဖြစ် ယနေ့တိုင်ထင်ရှားနေဆဲဖြစ်ပါတယ် ။ ဝတ္ထုနောက်ခံ အချိန်ကတော့ ဒုတိယကမ္ဘာစစ်မတိုင်ခင်လေးက ဂျပန်နိုင်ငံ၊ အိုဆာကာမြို့မှ ထင်ရှားတဲ့ ကုန်သည်မိသားစု တစ်စုရဲ့ လှုမှုရေး ၊ စီးပွားရေး အခြေအနေ တွေကို (၅) နှစ်ကြာနောက်ခံ ရေးသားခဲ့တာဖြစ်ပြီး ဂျပန်က ပုလဲဆိပ်ကမ်း ဗုန်းမကြဲမှီ ခုနစ်လခန့်အလို ၁၉၄၁ - ဧပြီလ နောက်ခံမှာ ဇာတ်ကိုအဆုံးသတ်ထားပါတယ် ။

သည်ဝတ္ထုမှာ ဆွေကြီးမျိုးကြီးက ဆင်းသက်လာကြတဲ့ ညီအစ်မလေးယောက် ကိုအခြေပြုကာ ဇာတ်သွားချိန် ၅ နှစ်အတွင်း ဖြစ်ပျက်သမျှတို့ကို အသေးစိတ်ရေးသားထားပါတယ်။ တဖြည်းဖြည်းပျက်ယွင်း လာတဲ့ စီးပွားရေးအခြေအနေ ၊ ခေတ်သစ်ပြောင်းစအချိန်မှာ အတွေးအခေါ်ဓလေ့ဟောင်းတို့ ပျက်သုန်းရခြင်း themes တွေဟာ သည်ဝတ္ထုရဲ့ အရေးပါတဲ့ အခြေခံတင်ပြချက်တွေဖြစ်တယ် ။ သည်လို ပြောင်းလဲပျက်သုန်းမှု တွေကို တန်ပြန်တွန်းလှန်ရင်း ခေတ်ဟောင်းရဲ့ အခွံအတွင်းမှာ တည်မြဲနိုင်အောင် ရုန်းကန်ကြတဲ့ ဇာတ်ဆောင်တွေရယ် ၊ ပြောင်းလဲမှုကို ကြိုဆိုတဲ့ ခေတ်သစ်လူငယ်တွေရယ် ပဋိပက္ခ ကိုလည်း စာရေးဆရာက အလေးပေးထားပါတယ် ။

ဝတ္ထုရဲ့ မူလအမည်ဟာ Sasameyuki ဖြစ်ပြီး ‘နှင်းဖွဲကျချိန်’ လို့ အဓိပ္ပာယ်ရပါတယ် ။ ဒါ့အပြင်လည်း သည်ခေါင်းစဉ်ဟာ ဝတ္ထုရဲ့ ဇာတ်ကောင်ညီအစ်မလေးယောက်ထဲက တစ်ယောက်ဖြစ်တဲ့ Yukiko ယူကီကို ကိုကိုယ်စားပြုရာရောက်တာမို့ သူမကိုပဲ အဓိကဇာတ်ကောင်လို့ သတ်မှတ်ချင်ဟန်ရပါတယ် ။ သို့တိုင် ဝတ္ထုတစ်ပုဒ်လုံးမှာ စာရေးဆရာဟာ သူ့ကို အကွားအဝေးတစ်ခုအတွင်းမှာသာ တစ်ဆင့်ခံ တောက်လျှောက်မြင်စေခဲ့ပါတယ် ။

ဇာတ်ရဲ့ အဓိကကျောရိုးကတော့ မီကိုအိုက ညီအစ်မလေးဖော်ရဲ့ တတိယမြောက်ညီမဖြစ်သူ ယူကီကိုအတွက် ခင်ပွန်းလောင်းအိမ်ထောက်ဖက် ရှာရန် အစ်မနှစ်ယောက်နဲ့ ခင်ပွန်းဖြစ်သူတွေ ကြိုးပမ်းကြတဲ့ အကြောင်းပါပဲ ။ မူလကတော့ စာရေးသူဟာ ၃ အုပ်တွဲရေးသားဖြစ်တာဖြစ်ပြီး အင်္ဂလိပ်ဘာသာပြန်မှာတော့ စာမျက်နှာ (၅၃၀) ကျော် ထူထဲပြီး ၊ တစ်ဖန် ဇာတ်ကောင်တွေရဲ့ အပြုအမူကို အသေးစိတ် ဖော်ပြထားတာဖြစ်လို့ အနည်းငယ် ဇာတ်လေးတယ်လို့တော့ ဆိုနိုင်ပါတယ် ။ ဒါ့အပြင် ဂျပန့် ယဉ်ကျေးမှု နှင့် ရိုးရာ အသုံးအဆောင် ပစ္စည်းအချို့အကြောင်းလည်း အတန်ငယ် ဗဟုသုတ ရှိဖို့လိုပါလိမ့်မယ် ။

သည်ဝတ္ထုမှာ စာရေးဆရာရဲ့တင်ပြချက်ဟာ Photographic Realism လို့ပြောကြတဲ့ ဓာတ်ပုံရိုက်ပြသလို အပေါ်ယံအပြုမူတွေကို အသေးစိတ်ရေးပြတဲ့ အရေးအသားမျိုးပါ ။ ခုနောက်ပိုင်းခေတ် စာပေရေးရာမှာ သည်လိုအရေးအသားမျိုး (Jane Austen အရေးအသားမျိုးကိုလည်း သည်အမျိုးအစားထဲမှာ ထည့်ကြတယ် ) ကို အတွင်းစိတ်ကို ရေးပြတတ်တဲ့ စာရေးဆရာအချို့က ဝေဖန်ကြသော်လည်း ၊ စာဖတ်သူ အဖို့ တစ်နည်းအားဖြင့် မြင်သာစေတဲ့ စွဲဆောင်မှုရှိတဲ့ အရေးအသာမျိုးပါပဲ ။ ကျတော့်အတွက့်တော့ ဖတ်နေစဉ် သောမစ်မန်းရဲ့ Buddenbrooks ၊ ဒေါ့စတိုယက်စကီရဲ့ The Brothers Karamazov စတဲ့ မိသားစုနောက်ခံ ဝတ္ထုတွေကို အမှတ်ရစေရုံသာမက ၊ ဆောင်ဇူဂျင်း နဲ့ ကောက်ငိုတို့ရဲ့ ယဉ်ကျေးမှု အစဉ်အလာ အဓိက နောက်ခံ A Dream of Red Mansions ကိုလည်း ပြန်လည်တမ်းတစေပါတယ် ။ စာရေးဆရာ တနီဇာကီဟာ မီကိုအိုက မိသားစုတစ်စုရဲ့ လူမှုရေးနောက်ခံ အဆင်းအတန်းကို အသေးစိတ်သိရှိသူဖြစ်ပြီး သူတို့တစ်တွေ နေ့စဉ် အမူအကျင့်တွေ ၊ အပြောအဆိုတွေက အစ အသေအချာသရုပ်ဖော်ထားပါတယ် ။ ဒါ့အပြင် အဝတ်အစား ၊ အစားအသောက်အပြင်အဆင် ၊ ပွဲတော်များနဲ့ ရာသီဥတုနောက်ခံကိုလည်း အလေးပေးဖော်ပြထားပြန်တယ် ။ အထူးသဖြင့် Kyoto ကျိုတိုမှာ နှစ်စဉ်ရှိတဲ့ ချယ်ရီပန်းကြည့်ပွဲတော် ၊ နောက် ပိုးစုန်းကြူးဖမ်း ပွဲတော်စတာတွေမှာလည်း ဂျပန်တွေရဲ့ ယဉ်းကျေးမှု ၊ ဓလေ့တွေကိုပါ အသေးစိတ်ဖတ်ရှုနိုင်ပြန်တယ် ။

ဒါတွေအပြင် စာရေးသူဟာ ပါဝင်သမျှ ဇာတ်ဆောင်တွေရဲ့ စရိုက်ကိုလည်း အထူးအလေ့ပြုရေးထားတယ် ။ ဇာတ်ကောင်စရိုက်သရုပ်ဖော်ရာမှာ နောက်ပိုင်းခေတ်အရေးများ ကြတဲ့ အတွင်းစိတ်အခြေအနေ ပဓါန နည်းမျိုးကို မသုံးပဲ ဇာတ်ကောင်တွေရဲ့ အပြုအမူ အပြောအဆို အနေအထိုင် သက်သက်များကိုသာ ဖော်ပြရင်း စာဖတ်သူကိုယ်တိုင် တဖြည်းဖြည်းချင်း ရင်းနှီးလာပြီး စရိုက်ကို ခန့်မှန်းကြည့်နိုင်စေတဲ့ အရေးအသားနဲ့ သရုပ်ဖော်ထားပြန်တယ်။

ကျတော်ပြောခဲ့သလိုပါပဲ ၊ သည်ဝတ္ထုကြီးက ထူထဲပါတယ် ။ ဒါပေမယ့် သည်လို စာအုပ်မျိုးဟာ အလောတကြီး အပြီးဖတ်ရမယ့် စာအုပ်မျိုးတော့မဟုတ်ပါဘူး ။ ဝတ္ထုဆုံးသွားလို့ စာအုပ်ကို ပိတ်လိုက်ရင် စာဖတ်သူဟာ ရင်းနှီးနေပြီဖြစ်တဲ့ ဇာတ်ကောင်တွေကို မခွဲချင်လှပဲ အတန်ငယ်ပင် လွမ်းနေရတတ်ပါတယ် ။ စာရေးသူဟာ မိသားစုတစ်စု အတွင်းမှာ ဖြစ်ပျက်သမျှကို ၅ နှစ်ကြာကာလ အတွင်း လုံးဝမချွန်းမချန် ရေးပြသွားခဲ့တယ် ။ စာဖတ်သူဟာ အတွင်းလူယုံ ဧည့်သည်တစ်ယောက်အနေနဲ့ သည်မိသားစုနဲ့ နှစ်အတန်ငယ်နေထိုင်ခဲ့ရသလို ခံစားရစေပြီး မိသားစုဝင် တစ်ဦးချင်းအပေါ်မှာလည်း သံယောဇဉ် ရှိနေ တွယ်တာနေတာကို အထင်အရှားတွေ့ရပါတယ် ။

စာရေးဆရာဟာ သူ့ဝတ္ထုကြီးကို ဒုတိယကမ္ဘာစစ်မတိုင်မှီလေးမှာ ရပ်ပစ်ခဲ့လို့ ကျတော်တို့ အနေနဲ့ စစ်ဘေးဒဏ်ခံရမယ့် မိသားစု အခြေအနေတွေကို မသိနိုင်တော့ပါဘူး ။ ဒါပေမယ့် ဇာတ်သိမ်းချိန်မှာ ဆုံးရှုံးမှု ပျက်ယွန်းမှု အနေနဲ့ကတော့ တစ်ချိန်လုံး စည်းစည်းလုံးလုံး ရှိခဲ့ကြတဲ့ ညီအစ်မတစ်တွေ တစ်စတစ်စ ဝေးကွာသွားကြရတဲ့ ဘဝပေးအခြေအနေတွေကိုပါ ။ ရက်စက်ကြမ်းကြုတ်လှတဲ့ စစ်ကြီးနဲ့ လက်တစ်ကမ်းအကွာက ကိုယ်နဲ့ရင်းနှီးလှတဲ့ မိသားစုတစ်စုလုံးအကြောင်း မသိရတော့ဟာ ခံစားတတ်သူအဖို့တော့ စိတ်ပူစရာ ၊ စိတ်မကောင်းဖြစ်စရာ ၊ လွမ်းလောက်စရာပါပဲ ။ ။

သည်ဝတ္ထုကို အခြေခံပြီး ရိုက်ထားတဲ့ ရုပ်ရှင်တွေ အကြောင်းလည်း ဆက်ရေးဖြစ်ပါဦးမယ် ။

အောင်ဖြိုး
( ဇွန် ၂၂ ၊ ၂၀၁၁)

ပန်းပြတ်ခိုက်ကြုံ

2010-08-26T01:06:00.007+08:00

စာမရေးတာ တော်တော့်ကို ကြာသွားပြီ ။ ခင်ရတဲ့ အမတစ်ယောက်က တွန်းအားပေးလို့ စာရေးချင်စိတ်ပေါ်လာတယ် ။ ကိုယ်အရင်ရေးတာတွေလည်း အားမရတော့ စာမရေးတော့ဘူးလို့ကို ပစ်ထားတာကမှ ဇာတ်လမ်းလေး ဖျစ်ညှစ်စဉ်းစားရင်း ကြိုးစားရေးလိုက်ရတယ် .. ။ လောလောဆယ် -ဖတ်ထားတာ မကြာသေးတဲ့ Haruki Murakami စာတွေရဲ့ Surrealism ဝါဒတွေ စွဲနေတော့ သည်အရိပ်အောက်မှာပဲ စာကထွက်လာတယ် .၊ ဘာပဲပြောပြော ကြိုးစားပြီးချရေးလိုက်ပြီ ၊ ခုတလောတော့ စာအုပ်တွေပဲ ဖတ်ဖြစ်နေတယ် ။ ထုံးစံပဲ စာအုပ်တွေဖတ်တာများလေ ကိုယ့်ကိုယ်ကို အားမရလို့ စာမရေးချင်လေပဲ ။

ပန်းပြတ်ခိုက်ကြုံ

(၁)
ဘဝမှာ သည်တစ်ခါလောက် ရင်ခုန်မလိုက်မောစဘူး ဟုတင်သည် ။

မှောင်မည်းတဲ့ လမ်းတစ်လျှောက်ကို ဖြတ်သွားရင် မြင်ကွင်းတို့က ကြည်လင်လာသည် ။ လာစကတည်းကပင် အဓိပ္ပာယ်မသိပေမယ့် သာယာမှုတစ်ခုခုနောက် လိုက်နေရသလိုပင် ။ မျှော်လင့်ချက် တစ်ခုခုကလည်း မျက်မှောက်ထင်ချိန် နီးပြီတည်း ။ စောင့်ဆိုင်းခြင်း၏ နိဂုံးဝယ် လူများ ဥဒဟို ဖြတ်သန်းရာ အဆောက်အအုံ တစ်ခုဆီသို့ နီးကပ်လာကြောင်း သတိထားမိသည် ။ ကျတော် စောင့်ဆိုင်းခြင်းကို မုန်းကြောင်း သူမသိဘူးလား ။ မသိလို့ ခုထိမရောက်သေးတာ သေချာသည် ။ သည်ရပ်ဌာနေ တွင် အချိန်ကို သိရန် နာရီတစ်လုံး မလိုအပ်ပါ ။ ကျတော်တို့ သည်နေရာမှာ တွေ့ရန်ချိန်းဆိုထားပြီးဖြစ်လို့ မှားစရာလည်း အကြောင်းမရှိ ။ ဘေးဘီတွင် ထင်လင်းသော နေရာအချို့ကို ငေးကြည့်ရင်း အချိန်ဖြုန်းဖို့ သာအကြောင်းရှိမည် ။ ငေးမောခြင်းထင် တွေးတောခြင်းသည် အချိန်ဖြုန်းရန်အကောင်းဆုံးမဟုတ်လော ။

“အစ်ကို စောင့်နေတာကြာပြီလား”

မျှော်လင့်မထားပေမယ့် ကြားနေကြ အသံကြောင့် ရင်းနှီးမှုကို ခံစားလိုက်ရသည် ။ လှည့်ကြည့်တော့ နှင်းမြူပါးပါးမှာ စက်ဘီးတစ်စင်းတွန်းလာတဲ့ မိန်းကလေးတစ်ယောက် ။ ပတ်ဝန်းကျင်တွင် အာရုံတက်၏ အရိပ်အငွေ့များ ယှက်သန်းနေပြီ ။

“နည်းနည်းနောက်ကျသွားတယ် ညကလည်း စာကျက်တာ မပြီးသေးလို့ ၊ သည်နေ့ ဆရာသာ မေးရင်သေပြီပဲ ..၊ လာ သည်နေ့ငါတို့ နှစ်ယောက်ပဲ မကြူသည်နေ့မလာဘူးတဲ့”

သည်တော့မှ ရည့် အသံကိုကျက်မိသည် ။ နောက်ဆုံးငါ့ ရည့်ကို စောင့်နေတာပဲ ကျူရှင်သွားဖို့ .. ။ သူ့ကို မတွေ့တာ ကြာလှပါဘီလော … မေ့လုမေ့ချင် ဖြစ်နေပြီလေ.. ။ ကျတော်တို့ မနေ့က တွေ့ကြလို့လား .. ၊ ကျတော် စောင့်တာ သူကိုလား .. ဒါဆို သူ့ကို ကျတော်စောင့်ခဲ့တာကြာလှပါဘီကွယ် … ။

“နည်းနည်းနောက်ကျလို့ စိတ်ဆိုးနေတာလား၊ အစ်ကိုရော စာရပြီလား ၊ နောက်တစ်ပတ် သြဂုတ်လ ၁၁ ရက် ငါ့မွေးနေ့ကျရင် မကြူရယ် နင်ရယ် ငါတို့ သုံးယောက်တစ်ခုခု သွားစားကြမယ်လေ .. နော် ၊ စိတ်မကောက်နဲ့တော့”

နောက်ဆုံးတော့ သူလာပြီလေ … စောင့်ဆိုင်းရတာ တစ်ခဏမကတာတော့ သေချာသည် ။ သူကို ကိုယ်စိတ်ဆိုးဖို့ မလိုဘူးထင်ပါတယ် … ။ သူနောက်ဆုံးတော့ ကိုယ်မျှော်လင့်ထားသလို ကိုယ့်ဆီကို ပြန်လာတာပဲ ။

“နော် … အစ်ကိုရယ် ၊ ဟုတ်ပြီလား”

(၂)

မနက်ဖြန် မေလဲ့ နဲ့တွေ့ဘို့ ခုညကတည်းက ရင်ခုန်ရသည် ။

မေလဲ့က ကိုဦးကို သည်လောက်တောင်လွှမ်းမိုး ထားနိုင်တာပဲ ။ သည်တစ်ခေါက် ပြန်ရောက်ကတည်းက မေလဲ့နဲ့ မတွေ့ရသေး … သေချာထွက်ကြည့်ရင် ၂ လနဲ့ ၁၇ ရက်တောင်ရှိတော့မယ် ။ သည်လို အသေးအဖွဲတွေဟာ ပြန်စဉ်းစားတွက်ချက်ရင် သိပ်လွယ်ပေမယ့် မိန်းကလေးတစ်ယောက်ကို ရင်ခုန်စေဖို့ သိပ်တာသွားတယ် ။ လွန်ခဲ့တဲ့ ၄ ၊ ၅ နှစ်လောက်တုန်းက မိန်းမတွေအကြောင်း သည်လောက် မသိတတ်တာ ကိုဦးညံ့တာပဲ … ။

သည်ည စာဖတ်ရင် ကဗျာတွေဖတ်ဖို့ သင့်မည်ထင်သည် ။ လရောင်ဆမ်းသော ချစ်သူ့အိပ်ခန်းဆောင်ကို ညဉ့်ယာဉ်ရထားဖြင့် တိတ်တဆိတ်သွားရောက်သင့်လေသလား ။ လေအလာ မွှေးပျံ့လွင့်မြူးသော ဆံနွယ်အရင်းမှ ရိပ်တရောင့်မြင်ရသော မေ့ရွှေလည်တိုင်ကြော့ကို နမ်းရှိုက်ခွင့် ငံလင့်ရမလား ။ အခုတော့ သည်လိုအတွေ့ မထူးပေမယ့် မောင့်မှာဖြင့်ရူးပြီမေ လို့ လိုက်မောစွာ ညည်းဆိုဖို့ပဲရှိ တော့မည် ။

မေလဲ့ နဲ့ ကိုဦးတွေ့စက ကိုဦးနှလုံးသားမှ ဒဏ်ရာသည်အက်ကြောင်းထင်ဆဲပင် ရှိသေးသည် ။ ထင်ပေါ်လှ သော မေလဲ့ကို သာမာန်ထက်ပို၍လည်း သတိမထားမိခဲ့ … ၊ ရူးမိုက်တုန်းပင်မို့ တစ်နေ့ဝယ် ဒဏ်ရာပေးခဲ့သူက ပြန်လည်ကုစားရန်ရောက်လာလိမ့်မည်မို့ အနာဖေးမတက်အောင်ပင် လွမ်းစကိုတွဲသီထားတတ်ဆဲ ။ ကိုဦး ရှုံ့ချခဲ့ဘူးသော သူများတွေ ဘာညာမသိတရားစာရွတ်သလိုပဲ … တစ်နေ့တစ်နေ့ လွမ်းချိန်ပေးကာ ကိုယ့်နှမကို တမ်းတရသည် ။

အဲသည်အတွင်းမှာပင် မေလဲ့ဘက်ကတော့ “ကိုမောင်မောင်ဦး” မှ “မောင်မောင်ဦး” ၊ “ကိုမောင်ဦး” …နောက်ဆုံး “ကိုဦး” လို့ အဖျားခက်ခေါ်သည်အထိရင်းနီးလာသည် ။ ကိုဦးတို့ ဆက်ဆံရေးကို ကာယကံရှင်တွေထက် သူများတွေက ပိုလို့ သတိပြုမိကြတယ်ထင်၏ ။ ကိုဦးသည် မရင့်မာသေးပြီမို့ တစ်ခါတစ်လေ မေလဲ့ကို ကွယ်ရာက တစ်စိမ့်စိမ့် ငေးတတ်တာက လွဲရင် သိသိသာသာ တပ်မက်ခြင်းမဖြစ်မိတာလည်း သေချာနေသည် ။ နောက် ကိုယ့်နှမဆီကမျှော်လင့်ခြင်းသည်လည်း အရိပ်အယောင်ပမာမျှ မမြင်ရသေးလို့မို့ မရနိုင်လေ မျှော်လင့်လေနှင့် နှောင်ကြိုးမဲ့လက်ရှိဘဝ ကို ကျေနပ် နေသလိုရှိ၏ ။

သို့သော် ကိုဦးလည်း ယောက်ျားတစ်ယောက်မို့ မေလဲ့နဲ့ တွဲသွားတွဲလာ လုပ်ခွင့်ကို ကျေနပ်လာရသည် ။ ဘယ်နှယ့် တစ်ခါတစ်ခါမှာ အဖော်ဆိုတာ မရှိမဖြစ်လိုအပ်သေးသည်မို့ ကျေးဇူးတတင်စွဲလမ်းရသေးသည် ။ မေလဲ့၏တည်ကြည်စွာ ချွဲနွဲ့တတ်သော အပြုံးချိုချိုကို တပ်မက်စပြုလာပြီ … ၊ ကိုဦး၏ ရှောင်တခင် ဖြည့်ဆည်းမှုကြောင့် ကျေနပ်မှု ကို မေလဲ့မျက်လုံးမှာ မြင်ရတော့ ယောက်ျားတစ်ယောက်၏ ဖြစ်တည်မှု ပိုမို လေးနက်လာသည် ဟုထင်ရ ပြန်သည် ။ နောက်ကိုဦးရဲ့ မျက်လုံးတွေကို မေလဲ့ စိုက်မကြည့်ရဲ့တာကြောင့် မျက်လုံးချင်းဆုံတမ်း ကစားရတာ ပျော်စရာထင်၏ ။ သည်လိုမိန်းမမျိုးနဲ့ လက်ထပ်ရရင် အသက်လုံး ယုယမှုတွေနဲ့ ပျော်နေနိုင်မှာပဲလို့ စိတ်ကူးယဉ်ရင်း အဆင်မပြေတဲ့လင်မယားစုံတွဲတွေကို သနားတတ်သေးသည် ။

ဒါပေမယ့် မေလဲ့ကိုယ့်ကို သဘောကျနေပြီရယ်လို့ အသေမတွက်နိုင်သေး ။ ကိုယ့်နှမတုန်းကလည်း သည်လိုပဲ မဟုတ်လား ။ မေလဲ့သဘောတူရင်တောင် ကိုဦးဖို့ ခုထက်ပိုပြီး နှောင်ဖွဲ့လာမှာကို စဉ်းစားသင့်သေးတယ်ထင်၏ ။ နောက် ကိုယ့်ကိုယ်ကိုယ်လည်း မသေချာသေး … ၃၊၄ နှစ်သည် စိတ်ဒဏ်ရာကို မွေးမြူမထားလျှင် ကုသဖို့ အချိန် လုံလောက်နေလေပြီ ။ စနစ်တကျလုပ်တတ်သူမို့ ကိုဦးအတွေးတွေ နယ်ချဲ့ ချင်တိုင်းချဲ့ မိသည် ။

သည်တုန်းအဝေးမှာ ပျော်ရွှင်နေသည်ဆိုတဲ့ ကိုယ့်နှမသတင်းလေးတွေ ကြိုကြားကြိုကြား ကြားရတတ်သည် ။ အိပ်မက်တွေမှာ ကို့နှမ နှင့်မေလဲ့ တစ်လှည့်စီရောလာသည် ။ မေလဲ့သည် ခုတလော ပိုလှလာသည်ထင်၏ ။ တစ်ခါတစ်ခါလမ်းလျှောက်သွားလျှင်ပင် မွှေးလွင့်၍ နူးညံ့မည်ထင်ရသည့် မေလဲ့ဆံနွယ်တွေကို ထိကိုင်မိ မတက်သတိမှားလာတတ်သည် … ။ မေလဲ့သည် ကိုဦးကို ခိုးစိုက်၍ စိတ်မရှည်စွာကြည့်တတ်ပြီ ၊ ကွေ့ဝိုက်ကာ စကားစတတ်လာပြီပဲ ။ ကိုဦးကတော့ တွေနေဆဲပဲကွယ် .. ။ အချိန်အနေ အချိန်အခါသည် လိုအပ်သည်ထက် ပို၍ တွန့်ကြာသော ကိုဦးကို နည်းဗျူဟာ ပြောင်းလဲပေးဖို့ ကြိုးစားသည်ထင့် ။ နေ့စဉ်လိုလို လမ်းသင့်၍တွေ့နေကြ မေလဲ့သည် ကိုဦးအနားမှ ရုတ်တရက် အလှမ်းဝေးသွားရ၏ ။

ရိုဒင့်အကြောင်းကိုဖတ်တုန်းက သိပ်လှတဲ့ စာတစ်ပိုဒ်ကို ကိုဦးမှတ်မိဖူးသည် ။ ‘ယောက်ျားတစ်ယောက် အဖို့ မိန်းမတစ်ယောက်ကို သူတကယ်ချစ်တယ်ဆိုတာ သိရတဲ့ အချိန်ဟာ အဲသည်မိန်းမ သူ့ဘေးနားက ထွက်သွားတဲ့ အချိန်ပဲ’ တဲ့ ။ အဲသည်စကားလေးသည် အရင်တုန်းက အဓိပ္ပာယ် မသိပေမယ့် ခုတော့ တစ်ယောက်ထည်းထိုင်ပြီး မေလဲ့ကို သတိရတိုင်းတွေးတတ်လာသည် ။ မေလဲ့သည် ကိုဦးလက်လှမ်းလို့ မှီဆဲပါပဲကွယ် .၊ မေလဲ့နဲ့ တစ်ဘဝလုံးနေဖို့ ကိုဦးမှာ အခွင့်သာဆဲပါပဲ … ။ မေလဲ့ကို ကိုဦးကြိုက်တာတော့ အသေအချာပါပဲ .. ၊ မေလဲ့ကိုယူရင် ကိုယ့်နှမနဲ့ သူ့ချစ်သူ စုံတွဲကို ကောင်းကောင်းကြီး ယှဉ်လို့ နိုင်နိုင်တာပဲ .. ၊ မေလဲ့ ရုပ်ရည်၊ ပညာ ၊ အဆင့်အတန်းက ယောက်ျားတိုင်း သဘောကျနှစ်ခြိုက်မှာပါ ။ ဟင့်အင်း ဒါက ယောက်ျားဈေးတွက်ကြီးမဟုတ်လား ။ မေလဲ့ကို ကိုဦးချစ်သလား ၊ မောင့်နှမလိုတော့ ရင်မခုန်တတ်ဖူးလို့ထင်သည် ။ ဒါပေမယ့် ခုလိုစိတ်ကူးခွင့်ရရင် အရင်ကကိုဦးအနားမှာ ရှိတတ်တဲ့ မေလဲ့ ကိုပဲ သတိရတတ်သည် ။ ဒါဆို ချစ်တယ်လို့ သတ်မှတ်ဖို့ လုံလောက်ရဲ့လားကွယ် ။ ကိုဦးမေလဲ့ ကို ချစ်မိနေပြီ မဟုတ်လား ။

“သြော် မေလဲ့ရယ် ၊ ဟုတ်လား”

(၃)

ကိုယ့်နှမ ရည့်ကို မြင်တော့ ဆွတ်ပျံ့ မှုကိုပြန်ရသည် ။ ကိုယ်ခံစားဖူးချင်တဲ့ မေ့လောက်နေပြီဖြစ်တဲ့ ရုပ်ရှင်တွေ အချစ် ဝတ္ထုတွေထဲက ခံစားမှုမျိုး ။ ဝေဝါးနေခြင်းသာ အနှောက်အယှက်ဖြစ်၏ ။ ကိုယ် ရည့်ကိုမတွေ့တာ နှစ်ချီပြီထင်သော်လည်း သူကတော့မနေ့တနေကလိုပြောနေသည် ။ ရည့် ကိုယ့်ကိုစောင့်ရင် အိပ်ပျော်နေတာလား ၊ ရည့်ချစ်သူရော မပါဘူးလား ။ ဒါမှမဟုတ် ကိုယ့်ကို ကိုယ့်နှမ မကြားချင်သည့် စကားမဆိုဝံ့အောင်လှည့်စား ထားတာလား ။

“ကဲ ကိုမောင်မောင်ဦး သွားကြမယ်..”

စက်ဘီးစီးရင်း ပတ်ဝန်းကျင်သည်မှုန်ဝါးလာသည် ။ ရှေ့မှာထက်ဘာမှ ပိုပြီးမမြင်ရ … ၊ အမှောင်ဝေတဝါးထဲ ကိုတိုးသွားရင်း နှင်းမြူတို့ပြည်စ ပြုလေပြီ ။

“အစ်ကို နင်ပြောင်းသွားတယ်နော် … အရင်ကလိုမဟုတ်ဘူး စကားနည်းသွားတယ်”

ဟန်ဆောင်တားတာမောလို့ထင်ရဲ့ ရည်က လက်ရှိအချိန်ကိုပြန်ဆွဲတင်သွားသည် ။ မတွေ့ရတာ ၅ နှစ်လောက်ရှိပြီကွယ် ကိုယ်လည်းရည်နဲ့ နောက်ဆုံးတွေ့ရတဲ့ လူပျိုပေါက်လေးမှ မဟုတ်တော့တာ … ။ မဟုတ်သေးဘူးထင်သည် ၅ နှစ်ဆိုတာ အမှန်ကသေချာပေမယ့် ခုလိုမျိုးတော့ မကြာမကြာတွေ့ ဖူးသားပဲကွယ် ။ မတွေ့တာတော့ ကြာပြီ … ခုတလော ကိုယ့်စိတ်ထဲမယ် မေလဲ့ကို သာစိုးမိုးလို့ နေသည် … ။

ကိုယ်သည် စကားစရှာမရသလို တစ်အ၍နေသည် ။ ရည့်ချစ်သူဘယ်မှာလည်းဟင်လို့ မေးလိုသည့်မေးခွန်းကိုပဲ တိုက်ရိုက်မေးလိုက်ရမလား ၊ သည်အတွင်းမင်းကိုယ့်ကို သတိမရဘူးလား ၊ နောက် သည်လို ကိုယ်နဲ့ ရှောင်တခင်တွေ့ကြတာရော အမှတ်ရရဲ့လားမေးချင်သည် ။

“အရင်ကလို ငါတို့ ၃ ယောက် ကျူရှင်အတူတူသွားကြတာ မှတ်မိသေးတယ် ၊ နောက်ဆရာ့ဆီမှာ စာဖြေတော့ အောက်ကနေကူးချကြတာ .. ၊ မကြူကြီးလည်း မတွေ့တော့ဘူး …. ၊ နင်လည်းအရင်ကလို အတ္တကြီးတုန်းပဲလား အစ်ကို ….နောက် ရည်းစားရော ရပြီလား ၊ အိမ်ထောင်ရော ကျနေပြီလားဟင်”

(၄)

ယောက်ျားတစ်ယောက်မှာ ရည်းစားရှိရမည့်အရွယ် .. ၊ အိမ်ထောင်ပြုရမယ့် အရွယ်ဆိုတာ သတ်သတ်မှတ်မှတ်ရှိသည် ။ ကိုဦး အရွယ်မလွန်သေးပေမယ့် မေးငေါ့တတ်တဲ့ ခင်မင်သူတွေ ပေါနေပြီ ။ တစ်ခါတစ်ခါလည်း သူတစ်ပါးချစ်သူရည်းစားတွေကို ငေးမောရင်း တစ်ယောက်ယောက်ကို သတိရတတ်သည် ။ ဒါ ကိုယ့်နှမလား … မေလဲ့လား .. ။ စောင့်ဆိုင်းခြင်းများတွင် စိတ်၏တိကျသော အဖြေကို စောင့်ဆိုင်းရမှု သည် စိတ်ပျက်စရာ အကောင်းဆုံးလို့ ကိုဦးထင်သည် .. ။

‘ကျတော်မင်းကို ချစ်နေတယ်…’

အင်မတန်ပင် လွယ်လွန်းသောစကားတစ်ခွန်းဖြစ်မည် … ။ နောက်ဆုံး မိန်းကလေးက မျက်လွှာလေးချကာ အဖြေပေးလေတော့ ရှက်နေရှာသော ချစ်သူ့ တုန်ယင်နှုတ်ခမ်းကို စုတ်ယူသော ကိုယ့်နှုတ်ခမ်းသားများလည်း ပူနွေးရွှန်းစိုနေဖို့ အနည်းဆုံး လိုမည် ။ ရှေ့ဆက် ခရီးအတွက် လိုအပ်ချက်များ .. ဝတ္တရားများကို ယောက်ျားတစ်ယောက် သည်းခံနိုင်ရန် မျက်ကန်းချစ်စိတ်ကိုပင် အားပြုရပေတော့မည် . .. ၊ သည်မျက်ကမ်းချစ်စိတ်မျိုး မေလဲ့အပေါ်ရှိရဲ့လား ကွာ… ။

အနည်းဆုံး စိတ်ဆိုး စိတ်ကောက်တော့ ရှိမည် .. မနာလိုပြ ၊ ချုပ်ချယ်ပြ … ၊ နောက် တစ်ယောက်အလို တစ်ယောက်ကလိုက် ၊ သည်လိုမျိုး ကို လက်ခံနိုင်ဖို့ တစ်ဦးတည်းဖြစ်တည်မှုကို မြတ်နိုးတဲ့ ကိုမောင်မောင်ဦးတစ်ယောက် ဘယ်လိုစိတ်အားထုတ်မလဲ .. ။ အသက်လေးက ကြီးလာပြီထင်၏ ။ မောင့်နှမ တုန်းကတော့ သည်လောက်မတွေးမိခဲ့ဘူး … ။ ယောက်ျားလေးတိုင်း သည်လိုတော့ မတွေးကြဘူးထင်ပါရဲ့ .. ။ သည်လိုပဲ နေကြရင်းအကြောင်းသင့်တော့ လက်ထပ်လိုက်ကြ … ဒါမှမဟုတ်လဲ ကွဲကြ ၊ ပြဲကြ .. နောက်တစ်ယောက် ပြောင်းကြနဲ့ ဖြစ်နိုင်ရင် သည်လို သတ္တိမျိုး ကိုဦးလိုချင်သည် ။ ခက်သည်က အားကျတတ်ပေမယ့် တစ်ခါတစ်ခါစိတ်ကြီးဝင်ပြီး ကိုယ်ကမှ ချစ်တတ်တယ်ထင်လေတော့ အဲလို လူတွေကိုပဲ သနားရသေးသည်.. ။

ခေတ္တခွဲခွာ ရခြင်းသည် စိတ်ကိုညစ်နွမ်း စေမှုဖြင့် ဝေဝါးသေးသော်လည်း တိကျသော အဖြေကိုတော့ ပေးတတ်၏ ။ ကိုဦးဘေးမှာ မေလဲ့ကို အမြဲတမ်းတလို့ မရနိုင်တော့ သည်မှ တကြိုးတစား သွားတွေ့ရခြင်းဖြင့် သာယာစေခဲ့၏ ။ ညအိပ်မက်များမှာ ကိုယ့်နှမရုတ်တရက်ကွယ်ပျောက်လျက် မေလဲ့သည် စိုးပိုင်ခြင်းဖြင့် ကိုဦးကို နိုးတစ်ဝက်အိပ်မက်မက်စေခဲ့သည် … ။ သည်လိုတော့ ကိုယ့်အချစ်ကို ဖွင့်ဟဖို့ အချိန်တန်လေပြီ .. ။

ကိုဦး တွေ့ချင်သည်ဆိုတော့ မေလဲ့လိုက်လျောမြဲ ။ အေးအေးစကားပြောချင်လို့ပါလို့ ကိုဦးပြောတော့ မေလဲ့တစ်ဖက်က ရင်ခုန်လေမလားမှန်းကြည့်ရသည် … ။ မေလဲ့ ကိုတွေ့ဖို့ ရုပ်ရည်အပြင်အဆင်ထင် ပိုင်းဖြတ်မှု စိတ်တစ်ခုတည်းသာ ပိုင်နိုင်ရင် စိတ်ချသက်သာစေမည် ။ ဘာလိုလိုနဲ့ မနက်ဖြန် မေလဲ့ နဲ့တွေ့ဘို့ ခုညကတည်းက ရင်ခုန်ရသည် ။ နက်ဖြန်ကိုယ့်ကို စောင့်နေမယ့် မေလဲ့ကို သည်ညအိပ်မက်ထဲမှာ ပင် အစမ်းကြိုတင် ချိန်းဆိုလေ့ကျင့်ချင်လာပြီ ။

ဘဝမှာ သည်တစ်ခါလောက် ရင်ခုန်မလိုက်မောစဘူး ဟုတင်သည် ။

(၅)

ဝိုးတဝါးမြူတို့ အလွန်တွင် လှပသောရှုမျော်ခင်းသည် သက်ဆိုင်ခြင်းမရှိပေါ်လာ၏ ။ အချိန်သည်ကုန်လွန်မှု မြန်သလို ရွေ့လျားမှုတော့ မရှိ။ ကျူရှင်သွားရင်း ကျူရှင်တတ်ခဲ့ရသည့် ဘဝမှာ တမျှော်တခေါ်ဝေးကွာ ခဲ့ပြီထင်မိ၏ ။

ကိုယ့်ရင်သည် ဆွတ်ပျံ့ ဆဲ ကိုယ့်နှမ ရုတ်တရက်ဝေးကွာပျောက်ပျက်သွားမည်ကို စိုးကာ အတွေးကိုပင် ရဲရဲမတွေးဝံ့ ၊ ကိုယ့်နှမသည် တွေ့စကလို ဗိုလ်ကေမဟုတ်တော့ပဲ ကိုယ်သဘောကျသည့် ကျောထက်ရှည်သော ဆံပင်ကို ကလစ်တစ်ခုဖြင့် ရုတ်တရက် နှောင်ကာ မျက်လွှာစွန်းဖြင့် စိုးရိမ့်သူ့ မျက်နှာကို ငေးကြည့်နေသည် .. ။

“ပြောပါဦး ကိုမောင်မောင်ဦးရဲ့ ဘာတွေများ သည်လောက်တောင် ကြည့်နေတာတုန်း .. ငါ့ကိုကြည့်ပြီး ဘယ်ကရည်းစားကို သတိရနေတာတုန်း … မျက်နှာထားက ရောဘာကို စိုးရိမ်နေတာတုန်း တော်ပါ ငါစတာ သည်နေ့ ကျူရှင်မှာ စာမမေးပါဘူး ..”

“ရည် မင်းငါပြောကိုတာကို အရေးမထားဘူးလား ”

“ဘာလဲ .. အစ်ကို”

“ငါမင်းကို ချစ်နေတယ် … ဟုတ်တယ် ခုလည်း ချစ်ဆဲပဲ ..၊ မင်းငါ့ကို ငြင်းထားတာတောင် အခြားလူဆီ စိတ်မပြောင်းနိုင်ပဲ တိုက်ဆိုင်ရင်မင်းကို သတိရနေတယ် နောက် မင်းနဲ့ပြန်တွေ့ဖို့မျှော်လင့်နေတယ်ဆိုတာတွေ … အနည်းဆုံး မင်းကို ချစ်တယ်လို့ ပြောထားတဲ့ ယောက်ျားတစ်ယောက်ရှေ့မှာ မင်းသည်လောက် သက်တောင့်သက်သာ မဖြစ်သင့်ဘူး …”

“ငါ့ အစ်ကိုကို ပြောပြီးပြီပဲ ငါ့မှာ ချစ်သူရှိတယ်….၊ နောက်နင်လည်း သည်လောက် ၅ နှစ်တာမှာ ချစ်တဲ့သူတစ်ယောက် မတွေ့သေးဘူးလား ၊ နောက်နင်ငါ့ကို ချစ်တာ မဟုတ်ပါဘူး .. ၊ နင့်အချစ်အတွက် ကုန်ရမယ့် ဝတ္တရားတွေကို စိတ်ကူးထဲမှာ ထားပြီး ရှောင်ပုန်းချင်တာပဲ ၊ နင်ငါ့နဲ့ ချစ်သူတွေဖြစ်လို့ အချိန်ကြာရင် နင်ပျော်မယ်ထင်လားအစ်ကို ….”

“မင်းသက်သက်ငါ့ကို အထင်သေးတာပဲ ၊ ယောကျာ်းတစ်ယောက် အချစ်ကိုလက်မခံပဲနဲ့ အဲသည်ယောက်ျားကို မချစ်တတ်ပါဘူးလို့ မင်းမျက်စိမှိုတ်ငြင်းနေတာ … ၊ ကိုယ့်စိတ်မှာ မင်းကိုအမြဲထားပြီး လှမ်းမရတဲ့ အဖြစ်ဟာ ဘယ်လောက်ရင်နာရလဲမင်းသိလား”

“ဒါ နင်ကိုယ့်ကို ကိုယ် ဒုက္ခရှာတာပဲ.. ၊ နောက် နင့်ဘာသာနင် ကိုယ့်ကိုယ်ကိုယ်ပိုချစ်ပြီး သူတပါးကို မချစ်နိုင်လောက်အောင် အတ္တကြီးတာမဟုတ်လား ၊ နင့်ကို ငါ လုံးဝ သတိမရပါဘူးလို့ ငါငြင်းရင်တော့ ငါ့ကိုယ်ငါ လိမ်တာပဲ ၊ အစ်ကို ငါနင့်ကို နင်ထင်ထားတာထက် ပိုပြီးနားလည်တယ် ၊ နင်ရဲ့ စကားတွေကို ငါမမေ့သလို နင့်ရဲ့ စိတ်ဓာတ်ကိုလည်း ငါမမေ့ဘူး ၊ … နင်ဟာ သားနဲ့ မယားနဲ့ နေနိုင်လောက်တဲ့ ယောက်ျားမျိုးမဟုတ်ဘူး … နင့်လက်ရှိဘဝထင် နင့်စိတ်ကူးထဲက ဘဝကို အသားပေး ၊ အချိန်ပေး ချင်တဲ့ ယောက်ျားမျိုး …. ဒါကြောင့်မို့ နင်ငါ့ကို စိတ်ထဲမှာ ထားပြီး နင်လက်ရှိတိုးတက်ရေးကို ပဲ အာရုံစိုက်နေနိုင်တာမဟုတ်လား …၊ နောက်နင်နဲ့ ငါ ချစ်သူတွေဖြစ်ခဲ့ရင်ရော ဘယ်လိုဖြစ်မယ်နင်ထင်လည်း ၊ နင့်ကိုယ်ပိုင်လွတ်လပ်ခွင့် ဆိုတာတွေကို ငါတောင်းဆိုတာနဲ့ နင်ငါ့ကို စိတ်ပျက်မှာပဲ ၊ … မိန်းမတစ်ယောက်ဟာ ဘယ်လောက်ပဲ ထက်မြက်လို့ အမြင်ကျယ်ပါစေ ..၊ ငါကတော့ ကိုယ့်ကိုတစ်ကယ်ချစ်ပြီး အနည်းဆုံး အဲသည်အချစ်ကြောင့် ကိုယ်ကလည်း ပြန်ချစ်နိုင်မယ့် ယောက်ျားကိုပဲ လိုချင်တယ် .. သေချာတာက နင်သည်လို ယောက်ျားမဟုတ်ဘူး ”

“မင်း ငါ့ကို မခဲနဲ့ပါနဲ့ .. တစ်ဖက်သက်ပြောတယ်ပဲ ဆိုဆို ဒါတွေဟာ ငါ့အတွက်အမှန်ဘဲ …. ငါမင်းကို တန်ဖိုးထားချစ်ခဲ့တာ .. နောက်မင်းငါ့အချစ်ကို တန်ဖိုးမထားတာ .. အဆိုးဆုံးကတော့ မယုံတာပဲ ..၊ ဒါထက်ပို ပြီး ငါရင်နာရတာက ငါ့အချစ်ကို မင်းယုံအောင် သတ်သေပြဖို့ ငါမစွန့်လွှတ်ရဲ့ ခဲဘူး ၊ မင်းပြောတာဟုတ်မယ် ငါ့ဘဝက အားလုံးအဆင်ပြေနေတော့ သည်ဘာမဟုတ်လေးကို ပုံကြီးချဲ့တယ်လို့ ထင်တယ်ဆို တာ ။ ဒါပေမယ့် ဒါဟာ ငါ့အတွက် အရေးမပါတာမဟုတ်ဘူး ၊ လောကမှာ ဦးဆုံးချစ်ရသူက ငြင်းခံရတဲ့ ယောက်ျားပေါင်း ရေတွက်ရအောင် ရှိကောင်းရှိမယ် ဒါပေမယ့် သူတို့အားလုံ ငါ့လိုခံစားရမယ်မထင်ဘူး ၊ မင်းတစ်နေ့ ငါ့အနားပြန်ရောက်လာမယ်လို့ ကိုမျှော်လင့်ခဲ့တယ် ….အဲဒီမျှော်လင့်ချက်ဟာ တစ်ဖြည်းဖြည်းယုံ ကြည်ချက်အဖြစ်ပြောင်းသွားတယ်ဆို မင်းလှောင်ဦးမှာလား …၊ မင်းကို ငါမေ့ထိုက်တယ်ဆိုတာ ဟုတ်တယ် ဒါပေမယ့် အချစ်ဆိုတာ အဲမင်းပြောသလို စွဲလမ်းမှုဆိုတာ ငါ့လိုလူအတွက် လွယ်လွယ်မပျောက်နိုင်ဘူး .. မင်းကို ငါအဆက်အသွယ်မလုပ်တော့တာနဲ့ မေ့သင်တယ်လို့ ထင်တဲ့ အတိတ်တစ်ခုဟာ လွင့်ပျောက်မသွားဘူး”

“အစ်ကို သည်အတွင်းမှာ ချစ်တဲ့ သူကိုမတွေ့ဘူးတဲ့လား … မိန်းကလေးဆို တစ်ယောက်မှ နီးစပ်မှုမရှိဘဲ နေလာတာလား ၊ ဘယ်မိန်းမကိုမှ ရင်မခုန်ဘဲ.. စိတ်တောင်မကူးဘဲနေလာတာလား”

“ကိုယ်မိန်းကလေးတွေ မတွေ့ဘူးဆိုတာမဟုတ်ပါဘူး … ကိုယ်မင်းထက် သဘောကျလောက်တဲ့မိန်းကလေး တွေ အများကြီးပါ .. ခက်တာက ကိုယ်သူတို့ကို ချစ်လို့မရဘူး … ၊ သူတို့ကို ကြင်နာပြလို့ရတယ် တွဲပြလို့ရမယ် နောက်ဆုံးကွာ ကောက်ပြီးလက်ထပ်ယူလို့ ရမယ် ၊ ဒါပေမယ့် မျက်ကန်းအချစ်မျိုးနဲ့ ချစ်လို့မရတော့ဘူး … အဲဒါဘာကို အပြစ်တင်ပြီး ငါ ဘယ်လိုပြင်ရမှာလည်း နင်ပြောစမ်း … ဟုတ်တယ် ဒါကြောင့်ငါတွေဝေတယ် ကိုယ်ချစ်မချစ်မသေချာတဲ့ ဘယ်မိန်းမကို မှ ငါမရွေးချယ်နိုင်ဘူး …. ။”

“အစ်ကိုရယ် နင်ကငါထင်တာထက် အတ္တပိုကြီးတာပဲ … ၊ နင့်အချစ်ကို မခံစားတတ်နိုင်အောင် အတ္တကြီးတာပဲ ၊ နောက်တွေဝတတ်တယ် ၊ … အချစ်မှာ ငါ့ကိုယ်တွေ့အရတော့ သဘောကျတာ ရာခိုင်နှုန်းနည်းပါတယ်… သူ့ကိုချစ်တာ အမှန်ဆုံးပဲလို့ ယုံကြည်ပြီး တွေဝေမှု ကင်းကင်းနဲ့ သူ့အလိုလိုချစ်သွားတာပဲ ၊ အစ်ကိုပေးလို့ပဲ ဖတ်ဖူးတဲ့ စာအုပ်တစ်အုပ်ထဲမှာ အချစ်ရဲ့ဦးဆုံးဖြစ်တည်မှုမှာ အရောင်မျိုးစုံပါတယ်တဲ့ .. Red- Hot , Green –Comfortable , Blue –Romantic နောက် Pink – Cute တဲ့ ဒါပေမယ့် အချစ်ဟာခိုင်မာသွားတာနဲ့ ခုဏက အရောင်စုံပေါင်းစပ်သွားပြီး အဖြူရောင် ပဲဖြစ်သွားတယ် .. ၊ အခု ငါ့လက်တွဲဖော်ကို သည်လိုခံစားချက်သက်သက်နဲ့ လက်ခံခဲ့တာ … ၊ သူ့အရင် ရည်းစားလည်း ထားခဲ့ပါတယ် .. ဘယ်လိုပဲပြောပြော အဲသည်ရည်စားတုန်းကလည်း ငါတကယ်ချစ်တယ်လို့ ခံစားရလို့လက်ခံခဲ့တာ …. ချင့်ချိန်တာဆိုလို့ အမေတို့များ သိမလား စိတ်ပူတာပဲရှိတယ်”

“တော်ပြီ ….မင်းသိပ်စကားတတ်သွားပြီ”

“ငါစာ သိပ်ဖတ်အောင် အစ်ကိုပဲလုပ်ပေးခဲ့တာပါ ..၊ နောက်တစ်ခုက မသေချာပဲ မိန်းကလေးတစ်ယောက်ကို နင့်အတ္တကြောင့် ဒုက္ခမပေးပါနဲ့ ….နင်တစ်နေ့ချစ်တတ်လာဖို့ ငါဆုတောင်းပေပါ့မယ် …”

ပတ်ဝန်းကျင်သည် ရုတ်တရက်လင်းလာသလိုရှိ၏ ။ စိတ်ထင်သေချာသော ဆုံးရှုံးမှုသည် စတင်လာပြီ ။ ကိုယ့်ရင်တွေ သိပ်ခုန်လာပြီထင့် ။ ဝေဝိုးစွာ လွင့်ပြန်နေသော အမှောင်ကို ဖမ်းဆုတ်ရဲဆေးတင်ရင်း ကိုယ့်နှမကို ဖက်လို၏ ။ မွှေးကြူသော်လည်း ထိတွေ့၍မရသော ၊ အကောင်အထည်မရှိသော်လည်း အသိရှိသော ခန္ဓာ တစ်ခုသည် ရုတ်တရက် ခပ်သောသောရယ်သံနှင့် ပျက်ပျယ်စပြုလာသည် ။ မှောင်ပိန်းသောဆံပင်ချည်များသာ ကိုယ့်အပါးမှာ ကျန်ရစ်သည်ထင့် ။ ကိုယ့်နှမသည် ဆံပင်များကို သိမ်းရုတ်ရင်း ကိုယ့်ကို အလင်းထဲသို့ ဆွဲနှစ်ပစ်ခဲ့၏ ။ ကိုယ့်နှမကြောင့် ကျရသည့် မျက်ရည်စများကိုပင် ပိုးသားဆံချည်တို့ နှင့် သိမ်းသုတ်ပေးခဲ့သေးတာ ကျေးဇူးတင်စရာပဲ ။

(၆)

နောက်တစ်နေ့မနက် ကိုဦး မေလဲ့ဆီရောက်တော့ အိပ်ချင်စိတ်ကမပြေသေး ။ ညက အိပ်မက်မက်သည်ပင် အိပ်ပျက်ခြင်းထက်ဆိုးကာ အိပ်ရေးမဝသည်ထင့် ။ မေလဲ့သည် အထူးသဖြင့် ပြင်ဆင်ထားသည့်တိုင် ကိုဦးအတွက် မကလက်ပဲ တင့်တယ်သော ယှဉ်တွဲခေါ်ငင်စရာ ၊ ပွဲလယ်တင့်စရာပင်ကောင်း၏ ။

“ကိုဦး ကြည့်ရတာ မလန်းမဆန်းနဲ့ ညက ရုပ်ရှင်တွေကြည့်နေလို့လား”

“မဟုတ်ပါဘူး ညက စာဖတ်ရင်းအိပ်သွားတာ နည်းနည်းအိပ်ပျက်သွားတယ် .. ၊ ဒါထက် အပြန်ကျ လိုက်ပို့မယ်လေ”

“နေပါစေ တကူးတက …”

“မဟုတ်ရပါဘူး ကိုယ်လိုက်ပို့ချင်လို့ပါ …”

မေလဲ့သည် နားလည်ပေးသလိုပြုံး၏ ။ သည်လိုနားလည်မှုကို ကိုဦးချစ်တာပဲ ။ အချစ်ဆိုတာ ပျောက်ကွယ်လုနီးပါး ပွတ်စားသွားတဲ့ အခါမှာ နားလည်မှုဟာအရေးကြီးဆုံးပဲ မဟုတ်လား ။

“ဒါထက့် ကိုဦး လဲ့ကို ပြောမယ်ဆိုတာ.....”

“အော် … ဘာမှ မဟုတ်ပါဘူး ကိုယ်လည်း မေလဲ့ကိုတွေ့ချင်နေတာနဲ့ ……”

“လဲ့နဲ့ ကိုဦးတောင်မတွေ့တာ ကြာပြီ .. ၊ ဒါထက် ဟိုတနေ့က စိုးတို့နဲ့တွေ့လို့ ကိုဦးကိုတောင်မေးသေးတယ် ၊ လဲ့နဲ့လည်း မတွေ့ဘူးပြောတာမယုံကြဘူး .. ၊ လူတွေကို ဘာများထင်နေလဲမသိ …”

“သူများတတွေ ကိစ္စကို စိတ်ဝင်စားတယ်ထင်ပါရဲ့ဗျာ ၊ သူတို့က မေလဲ့မို့ သည်လောက်ပြောတာ ကိုယ့်ကိုဆို ရစရာမရှိအောင် စကြတာပဲ .. ၊ ”

“ဟားဟား …. ကိုဦးကလည်းပြောစရာဖြစ်အောင်နေတာကို … မေလဲ့ကို သိပ်လွမ်းနေတယ်ဆို”

“ဒါကတော့အမှန်ဘဲ … ဒေါ်ကြီးစိုးတို့ က ပြောသွားတာလား”

“အမယ် ထားပါ ၊ …ဒါထက်အမေတို့နဲ့ ဖုန်းဆက်တော့ပြောသေးတယ် … သမီးမှာချစ်သူတွေ ဘာတွေရှိရင် ပြောတော့တဲ့ .. မမကလည်းပြောတယ် သူပြောပေးမယ်တဲ့ လဲ့မျက်နှာပူရင်လေ … ၊ လဲ့ ကတော့ ပြောလိုက်ပါတယ် စိတ်မဝင်စားသေးပါဘူးလို့ … တကယ်ဆို စိတ်ရှုပ်စရာ ကိုဦးရယ် ….”

“ဟုတ်ပါတယ် .. ကျတော်တို့ အရွယ်ဟာ ရည်ရွယ်ချက်တွေ ပြည့်ဖို့ ကြိုးစားရဦးမှာပဲ .. ၊ တစ်ခါတစ်ခါ သည်လို ကိစ္စမျိုးက စိတ်ရှုပ်စရာ .. ၊ ကိုယ်တို့ငယ်ပါသေးတယ် နောက် မေလဲ့လည်း မဟိုင်းသေးပါဘူးကွယ် … ”

မေလဲ့ဆီမှ သက်ပြင်းချသံ သဲ့သဲ့ကြားရ၏ ။

ကိုယ့်နှမပြောခဲ့တာ သိပ်မှန်၏ ။ ကိုဦး အလွန်တွေဝေတတ်လေသည် ။ ။

Aung Phyoe
( သြဂုတ် ၂၆ ၂၀၁၀ ၊ 1:05 AM)

လက်စားချေခြင်း

2010-04-19T21:54:00.003+08:00

အိပ်ယာပေါ်လှဲလိုက်ပြီးချင်းဝင်လာသော အတွေးမှာ “ငါဟာ သနားစရာသတ္တဝါပါလား” လို့ ဖြစ်၏ ။

(၁)

ကိုဦးသည် ငယ်စဉ်ကပင် လိမ္မာသည်ဟု ကျော်ကြား၏ ။ထိုသို့ လူကြီးတွေကြား ကျော်ကြားခြင်းသည်ပင် သူ့လူငယ်ဘဝအတွက် အညွှန့် ကျိုးရသည်ဟုထင်သည် ။

သူသည် ငယ်စဉ်ကပင် လိမ်ညာခြင်းဟူသည်ကို မကောင်းကြောင်း သင်ကြားရလျက်ကပင် ဟန်ဆောင်ခြင်း၌ ပျော်မွေ့စေ ၏ ။ ထိုစိတ်ဓာတ်သည်ကြီးရင့်သည်ထိ စွဲလာတာတော့ မကောင်းလှဘူးထင်သည် ။ ထိုအခါ ငိုယိုလိုသည့်တိုင် မိမိကိုယ်ကိုယ် လိမ်ညာပြီးသနားခြင်းအတိဖြစ်ရ၏ ။

အိပ်ယာသည် ပြောင်ရှင်းတင်းရင်း၍နေသည် ။ တစ်ကိုယ်ရေ ယောက်ျားတစ်ယောက်အိပ်ယာက သည်လောက် မသန့်ရှင်းသင့်ပါဘူးလို့ ယူဆသည့်တိုင် လူမြင်လျှင်ချီးကျူးခံရမည်ကို ကြည်နူးနေ၏ ။ ထို အခါ အတွေးသည် ချက်ချင်းပြောင်းသွားပြီး “ငါဟာ သနားစရာသတ္တဝါပါလား” ဟု ခပ်တိုးတိုးရေရွတ်မိသည် ။

(၂)

လူတကာ ချီးကျူးခံလိုခြင်းသည်ပင် ဘဝ၏အမှားဖြစ်သည်ဟု ကိုဦး တွေးမိသည်။ ငယ်စဉ်ကဆို အဘွားက ကျွန်မ မြေးလေး ဘယ်မှထွက်မဆော့ဘူး ဟု ဂုဏ်ယူပြောတတ်သည် ။ သည်အခါ ထိန်းရလွယ်အောင်ပင် အဖေသည် ကာတွန်းစာအုပ်များ ဝယ်ပေးပြီး အမေကတော့ ပုံပြင်သာဖိပြောတော့သည် ။ ရွယ်တူတန်းတူ ကစားကြသူများကိုပင် သနားစရာ သတ္တဝါလေးတွေလို့ မြင်လာအောင်ပြောတတ်ကြသေးတော့ သည်လို လူမျိုးဖြစ်ရမှာကို ငယ်ငယ်ကပင် ကြောက်ချင်ချင် ။ အဖေတို့က တစ်သက်လုံး လူတောမတိုးနေရတော့မည့်နှယ် ထင်ယောင်လာစေတော့ ငယ်ငယ်နှင့် စာဖတ်နိုင်သော ကိုဦးသည် စာလုံးပေါင်းကာ စာအုပ်တွေဖတ်တော့သည် ။ ဘောလုံးကို ဟန်ပြဝယ်ထားသည့်တိုင် ကန်မည့်သူမရှိ၍ ခြေနှင့်ပင်မတို့ဖြစ်တော့ သတိရလို့ ရော်ဘာအစု ပိန်ရှုံ့ ရှုံ့ကို လေထိုးမည်ဆိုသောအခါ ဘောလုံးမှာ ပျက်စီးသွားခဲ့လေပြီ ။

ညီအစ်ကိုမောင်နှမ မရှိခြင်းကပင် ကိုဦး၏ အတ္တကို ဖွင့်ဖြိုးစေသည်ထင်၏ ။ ဝမ်းကွဲ အစ်ကို၊ နှမ များကိုပင် သွေးနီးသည်ဟုမထင် .. ၊ ကျောင်းတက်ရင် စာတော်ရန်သာ အရေးတကြီးလုပ်၍ သူငယ်ချင်းရှာ၍ ပေါင်းရမည်ကိုပင် စိတ်မဝင်စားခဲ့ ။ အားအားရှိစာဖတ်ရင်း စာအုပ်တွေကို စိတ်ဝင်စားလှသည်မဟုတ်သည့်တိုင် စာအုပ်ထဲမှ ဇာတ်ကောင်တွေကို အံ့သြ၍သာနေခဲ့၏ ။ ကိုဦးအတွက် စာရွက်များပေါ်မှ ဘဝသည်ဆန်းကြယ်လွန်း၍ စက် ဆုတ်ဖွယ် အတိဖြစ်ကောင်းဖြစ်နေသည့်တိုင် ကျေနပ်မှုကိုတော့ ရ၏ ။ စိတ်၏ မကျေနပ်မှုများသည် မိမိထက်နိမ့်ကျတဲ့ လူများအကြောင်း ၊ ပိုမိုစိတ်ဒုက္ခဖိစီးခံရသူများ အကြောင်းသိခြင်းမှ စိတ်ပြေလာစေတတ်၏ ။ ထိုအခါ ကျေနပ်ဖို့ ပျော်ရွှင်ဖို့ ဝတ္ထုဖတ်ကြတယ်လို့ သူများပြောသည်ကို နားမလည် ။ ရွယ်တူတွေ ကြားဝယ် ရှားရှားပါးပါးပြောစရာ လည်းမရှိသည်မို့ လူကြီးများကိုပင် အထင်ကြီးစေလျက် အချိန်ကုန်ရ၏ ။

ကိုဦး မိဘများသည် သူ၏ဖြစ်တည် ကြီးရင့်လူလားမြောက်ခြင်းကို မေ့လျော့နေခဲ့သည်ထင်၏ ။ ကိုဦးသည် ကလေးဘဝ ကုန်ဆုံးချိန်များကို မသိသားဆိုးဝါးစွာဖြတ်သန်းခဲ့ရ၏ ။ ထို့ အတွက်တစ်အိမ်လုံးတွင် အရွယ်ရောက် ယောကျာ်းတစ်ဦးဖြစ်သူ အဖေ့ကို အခဲမကျေခဲ့ ။ ယောက်ျားလေးတစ်ယောက် သိသင့်သည်တို့ ကိုပင်ပွင့်လင်းခဲ့ခြင်းမရှိ … ။ ပြောင်းလဲလာသော စိတ်ကို သူကိုယ်တိုင်သာ ကျိတ်မှိတ်ခဲ့ရသည် ။ ထိုအခါ သူငယ်ချင်းများပြော သော လှိုက်မောဖွယ်အတွေ့အကြုံများကို သာယာသောလည်း နည်းလမ်းကိုမသိချေ ။ သူဖတ်သော စာအုပ်များသည် ထိုဘဝကိုတော့ သရုပ်ဖော်ဖို့ မေ့လျော့သည်ထင့် ။ လူလားမြောက်ခွင့်မရသော ဘဝကို စိတ်နာချင်သလိုလို … ။ အဘွားကတော့ လူပျိုမလုပ်တတ်သေးသော မြေးအတွက် လူလယ်ခေါင်မှာ ဂုဏ်ယူ၍ပြော၏ ။

ကိုဦး သည် တစ်သက်လုံး ဟန်ကိုသာဆောင်တတ်ခဲ့သည်ထင်၏ ။ ကြာလာတော့ ယောက်ျားပီသခြင်းသည်ပင် ရှက်ရွံ့ စရာထင်လာကာ ခိုးခိုးကြည့်မိသော မိန်းကလေးကိုပင် ပစ်မှားမိ၍တောင်းပန်လိုစိတ်ပင်ပေါ်လာသည် ။ ကျောင်းတတ်နေတုန်း ရည်းစားထားတာ ပြစ်မှုတစ်ခု ပဲလို့ ထင်လာကာ မကြာခဏ သူ့ကိုလှည့်လှည့်ကြည့်တတ်သည့် မိန်းကလေးကို ဦးစွာပင် မျက်လုံးချင်းရှောင်၏ ။ ခပ်ထွေထွေ စပ်ထားသော သည်ခေတ်ကလူတွေနားလည်ရ ခက်မည့်အချစ်ကဗျာ များကို သာ ရေးရေးပြီး လူကြီးတွေ မမြင်အောင် ကုတင်အောက်မှ တိတ်တိတ်ဝှက်ရသေးသည် ။ သည်အရွယ်မှာ ဖတ်တတ်လာသော နိုင်ငံခြား ဝတ္ထုတွေထဲက ဇာတ်ကောင်မင်းသားများကို အားကျလာကာ အဖေ့ရေခဲသေတ္တာထဲမှာ ဘီယာခိုးသောက်မိလို့ အန်တော့ အရက်ကိုအနံ့ပင် မခံနိုင်ကြောင်းလူကြီးများရှေ့မှာ ဂုဏ်လုပ်၍ ပြောရ၏ ။

(၃)

လူလားမြောက်ခြင်းသည် လူတောတိုးခြင်းလို့ သိရတော့ ကိုဦးသည် လူတွေကို ကြောက်တတ်လာသည် ။ သည်အခါမှာ အနားမှာ အဖေတို့ မရှိကြတော့ ။ ( ဒါတောင် လိမ္မာကြောင်းကို အဝေးမှ ချီးမွန်းဂုဏ်ခံနေသေးသည် ) ။ သည်အခါ ဘ၀သင်ခန်းစာများကို ဘာမှသင်ကြားတတ်မြောက်စေခြင်း မရှိဘဲ လူတွေကြားလွှတ်ရက်သော မိဘများကို မိမိတစ်ခါ ကျဆုံးရတိုင်းပင် စိတ်နာရ၏ ။ ဘဝသည် လူဖြစ်ကြိုးပင်နပ်သည်မထင် ။ ဒါပေမယ့် ကိုဦးသည် အတ္တကြီးသူပီပီ မိမိဘဝ ပျက်မှာတော့ ကြောက်လှ၏ ။ ထိုအခါ ဝါသနာမပါဘူး မလုပ်ချင်ဘူးလို့ ခပ်ညည်းညည်းပြောတတ်သည့်တိုင် ပညာကိုတော့ ကြိုးစားသင်လေသည် ။

ကိုဦးသည် ပူလောင်မှာကို ကြောက်သဖြင့် ချစ်ခြင်းကို ကြိုးစား၍ရှောင်၏ ။ လူများတွေ ချစ်သူရည်းစားတွဲသွား တွဲလာမြင်လျှင် အားကျစိတ်နှင့်ပူလောင်ရ၏ ။ ဘဝတွင် ချစ်သူကို တွေ့မှ တွေ့ပါ့ ဦးမလားလို့ ထင်လာကာ အချစ်ဆုံးကို တွေးလေတိုင်းမိမိကိုသာ ဦးတည်၏ ။ တစ်သက်လုံးအတူနေလာသော မိဘများကို ပင်တွယ်ငြိစိတ်မရှိတာ အားမရဖြစ်ရသည် ။ မိတ်ဆွေရှားပါးသော ကိုဦးသည် အမြင်ကျယ်စေရန် စာများကိုသာ ဖိ၍ဖတ်သည် ။ တစ်သက်လုံး သည်လိုမနေရစကောင်းလို့ထင်၏ ။ တစ်ခါတစ်ခါ လူမသိ သူမသိ မထင်ရှားသော အဖြစ်ကို အားမလို အားမရဖြစ်၏ ။ ကိုယ့်ကိုကိုယ် သူများနှင့်မတူဘူးဟု ထင်၏ ။ ထို အခါအထင်ကြီး စိတ်ဖြင့် မိမိအတ္တကို ကြိုးစား၍မြှင့်တင်ပြန်လေသည် ။

(၃)

အထွေးသည် ကိုဦး၏ ချစ်သူဖြစ်လာ၏ ။ အထွေးသည် လူတကာ၏ အားကျခံရနိုင်သော ရည်စားဖြစ်နိုင် သည် ။ ထိုအချက်ဖြင့် ကိုဦးသည် ရင်ခုန်သလိုလိုရှိသော အထွေးကို ချစ်ခွင့်ပန်သည် ။ ရည်းစားမရှိလျှင် ဂုဏ်ငယ်နိုင်သော အချက်ကြောင့် အထွေးကို ရင်ခုန်ခဲ့ပါသည်လို့ ကိုဦး ကိုယ့်ဘာသာကိုယ် ဝန်ခံ ရချိန်တွင် အထွေးကို အားနာသလိုလိုတော့ ရှိ၏ ။ သို့သော် အထွေး၏ မိဘဂုဏ် ၊ ဥစ္စာဂုဏ်တို့ကြောင့် သူ့ကို တော်လှသည် ဟုချီးကျူးခံရမည့် အရေးကိုတော့ တင်ကြို၍ ဝမ်းသာခဲ့သည် ။ ထိုအခါ ကိုဦးသည် အားကျစရာ ချစ်သူရည်စား ၊ တစ်နေ့နေ့တွင် အိမ်ထောင်သည်ယောက်ျားတစ်ယောက် အဖြစ် အသစ်တဖန်မွေးဖွားရဲတော့မည်ထင်သည် ။

(၄)

အထွေးနဲ့ ကိုဦးသည် ညနေစာကို အတူတူစားတတ်ကြပြီး အိပ်အပြန်လမ်းတစ်လျှောက် စကားပြောကြမြဲဖြစ်သည် ။

ထိုညနေတွင်လည်း ခါတိုင်းလိုပင် အိမ်အပြန် အပြုံးကိုယ်စီနှင့် အချစ်အကြောင်းဆွေးနွေးနေမိကြသည် ။ မှောင်ရိပ်သန်းလာတော့မှ အထွေးက အိမ်ထဲဝင်ဖို့ သတိရလာပြီး စကားဖြတ်ရလေတော့သည် ။

အထွေးက ပြုံး၍ -

“အချစ်က ဘယ်ကစတယ်လို့ ကိုဦးထင်လဲ … ချစ်ခြင်းက အစရှာရခက်တယ် ဆိုလို့ သတိရသေးတယ် ။ ကိုဦးကို စတွေ့ဖူးတုန်းကဆိုရင် စာအုပ်လေးထိုင်ဖတ်နေတော့ ရင်ထဲမှာဖြစ်လာတာက သိပ်သနားစရာ ကောင်းလောက်အောင် ဖြူစင်လွန်းတဲ့ သူတစ်ယောက်လို့ပဲ ၊ သနားလွန်းလို့ ချစ်လာရတာ ထင်ပါရဲ့ ၊ ခုဖွင့်ပြောလို့ စိတ်လဲဆိုးမသွားနဲ့ ဦးနော်” လို့ မမျှော်လင့်သော စကားကိုဆို၏ ။

ကိုဦးသည် ထိပ်ထိပ်ပြာပြာဖြစ်သွားပြီး ပြုံးနေကျဟန်ဆောင်အပြုံးကို သာ ညောင်းညာလာသည်အထိပြုံးရ၏ ။ အပြန်လမ်းတွေ မြင်နေရတတ်သည့် ရိပ်ယောင် ဝိုးဝါးမှန်များ ထဲမှ သနားဖွယ်သူ့ ပုံရိပ်ကိုပင်ပြန်မမြင်ရဲ သယောင်ရှိ၍ လာသဖြင့် ခေါင်းကို ငိုက်စိုက်ချထား ကာ ကွန်းခိုရာအိပ်ခန်းတွင်းသို့ ပင်ဦးတည်၍ လျှောက်လာသည် ။ ဘဝတွင် ချီးမွန်းခဲ့သူများသည် တစ်နေ့နေ့တွင် လူစဉ်မမှီ ၊ လူလားမမြောက်ရသူ သူ့ကို အထွေးလို သနားကောင်းသနားနေတော့မည်။ သည်အထဲတွင် အဖေတို့ရောပါကောင်းပါနိုင်သေး၏ ။

“အလိုလေး ငါ့ကို သနားစရာ သတ္တဝါဆိုပါ့လား”

စာအုပ်များဖြင့် ပြည့်သိပ်သော အခန်းပြန်ရောက်ရောက်ချင်း ပေါ်လာသော အတွေးမှာ “ငါဟာ သနားစရာသတ္တဝါပါလား” လို့ ဖြစ်၏ ။

ကိုဦးသည် မှန်ထဲမှာ ပုံရိပ်ကို စိတ်ပျက်စွာကြည့်၏ ။ ပါးရိုးကျကျ ယောက်ျားတစ်ယောက်သည် မှုန်မှိုင်းစွာပြန်ငေး နေသည်ကို မြင်ရတော့ ကျရှုးံသူတစ်ယောက်ကို ဟားတိုက်ချက်စိတ်ပင်ပေါ်လာသည် ။ ထွက်ပြေးလျှင် ကောင်းမည်လားဟု ထင်လာသည် ၊ ဘဝတစ်လျှောက်လုံး ကြိုးပမ်းမှုသည် လူအများသနားခံ ရဖို့ ဟန်ဆောင်ပြနေရသလိုထင်၏ ။ ခပ်စူးစူးပြုံးလိုက်တော့ ကျဆုံးသူသည် သိက္ခာဆယ်နိုင်သွားသည်ထင်၏ ။ အောင်နိုင်ခြင်း၏ လမ်းစသည် ထို ညစ်ကျယ်ကျယ်အပြုံးဖြစ်နိုင်သည် ။ ထိုအပြုံးသည် မိမိအတွက် ဂုဏ်ယူသူများ ၊ ချီးကျူးချစ်ခင်သူများကို အောင်နိုင်မည်ထင်၏ ။ ကိုဦးသည် အပြုံးကို ကြည့်ရင်းအဝတ်များကို လဲ၏ ။

(၅)

ကိုဦးသည် ထိုနေရာသို့ မရောက်ဖူးသည့်တိုင် သဘောကိုတော့နားလည်၏ ။ သူငယ်ချင်းယောက်ျားလေးတွေက ထိုနေရာမှ စွန့်စားခန်းများကို မစားရဝခမန်း ပြောတတ်တုန်းက အားကျစိတ်ကို စက်ဆုတ်စိတ်ဖြင့် ထိန်းချုပ်ခဲ့ရသေးသည် ။ ထိုနေရာမှ မီးများသည်ပင် ပြာတစ်လှည့် နီတစ်မျိုးဖြင့် လူ့စိတ်ကို လှည့်စား၍ နေလေသည် ။ မြင်သမျှ လူတိုင်းသည် လှပ၍ ပြင်းပြသောဆွဲဆောင်အားတစ်ခုစီ ဖြာထွက်နေကြသည်ထင်၏ ။ မိန်းမများသည် ကိုဦးကို မြူချိူ၍ကြိုကြ ၏ ။ ကိုဦးသည် သည်တစ်ခါတော့ စက်ဆုတ်စိတ်ကို ချိုးနှိမ်ရင်း မျက်လုံးများကိုမှေး၍ အကဲခတ်၏ ။

သနားစရာမိန်းမများသည် သူ့ကိုသနားဖို့ စိတ်ရှိတော့မည်မထင်။ သူသည် လူလားမြောက်ခြင်းကို သည်နေရာမှာ ရှာနိုင်၏ ။ အရှက်ကင်းမဲ့စွာ ရမ္မက်တက်ကြွခြင်းသည်ပင် ယောက်ျားတစ်ယောက်အတွက် မာနကိုသွေးသစ်လောင်းစေတော့မည်ထင်၏ ။

ကိုဦးသည် ခပ်ငယ်ငယ် အမျိုးသမီးတစ်ယောက်၏ ဦးဆောင်ရာကိုလိုက်လာသည် ။ ထိုအမျိုးသမီး သည် ကျဉ်းမြောင်းသောလှေကားထစ်များစွာကို စ၍တက်၏ ။ အခန်းဝဝယ် အမျိုးသမီးသည် ကိုဦးကို ပြုံး၍ဝင်စေ၏ ။ သည်အခါ ခပ်ပေါ့ပေါ့ကြေးစားဆန်ဆန် သနား လေးစားခြင်း ကင်းမဲ့ဟန်ကိုအမျိုးသမီး၌ တွေ့ရသည် ။

ကိုဦးသည် မိဘများ၏ မျက်နှာကို ပြန်မြင်လာသည် ။ ဆွေမျိုးများ၊ မိတ်ဆွေများ ၊ ထွေးနှင့် နောက် မသိကျွမ်းတာတွေရော၊ ခင်မင်ရင်းနှီးတာတွေရော အကုန်ပါသည် ။ သူတို့အားလုံးကို မှန်းကြည့်လို့ရပြန်သည် ။ တစ်သက်လုံးအကျွမ်းမဲ့ ယုံကြည်နေရမည့် သူတွေဆိုတာ တွေးမိပြန်တော့ ဒေါသသည် သူတို့ဘက်ဆီက ကိုယ့်ဘက်ကိုပြန်လှည့်လာသည် ။ ကိုဦးသည် အံ့သြစဖွယ် ပျော်သလိုလိုရှိလာပြန်သည် ။ ကြီးရင့်ခြင်း၏ အမြတ် ထိတွေ့မှုအာရုံကို တောင့်တလာသည် ။ရိုက်နှက်ကန်ကျောက်ပစ်လိုက်ချင်ပြန်၏ ။

ပြတင်းပြင်သည်မှောင်၏ ။ လောကကြီးသည်တိတ်တဆိတ် အဆက်ပြတ်သွားပြီ ။ တံခါးသည်လည်းပိတ်ခဲ့ပြီ။ အမျိုးသမီး၏လက်များသည် ကိုဦး၏ခါးကိုပွေ့ထားရာမှ ပို၍တင်းကြပ်လာပြန်သည် ။ ထို့နောက် ကိုဦးသည် မိဘဆွေမျိုးများ၊ သူ့ကို တော်လှသည်ဟု ချီးမွန်းသော ဆရာမများကိုလည်းကောင်း၊ ထွေးကိုလည်းကောင်း တခဏတာ မေ့လျော့သွားခဲ့လေသည်။

(Aung Phyoe)

21 March 2010.

အလွန်

2009-12-22T06:45:00.005+08:00

Blog မရေးဖြစ်တာကြာပြီ ။ စိတ်ထဲမှာ ရှိနေတဲ့ ဇာတ်လမ်းလေးပါ ... ချရေးကြည့်ချင်တာကြာပြီ ။ ခုတလောတော့ စာအုပ်တွေပဲ ဖတ်ဖြစ်နေတယ် ။ စာအုပ်တွေဖတ်တာများလေ ကိုယ့်ကိုယ်ကို အားမရလို့ စာမရေးချင်လေပဲ ။

အလွန်

မိလွင် …

ခုချိန်မှာငါ့စာကိုရရင် ရုတ်တရက်အံ့သြသွားမယ့် နင့်မျက်နှာကို ခုထဲက ကြိုမြင်ထားမိတယ်.. ။ ငါ့ဆီက စာလာမယ်လို့ နင်မျှော်လင့်ထားမှာမဟုတ်ဘူးနော် .. တော်ကြာ နင့်ရည်းစားဆီကလားလို့ ထင်လို့ အပြေးအလွှား အလာ စာအိတ်ပေါ်က ငါ့နာမည်ကိုမြင်ရင် နင်တော်တော် အောင့်သွားမှာဘဲ .. ။ ဒါပေမယ့် သည်စာကို နင်ဖတ်ချင်မယ်ဆိုတာ ငါယုံတယ် .. နင်နဲ့ ငါက အရင်ငယ်ငယ်တုန်းထဲက သူငယ်ချင်းတွေလေ ပိုပိုလိုလိုပြောရရင် ငါတို့တတွေ ကိုယ်စီဗိုက်ထဲမှာ နေကတည်းက တွေ့ကြတယ်ဆို ရင် ဘယ်သူယုံမှာလည်းနော် …. ။

ဒါပေမယ့် နင်နဲ့ငါ သူငယ်ချင်းစဖြစ်တော့ ၇ တန်းနှစ်မှာ… အရင်တုန်းကတည်းက သိဖူးတယ်လို့လည်း အဆက်အသွယ်မရှိကြတော့ စတွေ့တွေ့ ချင်းသိပ်အစေးမကပ်ကြပါဘူး … နောက်နင်ရောငါရော တနင်္ဂနွေပီပီ စိတ်ကောက်တတ်ကြတော့ သူငယ်ချင်းတွေကြားမှာဆို အော်ကြောလန်ပေါ့ နောက်မှ နင်တို့တတွေ အားလုံးနဲ့ ခင်သွားကြတာ …

ငါတို့မိဘတွေ အရင်ကတည်းက သိကြတယ်ဆိုတာ တော့တော်တော်ကြာကြာမှသိတာ ..အဲသည်နေ့ က ကျူရှင်ကို ငါ့အဖေလိုက်ပို့တယ် …အဲ နင့်အဖေကလည်း နင့်ကိုလိုက်ပို့တော့မှ သူတို့သူငယ်ချင်းတွေပြန်တွေ့ကြတာလေ… ။ သူတို့တတွေပြောကြမှ ငယ်ငယ်တုန်းက ငါတို့ဆီနင်တို့လာလည်တာ ရေးရေးမှတ်မိတယ် ။ ငါကလည်း ငယ်ငယ် .. နင်ကလည်းငယ်ငယ်ဆိုတော့ တစ်ယောက်ကိုတစ်ယောက်တောင်မမှတ်မိကြပါဘူးဟာ … နော် ။ .. အဲသည်တုန်းက ငါတို့ က အညာမှာဘဲ နေကြတုန်း နင့်အဖေတို့က ထွန်တုံးပိတ်ချိန်အမှီ ရွှေစည်းခုံဘုရားပွဲကို လာကြတာဆို .. တို့ဆီကနေ ညောင်ဦးကို သင်္ဘောနဲ့ အတူသွားကြတာတော့ မှတ်မိပါရဲ့။ နင့်တို့ကိုတော့မမှတ်မိတော့ဘူး .. ငယ်ငယ်တုန်းဆိုတော့ ရွှေစည်ခုံအညာဘုရားပွဲမှာ ပျော်ကြတယ်ဆိုတာပဲမှတ်မိတယ် … အဲသည်တုန်းက အဖေ .. အမေရယ် အဘွားရယ်နဲ့သွားကြတာဆိုတော့ အရုပ်တွေ အိုးပုတ်တွေ အဝတ်အစားတွေရယ် တနင့်တပိုးဝယ်လာတာဘဲ ၊ မှတ်မှတ်ရရ နင့်က လေမှုတ်လို့ရတဲ့ ပလတ်စတစ်ကောင်မလေးရုပ်ကြီးဝယ်လာတယ် … ဘာလိုမှတ်မိတာလည်းဆိုတော့ ငါကအဲသည်တုန်းက မိန်းမလိုမိန်းမရ အဲသည်လိုအရုပ်ကိုလိုချင်နေလို့ဟ …. ။ ဒါပါပဲ .. ။

အဖေတို့ အမေတို့ အဲသည်အကြောင်းကိုပြောရင်းကမှ နင်နဲ့ငါ သိခဲ့ကြမှန်း မှတ်မိတာ .. နည်းနည်းတော့ ပိုခင်သွားသလိုပဲ နော် ၊ … သိလား နင့်သူငယ်ချင်းတွေကတောင် ငါတို့ကိုမိဘချင်းမှန်းထားတယ်ဆို ပြီးစကြသေးတယ်လေ .. ဟားဟား … နင်နဲ့ငါက ရည်းစားလည်းမဖြစ်ခဲ့ပေါင်… ရေစက်မပါလို့ပေါ့နော် .. နို့မို့ဆို … ! ဟေ့ မိလွင် နင်ရယ်နေပြီမဟုတ်လား …. သိတာပေါ့ ငါတို့ကို စကြရင် တို့ သိပ်ရယ်ချင်တာဘဲ နော်

အဲသည်တုန်းက …. အဖေတို့တတွေ ပြန်တွေ့ကြတော့ သူတို့အလုပ်အတူတူလုပ်ခဲ့ကြတဲ့အကြောင်းပြောကြတယ် … နင်အဖေက အခုတော့ ကမ်းလွန်ရေနံမှာတဲ့ ၊ ဒေါ်လာနဲ့ ရတယ်ဆိုလားပြောကြတာတော့ကြားတယ် … ငါတို့ကတော့ အဲသည်တုန်းက သိပ်အဆင်မပြေဘူးလေ … ဆည်မြောင်းမှာဆိုပေမယ့် သူများအရာရှိတွေကားစီးနိုင်တဲ့ အချိန်မှာ အဖေ့မှာ ဆိုင်ကယ်လေးနဲ့ဘဲ …ငါတို့မှာ အဘွားဆုံးသွားလို့ မိသားစုကလည်း လေးယောက်ဘဲဆိုတော့ လူတန်းစေ့တော့နေရပါတယ် … ၊ ဒါပေမယ့် အဖေကတော့ နင့်အဖေကိုပြောလေရဲ့ ကလေးတွေရှေ့ရေးကရှိသေးတယ်တဲ့ … ကိုယ့်အမေလောဘနည်းသလောက် ၊ရိုးသလောက် အဖေကတော့ မျှော်လင့်ချက်ရှိတယ် ၊ ကြံရေဖန်ရေလည်းရှိတယ် … ၊ အရင်တခါက အဖေ သူ့အထက်အရာရှိနဲ့ ပြဿနာတတ်ဖူးတာရယ် နောက်နေရာကောင်းရအောင် ငွေနဲ့ မလိုက်နိုင်တာရယ်ကြောင့် အခွင့်အရေး မရနိုင်တာရယ်လို့ တစ်ခါတစ်လေ မူးရင်ပြောတတ်ရဲ့ … ။ မိလွင် သိသလို ကိုယ့်အမေကတော့ ရိုးတယ်လေ .. အမေမို့ မပြောသာပေမယ့် လည်လည်ဝယ်မရှိတာတော့ အမှန်ဘဲ .. ။

သည်လိုပါဘဲလေ …မိဘတွေက သားသမီးတွေကို မျှော်လင့်ချက်တွေထားတတ်ကြတာ သဘာဝပေမယ့် သည့်အတွက်သားသမီးတွေ နာကျင်ခံစား ကြရတာဟာ သူတို့အနာဂတ်ကောင်းစေချင်လို့ပါဗျာ ဆိုတဲ့စကားတစ်ခွန်းနဲ့ ကျေပျက်သွားလိမ့်မယ် ။ နင့်မှာလည်း ခံစားချက်ရှိတာ ငါသိတာပေါ့ … ငါတို့က အကျိုးပေးလည်းဆင်ကြတယ်ဟာ ..နော် ။ ဒါပေမယ့် ငါတို့ ကျောင်းတတ်နေတုန်း သုံးနှစ်လောက်မှာ အပူအပင်ကင်းကင်းပျော်ကြရတာတော့ အမှန်ဘဲပေါ့ … ။ အဲသည်တုန်းက ငါ့ကိုလည်း အဖေကသူလို ချင်သလိုရိုက်သွင်း … နင့်ကိုလည်းနင့်မိဘက ဆေးကျောင်းတတ်ကိုတက်ရမယ်ဆိုပြီး ဘယ်လိုဘဲ ဖိအားပေးပေး ငါ့တို့တတွေအားလုံး ရည်ရွယ်ချက်မဲ့နဲ့ ပျော်ခဲ့ကြဘူးတယ်နော် … ။ အဲသည်တုန်းက ရည်ရွယ်ချက်ဆိုတာ စာစီစာကုံးခေါင်းစဉ်တစ်ပုဒ်လောက် ၊ သူငယ်ချင်းအချင်းချင်း စကောင်းနောက် ကောင်းယုံ သက်သက်လောက်သာ သဘောထားကြတာမဟုတ်လား … ။ အဲသည်လို အချင်းချင်းတွေကြားမှာမှ ငါခိုင်လေးကို စသိခဲ့တာ …လေ ။ ဟုတ်တယ် ငါ့ဘဝမှာ ခိုင်လေးက ပထမဆုံးတွေ့ဖူးတဲ့ ရည်မှန်းချက်ကြီးတဲ့ မိန်းကလေးဘဲ … ။ နောက် ရည်မှန်းချက်ရဲ့တန်ဖိုးနဲ့ ပေးဆပ်ရမှုတွေကိုရော သိစေခဲ့တဲ့ မိန်းကလေးပေါ့ … ။

ခိုင်လေး တို့ကျောင်းကိုပြောင်းလာတဲ့ နေ့ကို ရက်စွဲကအစ မှတ်မိနေတယ်လို့ ငါပြောရင် နင်ဟားမှာမဟုတ်လား … ဟုတ်တယ်လေ အမှန်ကတော့ အဲသည်တုန်းက မှတ်မိတာမဟုတ်ပါဘူး … ။ သူ့ကိုမှ သတိမထားမိသေးတာ … နောက်ခင်လာမှ သူ့ကိုမေးကြည့်တာ … နင် ဘယ်တုန်းက ပြောင်းလာတာလဲလို့ .. ပေါ့ ။ ခိုင်လေး ငါတို့ကျူရှင်ရောက်လာမှ သူနဲ့တို့စခင်တာလေ .. သူကနင်တို့လို ပုံတုန်းတွေကြားမှာ နည်းနည်းပဲများတယ်နော် …. ။ စာတော်တယ်လို့လည်း နာမည်ကြီး … ပဲလည်းများပေမယ့် သူ့ကိုလိုက်တဲ့ ကောင်တွေကတော့ သိပ်မများဘူးလေ ..ဘယ်နယ်ခိုင်လေးက ချောမှမချောတာ .. သာမန်ပါဘဲ ၊ ငါအမှန်အတိုင်းပြောရင် သူကို စွဲလန်းမိတာ ရုပ်ရည်ကြောင့်မဟုတ်ဘူး …. ( ပြောလို့ပြောတာမဟုတ်ဘူး နင်သာပြင်ပြင်ဆင်ဆင်ဆို သူ့ထက်ပိုချောတယ် ဟ… ဟ… ) အဲသည်တုန်းက မပြောတတ်ပေမယ့် ခုထင်တာတော့ သူ့စိတ်ဓာတ်ကြောင့်ဘဲ အဲသည်အရာကိုမြတ်နိုးစရာလို့ ငါ့စိတ်ကလက်ခံ သွားလို့ပဲ .. ၊ စိတ်ပျော့တဲ့ ယောက်ျားလေးတွေက ခပ်ထက်ထက်မိန်းကလေးတွေကို သဘောကျတတ်တယ်ဟ မှတ်ထားဦး ။ သူက တစ်ခါတစ်ခါ ငါ့ကို သူ့ရည်မှန်းချက်တွေ အကြောင်းပြောတတ်တယ် ကြားစကတော့ အတော်ကြွားတဲ့ မိန်းကလေးပဲလို့ … ဘယ်နှယ့် .. ငါတို့ အချင်းချင်းဆို သည်လိုမျိုးမှမပြောတတ်ကြတာ .. ။ သူ့ရည်မှန်းချက်တွေကလည်း ဟဲဗီးကြီးတွေ အကြီးကြီးတွေဟ ၊ .. တစ်ခါတစ်ခါဆိုရင် နင်သည်လို တစ်နေ့ ဖြစ်ကိုဖြစ်မယ်လို့ထင်လားလို့ ငါသူ့ကို မေးကြည့်ချင်သား .. ဒါပေမယ့် မမေးဖြစ်ခဲ့ဘူး ။

နင်သိတဲ့အတိုင်းဘဲ ငါ ၉ တန်းနှစ်စမှာ ငါ့အဖေ နိုင်ငံခြားကိုထွက်သွားတယ် .. အစိုးရဝန်ထမ်းတစ်ယောက်အတွက် Passport ရဖို့ မလွယ်တော့ အဖေကသူ့သက်ဆိုင်ရာတွေကို ပတ်သက်သလို ကြည့်ပေးရင်းနဲ့ သူနည်းသူ့ဟန်နဲ့ ရအောင်ထွက်သွားတာ .. ငါကသာ မသိလို့ သူ့အသိတွေလည်း သည်လိုဘဲဖြစ်သလိုထွက်ကြတာတဲ့ . စင်ကာပူဆို သည်တုန်းက သိပ်ကိုအလုပ်အကိုင်ရလွယ်တယ်လို့နာမည်ကြီးတာပေါ့ … အဖေ့သူငယ်ချင်းအချို့ ကလည်းရှိတော့ အဖေကတော့ သူတို့ကိုအားကိုအဆက်အသွယ်လုပ်လို့ သည်ကို စွန့်ပြီးထွက်သွားခဲ့တယ် .. အဖေ မသွားခင် ငါတို့မောင်နှမကိုပြောတယ် စာကြိုးစားဖို့နဲ့ … ငါတို့ကို မကြာခင်ဟိုကိုခေါ်နိုင်ဖို့ သူကြိုးစားမယ့်အကြောင်း … နောက် သူ့လိုမဖြစ်အောင် ဟိုမှာပညာ သင်နိုင်ဖို့ ကြိုးစားကြလို့လည်းပြောတယ် … ။ အဲသည်ညက အဖေပြောတာတွေတော့ အများကြီးပဲဟာ ငါလည်း ဝမ်းနည်းနည်းနဲ့ဆိုတော့ သိပ်တော့မမှတ်မိပါဘူး ..အဖေနဲ့မတည့်ပေမယ့် သည်လိုခွဲရမယ်ဆိုတော့ ဝမ်းနည်းသား .. ဟ အမေနဲ့ညီမလေးကတော့ ပြောမနေနဲ့ပေါ့ဟာ … ။ အဖေကို လိုက်ပို့တော့ ရန်ကုန်ကိုအမေဘဲလိုက်သွားတယ် …သူများတွေလို အပျော်ခရီးထွက်တာ ၊ ပညာတော်သင်သွားတာမျိုးမဟုတ်တော့ လင်မယားနှစ်ယောက်ခပ်ကုပ်ကုပ်ပဲပေါ့ … တဲ့ ၊ ပြန်လာတော့ အမေကပြောရှာတယ် ရန်ကုန်ဆိုတာ သူတို့အရင်ကျောင်းတတ်တုန်းကလိုမဟုတ်ဘူးတဲ့ လူတွေဆိုလည်းပြန်လန်နေကြတာပဲတဲ့ ၊ တိုက်တွေ ကားတွေ ဆိုလည်းဟီးနေတာပဲတဲ့… အမေ့ကို ကြည့်ရတာ အနာဂတ်အတွက် ပျော်နေရှာပုံပဲ …. တစ်နေ့နေ့တစ်ချိန်ချိန်မှာ ငါ့သားသမီးတွေလည်း သူတို့လို လူတန်းစေ့ဖြစ်ရမယ်ဟဲ့ ဆိုတဲ့ အုံ့ပုန်းပျော်လေးနဲ့ နေမှာပေါ့… ။ လူတိုင်းမှာ သဘာဝကပေးထားတဲ့ ကိုယ်ပိုင်စွမ်းအင်တစ်ခုရှိတယ်ဆို နင်ယုံမလား မိလွင် … အဲဒါကတော့ အနာဂတ်ကို တင်ကြိုမြင်ခွင့်မရှိခြင်းပဲ … ။

အဲသည်စွမ်းအားကို သုံးပြီး ငါတို့တတွေပျော်ခဲ့ကြတယ်နော် .. နင့်မိဘတွေက နင်ဆေးကျောင်းမရရင် ကျောင်းဆက်မထားဘူးပြောတုန်းက နင်ငိုတာမှတ်မိသေးလားမိလွင် ။ အဲသည်တုန်းက နင်ပြောတယ်လေ ငါတို့ ပျော်ရမယ်ဆိုတာ ၂ နှစ်လောက်ပဲကျန်တော့တယ်လို့ … ဒါပေမယ့် အဲသည်တုန်းက အားလုံးရယ်ရယ်မောမောနဲ့ အားလုံးဆေးကျောင်းမှာပြန်တွေ့ကြမှာပါလို့ ပြောလိုက်မိကြတယ် … ဟုတ်တယ်လေ စိတ်ကူးယဉ်နိုင်ကြတုန်းမှာ တို့လို နယ်ကကျောင်းသားတိုင်းရဲ့ အိပ်မက်ကဆေးကျောင်းပဲပေါ့ … ဆေးကျောင်းတက် .. ဆရာဝန်ကြီးလုပ် …နောက်…… သေချာတာက ငါတို့အားလုံးသည်ထက်ပိုပြီး မတွေးတတ်ခဲ့ကြတာပဲ . ။ မှတ်မှတ်ရရ အဲသည်နောက် ငါ့ကို ခိုင်လေးကတော့ပြောတယ် သူကတော့ M.B.B.S နဲ့မကျေနပ်ဘူးတဲ့ ဘာမှလည်းလုပ်လို့မရမှာ မဟုတ်တော့….. နောက်ထပ် နိုင်ငံခြားက ဘွဲ့တစ်ခုခုရမှ ကျေနပ်မယ်တဲ့ … သိတဲ့အတိုင်းဘဲကွာ .. သူကတော့ ..အဲသည်ကတည်းက .. ။

သည့်နောက်မှာ အရင်ကထက်ငါတို့ အဆင်ပိုပြေလာတာအမှန်ပဲ .. အမေရဲ့အပြုံးတွေ ၊ ညီမလေးရဲ့ တောက်တောက်ပပလေးတွေဟာ အရင်ကထက်ပိုလာတာတော့အမှန် .. ၊ ၁၀တန်းမှာ ကိုယ့်ကို ဝိုင်းထားပေးမယ် .. Guide ငှားပေးမယ်လို့လည်း အဲသည်တုန်း အမေက ပြောသေးတယ် .. အဖေကလည်း တစ်လတစ်ခါလောက်စာရေးတယ် အဖေ့ဆီစာပြန်မယ်ဆို သုံးတန်းအရွယ် ညီမလေးက ဖွဲ့ဖွဲ့နွဲ့နွဲ့ ကိုရေးတော့တာပဲ … အဖေကလည်း အလုပ်ရတဲ့အကြောင်း ၊ နေထိုင်ခွင့်မကျခင် လုပ်ခနည်းသေးတဲ့အကြောင်း ၊ နောက်ငါတို့ကို စာကြိုးစားဖို့အကြောင်းတွေမှာ ရှာတယ် … ၊ ငါလေ အဲသည်တုန်းက အဖေ့ကို သနားလည်းသနားမိတယ် … အားလည်းကိုးတယ် .. နောက်တော့ ပိုပြီးတော့လည်း ချစ်သွားတယ် နင်သိလား … ဟုတ်တယ် အရင်ကတည်းက အဖေနဲ့သား သိပ်အရောမဝင်ပေမယ့် အဖေ့ကို ငါချစ်တာပေါ့ … ၊ ဒါပေမယ့် နင်သိလား ခုချိန်အထိ ငါအဖေ့ကို ချစ်တယ်လို့ ပါးစပ်ကဖွင့်မပြောဘူးသေးဘူး … ၊ အဖေကြားရင်လည်း ငါပြောတာကို ယုံမှယုံပါ့မလားဟာ … နင်မိဘတွေနဲ့ရောအဆင်ပြေလား .. မိလွင် ..

ဆရာမ မစန္ဒာရဲ့ "ကွက်လပ်ကလေးဖြည့်ပေးပါ" ကိုဖတ်ပြီး အလတ်ဖြစ်ရတာမကောင်းဘူးလို့ နင်ပြောဘူးတယ်နော် မိလွင် .. နင့်မိဘတွေက သူတို့သမီးကြီးတော့ချစ်တယ် အငယ်လေးကိုကျ သည်းတယ် .. နင့်ကိုတော့မချစ်ဘူးတဲ့ …သည်အတွေးက ရင့်ကျက်လာတာနဲ့အမျှ မှေးမှိန်သွားမှာပါ ဟာ ..မဟုတ်ဘူးလား …. ဒါပေမယ့် အဲသည်တုန်းက နင်သိပ်ခံစားရတယ်ဆိုတာ ငါနားလည်ပါတယ် … “သူ့သမီးအကြီးမလို ဆေးကျောင်းမရရင် ငါ့ကိုကျောင်းဆက်မထားဘူးတဲ့ ဟယ်” လို့ နင်ပြောခဲ့တာကို ငါဘယ်လိုမေ့မှာလဲ …

ကျောင်းသားတစ်ယောက်ရဲ့ ဘဝမှာ ၁၀ တန်းက ရှေ့ရေးကို အဆုံးအဖြတ်ပေးမှာမို့ အရေးကြီးတယ်ဆိုတာ တို့တွေအားလုံးစွဲထားရတယ် … ဘယ်လိုကြိုးစားရမှာလည်း…. အကောင်းဆုံးဆရာမ တွေဆီမှာ ကျူရှင်ယူ … နောက် အကောင်းဆုံးဆိုတဲ့ Guide ခေါ် တစ်နေ့တနေ့စာတွေကုန်းကျက် သည်လိုနဲ့စာမေးပွဲမှာ အမှတ်အများဆုံးရအောင်ဖြေ သည်လိုမဟုတ်လား …. တကယ်တော့ ဒါဟာ ဘဝဆိုတာကြီးကို စတိုက်ဖို့တို့တတွေ ပြင်ဆင်ကြတာလို့များ ရိပ်မိခဲ့ရင် သိပ်ရယ်ဖို့ကောင်းမှာပဲ … တို့တတွေ အားလုံးပင်ပန်းကြတယ် ဒါပေမယ့်..အမှန်အတိုင်းပြောရရင် ငါလေ အဲသည်နှစ်မှာအပျော်ဆုံးပဲ .. ခိုင်လေးကြောင့်လည်းပါတာပေါ့ .. ငါတို့အိမ်အခြေအနေအရလည်းပါတာပေါ့ … ဘာပဲပြောပြောမိသားစု တစ်ခုဟာ ပြည့်ပြည့်စုံစုံနေနိုင်မှ ပျော်ရွှင်နိုင်မယ် … မဟုတ်လား … ။ သည်အတွင်းမှာ အဖေ့ဆီကဖုန်းတွေရော ၊ စာတွေပါ ငါဂရုမစိုက်မိတော့ဘူး … အဖေလည်း ဟိုမှာ ၂ နှစ်နီးပါးရှိပြီလေ .. ပြန်လာဖို့တော့ မသေချာသေးဘူး …. စာမေးပွဲပြီးရင် ငါတို့ကို အလည်ခေါ်လိမ့်မယ်.. သည်လို ငါလည်ကြွားလို့ ကောင်းတုန်းအချိန်ပေါ့ မိလွင်ရယ် … ။

၁၀တန်းဖြေပြီးတဲ့ နေ့မှာ ခိုင်လေးနဲ့ငါ အပြင်သွားတယ် … ငါသွားနေကျ စာအုပ်ဆိုင်ကိုပါ .. ၊ စာအုပ်တွေဝယ်ပြီး ခိုင်လေးနဲ့ မုန့်ဟင်းခါးစားရင်း ငါ အဖေ့ဆီကိုလိုက်သွားရမယ့်အကြောင်းပြောဖြစ်တယ် .. ။ ငါအနေနဲ့ဆို ဟိုကိုကျောင်းသွားတတ်ကြတဲ့ပုံစံနဲ့ ခိုင်လေးကို သူ့မိသားစုကထားနိုင်ပါတယ်ဟာ … ဒါပေမယ့် ခိုင်လေးက ငြင်းတယ် …သူက ဆရာဝန်ဖြစ်ချင်တာတဲ့ .. ဝါသနာအရမဟုတ်ဘဲ ကျောင်းတတ်နိုင်ဖို့ ရရာလိုင်းတစ်ခုခုကို ယူရတဲ့ အလုပ်ကိုမလုပ်ချင်ဘူးတဲ့ … ။ သူကလည်း ငါကို သည်မှာဘဲနေဖို့ပြောတယ် .. ဒါပေမယ့် မိလွင်ရယ် ငါက Bio လည်းဝါသနာမပါ … နောက် အဖေ့ကိုလည်းမလွန်ဆန်ရဲပါဘူး … ။ ခိုင်လေးကတော့ သူဘာဖြစ်ချင်တယ်ဆိုတာ သူသိတယ်တဲ့ သိတဲ့အတိုင်းလည်းဖြစ်အောင်လုပ်မယ်တဲ့ .. နောက်ငါ့ကိုလည်း ကြိုးစားဖို့ပြောတယ် … သူနောက်ဆုံးပြောသွားတဲ့ စကားကို ငါခုထိကြားယောင်တုန်းပဲ မိလွင် … သူငါ့ကို သံယောဇဉ်တော့ရှိတယ် ဒါပေမယ့် သူက ငါ့လိုတော့ စိတ်ကူးမယဉ်တတ်ဘူးတဲ့ … ၊ ဝန်ခံ ရရင် အဲသည်တုန်းက သည်စကားရဲ့ အဓိပ္ပာယ်ကို ငါနားမလည်မိခဲ့ဘူးဟာ ……

နောက်တော့ ငါသင်တန်းတွေတက်ဖို့ သားအမိတတွေ ရန်ကုန်ကိုပြောင်းဖို့ပြင်ဆင်ကြတုန်းမှာ ငါ့အတွက်လုံးဝ မထင်မှတ်ထားတဲ့ သတင်းတစ်ခု ကြားခဲ့တယ် … ။ နင်တို့လည်းကြားမှာပေါ့ … ငါ့ဘဝ မျှော်လင့်ချက်အားလုံးကို ဖြိုခွဲခဲ့တဲ့သတင်းတစ်ခု …. ဟုတ်တယ် ငါပြန်မပြောချင်ဆုံး သတင်းတစ်ခုပေါ့ဟာ .. ငါ့အဖေဟိုနိုင်ငံမှာ မမျှော်လင့်ဘဲ မလွန်ဆန်နိုင်လို့ မိန်းမတစ်ယောက်ကို လက်ထပ်ယူလိုက်ရတယ်ဆိုတဲ့ သတင်းလေ… ။ သည်သတင်းကိုကြားကြားချင်း ငါအမေ့ကို မကြည့်ရဲလောက်အောင် သနားသွားတယ် .. ။ နောက် ငါ့အဖေ … ။

အသက် ၄၀ ကျော်တက်ကြွဖျတ်လတ်ဆဲ ယောက်ျားတစ်ယောက်အတွက် မိန်းမတစ်ယောက်ယောက် ရဲ့ ရင်ခွင်ဟာ ဘယ်လောက်အရေးပါသတဲ့လဲ မိလွင်ရယ် … ကိုယ်နဲ့ ၁၅ နှစ် ကျော်ပေါင်းသင်းခဲ့တဲ့ မိန်းမတစ်ယောက်ရဲ့ ၊ နောက်ကိုယ့်ရင်က သားသမီးတွေရဲ့ အပြုံးတွေ၊ အသည်းနှလုံး တွေ ၊ ယုံကြည်မှုတွေကို စတေးရလောက်အောင် အရေးပါသတဲ့လား …. သည်မေးခွန်းတွေ စွဲချက်တွေကြားမှာ ငါပြိုလဲခဲ့ရတယ် မိလွင် … ရန်ကုန်အပြောင်းမှာ နင်တို့ကို နှုတ်ဆက်မသွားနိုင်လောက်အောင် ငါရှက်လည်း ရှက်ခဲ့ရတယ် …
ငါဘာဆက်လုပ်ရမလဲ … ကျောင်းဆက်တက်ရမလား … ဟိုကိုလိုက်သွားရမလား … အမေနဲ့ ညီမလေးကို ဘယ်လိုထားခဲ့ရမလဲ .. အဖေကရောငါတို့ကို ဆက်ထောက်ပံ့ဦးမလား … ငါ့အတွက် အရာရာက မရေမရာနဲ့ အဖြေမယ့်နေတယ် … ။

ငါ့အောင်စာရင်းထွက်တော့ ဂုဏ်ထူးသုံးဘာသာပါတယ်လေ ( ကြွားတာမဟုတ်ဘူးနော် မိလွင်) နောက်တစ်နေ့ အစောကြီးအမေအပြင်သွားတယ် ….. ညနေလောက်ကျမှ ပြန်ရောက်လာပြီးငါ့ကို စကားပြောတယ် … အဖေနဲ့ စကားပြောခဲ့ရတယ်ဆိုတဲ့အကြောင်းရယ် … နောက် ငါအရင်အစီအစဉ်အတိုင်း ဟိုမှာကျောင်းတက်ဖို့ဆိုတာရယ် …. နောက် အဖေက သူတို့သားအမိကို ဆက်ပြီးထောက်ပံ့မယ် ဆိုတဲ့ အကြောင်းရယ် … ။ အဲသည်ညက အမေမငိုပေမယ့် ကြေကွဲနေတဲ့ အမေ့မျက်လုံးတွေကို ငါမြင်နေရတယ် မိလွင် … ။ သား .. သမီးတွေ အတွက် ကိုယ့်အပေါ်သစ္စာမရှိတဲ့ ယောက်ျားတစ်ယောက်ကို မာနမတင်းနိုင်ရှာတဲ့ မိန်းမတစ်ယောက်ရဲ့ ကျဆုံးခန်းကို ငါဘယ်လိုကြည့်ရက်ပါ့မလဲ .. ဒါပေမယ့် အမေက ငါ့ကို ငြင်းဆိုခွင့်တောင် မပေးခဲ့ဘူး …. ရန်ကုန်မှာ ငါ သင်တန်းတွေကို တစ်ခုပြီးတစ်ခု စက်ရုပ်တစ်ကောင်လို လိုက်တတ်ခဲ့ရတယ် … ငါအတွက်ပျော်စရာဆိုတာ ခိုင်လေးဆီကို စာရေး စာပြန်ရတဲ့ အချိန်လေးတွေပဲ … ခိုင်လေးငါ့ကို အားပေးရှာတယ် ငါ့အဖေကိုမုန်းမသွားဖို့အကြောင်းလည်း ပြောရှာတယ် ( နောက်မှ နင်တို့ပြောလို့ သိရတာ ခိုင်လေးအဖေကလည်း မိန်းမဖက်မှာနာမည်ကြီးပဲဆို … ငါတကယ် စိတ်မကောင်းဖြစ်ရတယ်ဟာ …) … ရရာ အခြေအနေမှာ အကောင်းဆုံးဖြစ်အောင် ကြိုးစားဖို့တဲ့….. ။ ငါအဲသည်စာ တွေကို ခုထက်ထိ သိမ်ထားတုန်း …. သိလား ။ စိတ်ကျရင် ပြန်ထုတ်ဖတ်မိတယ် ... ။

ငါကျောင်းရလို့ ဟိုသွားရမှာ သေချာတော့ အမေက ငါ့ကိုဆုံးမတယ် .. လောကမှာ အရာရာကို အချိန်အနေ အချိန်အခါပေးတုန်းမှာယူရတယ် တဲ့ နောက် လူတိုင်းနဲ့ သင့်တင့်မျှတအောင်နေတတ်ရတယ်ဆို တဲ့အကြောင်းတွေပါ … အမေက လိုရင်းကိုတိုက်ရိုက်တော့ မပြောနိုင်ရှာပါဘူး … ငါနဲအတူ စာအိတ်တစ်လုံးထည့် ပေးလိုက်တယ် …. ကွာရှင်းပြတ်စဲစာချုပ်ပေါ့ … ငါ့ကိုလိုက်ပို့တဲ့နေ့မှာ မတွေ့တာကြာတဲ့အမေ့အပြုံးကို ငါပြန်မြင်ခွင့်ရတယ် … လွန်ခဲ့တဲ့ လေးနှစ်က သည်နေရာကို သတိရလို့လား …ဒါမှ မဟုတ် အသစ်တဖန်မျှော်လင့်ခြင်းတွေကို အမေတွေ့လို့လား … ငါမမေးရက်ခဲ့ဘူး မိလွင် …. ။ အဲသည်နေ့က လေဆိပ်က ဖုန်းနဲ့ငါ ခိုင်လေးဆီဖုန်းဆက်တယ် …. သူကအဆောင်မှာဆိုတော့ ရှောရှောရှူရှူ ရတာကိုပဲ ကျေးဇူးတင်ရမယ်… ခိုင်လေးရဲ့ အားပေးစကားကိုနားထောင်ရင်း ငါမျက်ရည်ကျခဲ့တယ် … အဲသည် အချိန်တုန်းက လောကကြီးကို စိတ်ကူးမယဉ်တတ်တော့တဲ့ လူတစ်ယောက်အတွက်တော့ ငါတို့နှစ်ယောက်ရဲ့ ဝေးကွားမှု ပထမဆုံး သတိထားမိခဲ့လို့ပါပဲ ….။

နိုင်ငံခြားကို ပညာသင်လာကြတဲ့ လူငယ်တွေမှာ ရည်ရွယ်ချက်အမျိုးမျိုး … ရပ်တည်မှုအမျိုးမျိုး … အခြေအနေအမျိုးမျိုး ရှိကြတယ် … ငါကတော့ ကံကောင်းတဲ့ အထဲမှာပါပါတယ်ဟာ … နေစရာအဆင်သင့် .. နောက် စားရေးသောက်ရေးလည်းအဆင်သင့် … ဒါပေမယ့် ငါမပျော်ဘူးမိလွင် …. အရင်ကထက် အသားပိုဖြူပြီး ဝလာတဲ့ ငါ့အဖေကိုလည်း ငါမခင်တော့ဘူး … သူ့မိန်းမ (သည်လိုပဲခေါ်မရစေတော့ ဟာ) ကိုလည်း ငါမုန်းတယ် … ငါ့အပေါ်မှာတော့ ပျက်ကွက်ခဲ့တဲ့ ဝတ္တရားကိုချေတဲ့ အနေနဲ့ပဲဖြစ်ဖြစ် အဖေကကောင်းပါတယ် … သူမိန်းမကလည်း မဆိုးပါဘူး …. ဒါပေမယ့် ပတ်ဝန်းကျင်အသစ်မှာ လူအမျိုးမျိုးနဲ့ ကျင်လည်ရတာကိုတော့ ငါစိတ်အညစ်ဆုံးပဲမိလွင် …. နောက်အပေါင်းအသင်းလုပ်ရတဲ့သူတွေ … လောကမှာ လူတွေအကြောင်းနားလည်လေလေ …လောကကြီးကို စိတ်ကုန်လေပဲ .. ။ လူတွေကို နှိမ်ပြီးပြောတတ် ဆက်ဆံတတ်တဲ့လူတွေ .. စိတ်ရင်းနဲ့ပေါင်းလို့ မရတဲ့သူတွေ .. နောက် လူကိုတွေ့ရင် ကြောဖို့ ကြံတဲ့သူတွေ နဲ့ သည်လိုလူတွေကြားမှာ ငါဘယ်လိုမှ မပျော်နိုင်ဘူးမိလွင် … နောက် ကျောင်းစာတွေကလည်း ငါ့အတွက်ခက်တယ် .. ဒါပေမယ့် စိတ်ပိုင်းဆိုင်ရာမွန်းကြပ်မှု နဲ့စာရင်တော့ မပြောပလောက်ပါဘူး … ငါအစတော့ ခိုင်လေးနဲ့ ဖုန်းဆက်ဖြစ် .. စာရေးဖြစ်သေးတယ် …. ၊ ခိုင်လေးက ပိုလို့လှလာတယ်တဲ့ ငါ့သူငယ်ချင်း ဆေးကျောင်းသားတစ်ယောက်ကပြောတယ် .. နောက်တော့ ခိုင်လေးလဲစာများတော့  သိပ်တောင် စာမရေးဖြစ်ပါဘူး .. နောက်ပိုင်းတော့ ခိုင်လေးက သူ့ကိုလိုက်နေတဲ့ ကောင်လေးတွေအကြောင်း ရေးလာတယ် … ငါသိနေပါပြီ သူစိတ်ပါနေပြီလို့ … သည်မှာ နင်တို့ငါ့ကိုပြောမယ် နင်ဘာလို့ခိုင်လေးကို ချစ်တယ်လို့မပြောတာလဲလို့ … ။ သည်လိုအပြစ်တင်ရင် ငါ့မှာရှင်းပြဖို့ အဖြေသေချာတော့မရှိဘူးဟာ … ငါရင်ထဲကတော့ သိနေတယ် .. ပြောရရင် ငါက ကိုယ်မြတ်နိုးတဲ့သူ့ဆီ တောင်းမှရတဲ့ဟာကို မလိုချင်လို့ပဲ .. ငါဘယ်လောက်ရူးလိုက်သလဲနော် ….သူရှိတဲ့ဆီမှာပဲ စိတ်ရောက်နေတဲ့ငါဟာ သူ့ကိုချစ်တယ်လို့တော့ မပြောခဲ့ဘူးတဲ့ … ဒါပေမယ့် ငါယုံပါတယ် ငါ့အချစ်ကို ခိုင်လေးသိပါတယ် … တစ်စုံတစ်ခုထိလည်း သူတန်ဖိုးထားမှာပါ … ( တွေ့လား ငါကသည်လို) .. ဒါပေမယ့် သူကလက်တွေ့ကျပြီး ရည်မှန်းချက်ကြီးတဲ့ မိန်းကလေးလေ ….. ။

ငါသိပ်ကို တိတ်တဆိတ်ပေါက်ကွဲခဲ့ရတဲ့ … အဖေ့မိန်းမ က သမီးလေးတစ်ယောက်မွေးတဲ့နေ့မှာပဲ တိုက်တိုက်ဆိုင်ဆိုင် ခိုင်လေးက လူတစ်ယောက်ကို ချစ်သူအဖြစ်လက်ခံလိုက်ပြီဆိုတဲ့ စာကိုငါရတယ် မိလွင် … အဲသည်ညက အားလုံးမှောင်မိုက်ပြီး …. ငါပြိုကွဲခဲ့တယ် …။ ဒါပေမယ့် တစ်ဖန်ပြန်လည်ရှင်သန်ဖို့ သေဆုံးသွားခြင်းမျိုးပါ ….. ။

ငါနေတဲ့ အိမ်ကနေ ကျောင်းကိုသွားဖို့ ၁ နာရီသာသာလောက်ကြာတယ် .. သည်တော့ နံနက်စောစော အတန်းတွေရှိရင် မိုးမလင်းခင် ၆နာရီလောက်က အိပ်ယာထရတယ် … ကျောင်းသွားဖို့ရထားစီးရင် ပတ်ဝန်းကျင်က မလင်းသေးဘူး ၄မှတ်တိုင်လောက် စီးပြီးရင် ရထားကမြေအောက်ကို ဝင်ပြီ …. ၊ ဝေလီဝေလင်းကနေ လုံးဝကိုအမှောင်တိုက်ကို ဝင်ပြီပေါ့ … ဒါပေမယ့်နောက်ထပ် ၁၅ မိနစ်လောက်စီးပြီးရင် ရထား မြေအပေါ်ကိုပြန်ထွက်ပြီ … အဲသည်အချိန် ဥမင်ပေါက်ကို ရောက်တဲ့အခါ ပြည့်စုံတဲ့ နေ့သစ်အစကို ငါတွေ့ရပြီ …အဲသည်ခံစားချက်ကို ငါသိပ်ကြိုက်တယ် မိလွင် …. ။ လူဆိုတာ အမှောင်ကို ငြင်းဆန်လေ့ရှိပြီး အလင်းကိုတော့ ကြိုဆိုကြတယ်မဟုတ်လား ။ အမှောင်ရဲ့ ကျဉ်းကျပ်ပိတ်လှောင်မှုနဲ့နေသားကျရာက အလင်းရဲ့လွပ်လပ်လွင့်မျောမှုအသစ်ကို ထိတွေ့ခွင့်ရရင် ကျေနပ်ကြမြဲမဟုတ်လား … ။

ခုတော့ငါ့မှာ ရည်မှန်းချက်ရှိလာပြီ မိလွင် … ငါ့အမေနဲ့ငါ့ညီမလေးအတွက်ပဲ … သူတို့ကို ငါတစ်ယောက်ထဲအားနဲ့ ထောက်ပံ့ရပ်တည်နိုင်အောင် ငါကြိုးစားရမှာပေါ့ .. အဖေ့မှာလည်း သူ့နောက်သားသမီးတွေ အတွက် ကြိုးစားရဦးမှာပဲ … ငါအဖေ့ကို မမုန်းတော့ပါဘူးဟာ …. ဖြေပြီးပဲတွေးလိုက်တော့တယ် …. တနေ့မှာ ငါ့ညီမလေး ပညာရေး ငါ့အမေကျန်းမားရေးအတွက် ငါတို့ဖာသာရပ်တည် နိုင်အောင် အဖေငါ့ကို ပညာတွေသင်ပေးနေတယ်မဟုတ်လား … ၊ တစ်နေ့မှာ ငါ့ရည်မှန်းချက်တွေ အောင်မြင်ရမှာပေါ့ ….

အမှောင်ရဲ့ အလွန်မှာ အလင်းတော့ ရှိစမြဲပါ မိလွင်ရယ် …. ။။

အောင်ဖြိုး
(6:43 am , 22 December , 2009 )

NP-MM Cultural Show 2009

2009-09-30T02:44:00.004+08:00

(Click the picture for more details)

NP-MM Cultural Show 2009

Date - 21st November, 2009 (Saturday)
Time - 1pm to 7 pm
Location - Victoria Theater

(Location Map for Victoria Theater )

လက်မှတ်များကို-
အာကာ-၈၃၈၈၂၇၃၆
ချမ်းငြိမ်းစိုး-၈၁၆၃၈၉၄၂ တို့တွင်မှာကြားဝယ်ယူနိုင်သည့်အပြင်
main sponsor ဖြင့်ကူညီပံ့ပိုးပေးသော
-ဧရာဝတီ Restaurant -Royal-Myanmar Tea Mix တို့နှင့်
co-sponsor များဖြစ်ကြသော
-သပြေနု
-Sin-Myanmar
-Lighting moon pt,ltd.
-သီရီဆံပင်အလှပြုပြင်ရေးခန်းမ
ဆက်သွယ်ဝယ်ယူနိုင်ပါကြောင်း သတင်းကောင်းပါးလိုက်ပါသည်။

ကူးတို့ - ရာဘင်ဒြာနတ်တဂိုး

2009-08-31T22:34:00.006+08:00

အခုတလော တဂိုးရဲ့ ကဗျာဘာသာပြန်အတွဲတွေ ဆက်ဖတ်ဖြစ်တယ် ။ အရင်တစ်ခါကလို ခံစားနှစ်ကြိုက်မိတဲ့ ကဗျာလေးတွေကို တင်ပေးတာပါ ။ ဆရာမြသန်းတင့်ရဲ့ ဘာသာပြန်မူပါ ။ “The Crossing” - ကူးတို့ ကဗျာရှည်ထဲက ဖတ်ပြီးသမျှ ကြိုက်နှစ်သက်တဲ့ အပိုဒ်တွေကို ရွေးပြီးတင်ထားတာပါ ။

ကူးတို့ အပိုဒ် (၁၆)

အရုဏ်တက်တုန်းက ကိုယ့်တံခါးဝကို
မင်းရောက်လာပြီးတေးဆိုသွားခဲ့တယ်။
အိပ်တာကိုနှောက်ယှက်ရမလားဆိုပြီး ကိုယ်စိတ်ဆိုးခဲ့မိတယ် ။

မင်းကတော့ ဂရုမစိုက်ဘဲ့ ပြန်ထွက်သွားခဲ့တယ်လေ ။

နေ့လည်ကျတော့ မင်းရောက်လာပြီး
ရေ တစ်ပေါက်တောင်းပြန်တယ် ။

ကိုယ့်အလုပ်ကို နှောက်ယှက်ရပါ့မလားလို့ စိတ်တိုပြီး
မင်းကို ပြစ်တင်မောင်းမဲပြီး
လွှတ်လိုက်တယ် ။

ညချမ်းကျတော့ မင်းရဲ့မီးတိုင်ကိုင်ပြီး
ရောက်လာပြန်တယ်။

မင်းဟာ ကိုယ့်အတွက် ကြောက်ဖွယ်ဖြစ်နေတဲ့အတွက်
ကိုယ့်တံခါးကို ပိတ်ထားလိုက်တယ် ။

ခု သန်းခေါင်ရောက်တော့
မီးမရှိတဲ့ ကိုယ့်အခန်းထဲမှာ တစ်ယောက်ထဲထိုင်ရင်း
ကိုယ်စော်ကား မောင်းမဲလွှတ်လိုက်တဲ့ မင့်ကို
ပြန်ပြီးခေါ်နေမိတယ်လေ ။ ။

+++++++++++++

ကူးတို့ အပိုဒ် (၂၃)

ငါမသိသော်လည်း
သင့်ကိုနာကျင်အောင်လုပ်တိုင်း
သင်သည် ငါနှင့်ပို၍ နီးစပ်လာ၏ ။

သင့်ကို ရှုံးနိမ့်သွားအောင်တိုက်လိုက်သော အခါတွင်
ငါသည် သင့်ကို အရှင်သခင်အဖြစ် ပိုင်ဆိုင်ခဲ့ရ၏ ။

သင့်ကို ငါတိတ်တဆိတ်လုယူသည့်အခါတွင်
သင့်အပေါ်တင်သည့် ငါ့အကြွေးသည် ပို၍ကြီးလာ၏ ။

သင့်ရေစီးကြောင်းများထဲဝယ် ငါ့မာနဖြင့်သင့်ကို
ဆန့်ကျင်တိုက်ခိုက်သော အခါတွင်
သင်၏ခွန်အားတို့သည် ငါ့ရင်တွင်းတွင် လာရောက်စုဝေးကြကုန်၏ ။

သင့်ကို အန်တုသောအားဖြင့် ငါ့အိမ်ထဲက မီးအိမ်ကို ငြိမ်းသတ်လိုက်သော အခါတွင်
သင့်ကောင်းကင်ကြီးသည် ကြယ်ပွင့်တို့ဖြင့်
ငါ့အား အံအားသင့်အောင် လုပ်ခဲ့ သည်တကား ။ ။

(ဆရာ မြသန်းတင့် ပြန်ဆိုသည်)

ကဗျာဆိုတာ ဖတ်သူရဲ့အရွယ် ၊ နောက်အတွေ့အကြုံ ကွာခြားမှုကိုလိုက်ပြီး ရှုထောင့်အမျိုးစုံ အမြင်မျိုးစုံ ကနေခံစားနိုင်ပါတယ် ။ ။
Aung Phyoe

ရင်မှာပွင့်သောပန်း

2009-08-22T21:10:00.010+08:00

သည်ကိစ္စကို စမိတာက ကျတော် .. ကိုYTU ကို Online မှာတွေ့တုန်း ရင်ဖွင့်ပြီးရေးကြည့်ပါလားလို့ အကြံပေးမိတယ် .. နောက် Tag ချင်လည်း Tag ပေါ့လို့ ... အဲ နောက်တော့ သူ့ပရောဂ ကြောင့် ဘလော့တွေအကုန်လုံးလည်း ပန်းတွေဖြစ်ကုန်ပြီ ..။ သူကတော့ ဘဝမှာ ဦးဆုံးပွင့်ခဲ့တဲ့ ပန်းဆိုပြီး ပြောထားတယ် .. ကျတော်ကတော့ ကိုယ့်ရင်မှာ ဘယ်တုန်းကမဆိုပွင့်တဲ့ပန်းပေါ့လို ခံယူပြီးဝတ္ထုတစ်ပုဒ် ကြိုးစားရေးထားပါတယ် ... နောက်ကိုYTU တဂ်တဲ့ အထဲမှာ အိမ်ထောင်သည်တွေမပါဘူးဆိုပဲ ... ဒါပေမယ့် ကျတော်ကတော့ခင်မင်သူတွေကို ဆက်တဂ်ပါတယ် (အဲ အိမ်ထောင်သည် တွေရောပါတယ်) ... ဆိုလိုတာက ဦးဆုံးပွင့်တဲ့ ပန်းမှမဟုတ်ပါဘူး ကိုယ့်ရင်ထဲမှာပွင့်ခဲ့တဲ့ ၊ ပွင့်နေဆဲ ကိုယ်မြတ်နိုးရတဲ့ ပန်းလေးတွေအကြောင်းပေါ့ ... ခံစားကြည့်ပါဦး ..

အိပ်မက်ပြာ

“ နှင်းဆီဆိုတာ ချစ်ခြင်းရဲ့ သင်္ကေတ …အထူးသဖြင့် အဝါရောင် နှင်းဆီဆိုတာ သိမ်မွေ့လေးနက်တဲ့ အချစ်ရဲ့ သင်္ကေတပေါ့ …. ကျတော်မင်းကို နှင်းဆီအဝါတွေ ပေးတယ် .. မင်းကျတော့်ကို အချစ်ပြန်ပေးမလား ….”

++++++

သူ့ကိုချစ်တယ်လို့ ကိုယ်ပြောတိုင်း ကိုယ့်စကားကို သူ ဘယ်တုန်းမှ အလေးအနက် မထားတတ်ပါ ….. မကြားချင်ယောင် ဆောင်ကောင်းဆောင်နေမယ် … ဒါမှမဟုတ် “ရှင့်ကို တို့မချစ်ပါဘူး … ခင်ရုံတင်ခင်တာ ..” လို့ ရယ်ရင်းပြောမယ် … ကိုယ့်ကို စိတ်ထိခိုက်အောင် စချင်ရင်တော့ “ဟုတ်တယ် ရှင့်ကိုတို့ မချစ်ပါဘူး တို့ချစ်တဲ့သူတွေ့ ရင်ရှင့်ကိုတကယ်ကြီးကို ထားခဲ့မှာနော်… ” လို့ တည်တည်လေးပြောတတ်သည်… သူသည်လိုပြောတိုင်း ကိုယ့်မှာပြန်ပြောစရာ စကားတော့ မရှိတတ် … အဆုံးစွန်တိုင် ချခဲ့ရတဲ့ မာနရဲ့ တုန့်ပြန်မှုကြောင့် နှုတ်ဆွံ့ နေရတတ်သည် …. နောက်တော့ ကိုယ်ကလည်း ခပ်သောသောရယ်ရင်း .. “ဟုတ်လား” လို့ ဘာမှမဖြစ်သလိုပြန်ပြောတတ်သည် ။

++++++

“မြင်မြင်ချင်းပဲ ချစ်မိတယ်” ဆိုတဲ့စကားကို ကိုယ်မယုံပါ ။ သည်အတွက် သူ့ကို တွေ့တွေ့ချင်း မချစ်မိခဲ့သည့်အတွက် ကုန်ဆုံးသွားရတဲ့ အချိန်တွေကိုလည်း မနှမြောမိ ။ နောက် ပတ်ဝန်းကျင်ကို အရေးမစိုက်နိုင်အောင် ကိုယ့်ကိုယ်ကို အထင်ကြီးတတ်တဲ့ ( “မရှိမဖြစ်မိုး” ထဲက ခင်မိုးမြင့်လို ) မိန်းမမျိုးကို ကိုယ်မကြိုက် ။ မိန်းမဆိုတာ လုံဝကြီးမဟုတ်သည့်တိုင် တစ်စုံတစ်ခုသော အတိုင်းအတာအထိ မိန်းမပီသနေရမည်လို့ ပဲပြဌာန်းထားတတ်ခဲ့ဖူးသည် ။ သူ့ရဲ့ စိတ်ကိုမသိရသေးမှီ ပုံစံအမြင်မှ သဘောကျစရာဆိုလို့ အတန်အသင့်ရှည်လျားတဲ့ ဆံပင်ရယ် … ပါးစပ်ကအပြုံးကို လိုက်ပါကူးစက်နိုင်စွမ်းရှိတဲ့ မျက်လုံးဝိုင်းလေး တစ်စုံကိုရယ်ပဲ ကိုယ် အသိအမှတ်ပြုခဲ့မိသည် ။ ဒါပေမယ့် မိန်းမတစ်ယောက်ကို ချစ်တယ်ဆိုတဲ့ ခံစားချက်ကို ယုံကြည်သွားတဲ့အခါ သည်ခပ်ကြောင်ကြောင် အချက်တွေဆိုတာ မလိုတော့ဘူးလို့ ကိုယ်ထင်သည် ။ သူ့ရဲ့ အားနည်းချက် အားသာချက် ၊ လှပမှု အကြည်း တန်မှုတွေ ပျောက်ကွယ်ပေါင်းစပ်သွားပြီး မြတ်နိုးစရာ တစ်ခုအဖြစ်သာ ပြန်လည်မွေးဖွားလာခဲ့သည် ။

++++++

မိန်းမတစ်ယောက် ကိုချစ်မြတ်နိုးရသည့်အတွက် လှိုက်လှဲစွာ ရင်ခုန်ကြည်နူးရမှု ကို သူနှင့်ပတ်သက်မှပင် ခံစားနားလည်လာရသည် ။ သူ့ကို တစိမ့်စိမ့်ငေးစိုက်ကြည့်ခွင့် ရတဲ့ အချိန်လေးတွေကိုပင် တန်ဖိုးမဖြတ်နိုင်အောင် မြတ်နိုးရတော့သည်။ ကိုယ့်ကို ဂရုမပြုနိုင်အောင်ပင် သူ့ကိစ္စတွေနဲ့ အလုပ်များနေတဲ့ သူ့ကို တစိမ့်စိမ့်ငေးကြည့်နေရတာနဲ့ပင် ကမ္ဘာကြီးသည် ပြည့်စုံနေပြီရယ်လို့ ကိုယ့်ကိုယ့်ကို အလှည့်စားခံရပြန်သည် ။ ကိစ္စတစ်ခုကို ဖြေရှင်းအဖြေထုတ်ရင်း စိတ်ရှုပ်ရင် အောက်ကို ကုတ်သွားတတ်တဲ့ သူ့ခြေချောင်းလေးတွေ ၊ လက်မ နဲ့ လက်ညှိုးကို ချိုးတတ်တဲ့  အကျင့်လေး ၊ ဆံပင်ရှည်တွေကို လက်နဲ့ပင့်တင်တတ်တဲ့ ဟန်လေးတွေကအစ အသေးစိတ်မှတ်မိနေတတ်သည် ။ သူကြိုက်လို့ ညည်းတတ်တဲ့သီချင်းတွေ ၊ သူကြည့်တတ်ဆိုတဲ့ ဇာတ်လမ်းတွေ ၊ “ကောင်းတယ်ဟဲ့ ကြည့်ကြည့် .. နားထောင်ကြည့်” လို့သာမန်ကာ လျှံကာညွှန်းတတ်တဲ့ သူ့အကြိုက်လို့ ကိုယ်ယူဆရတဲ့ အရာတွေကို ကိုယ့်အကြိုက်ဆုံးစာရင်းထဲ သိမ်းကြုံးထည့်လို့ ရှာဖွေကြည့်ရ နားထောင်ရတာရတဲ့ အခါမှာကျတော့ လောကကြီးမှာအသက်ရှင်ရတာ ထိုက်တန်လေခြင်းလို့ ဖန်ဆင်းသူကို ပင်ကျေးဇူးတင် ရတော့သည် … လူတစ်ယောက်ကို စွဲလမ်းသွားတယ်ဆိုတာ သိပ်ကိုကြီးမားတဲ့ ကျိန်စာတစ်ရပ်လို့တောင် တစ်ခါတစ်ခါ ကိုယ်ထင်မိသည် … ကိုယ့်ရဲ့ စဉ်းစားဆင်ခြင်ဥာဏ်တွေ ၊ အတွေးအခေါ်တွေကိုလုံးဝဖုံးကွယ် နိုင်လောက်အောင်စွဲလမ်းသွားရတယ်ဆိုတာ (ကိုယ့်အတွက်တော့) သိပ်ကိုကြီးကျယ်တဲ့ ဖြစ်ရပ်တစ်ခုပဲ ။ သူ့ကိုငေးစိုက်ကြည့်ရင်း မြတ်နိုးမှုကြောင့်ရင်ခုန်မှု ၊ ဆုံးရှုံးရမှာကို ပူပန်မှုတွေပေါင်းစပ်ပြီး ရင်ထဲမှ မချိအောင် တင်းခနဲဖြစ်သွား တတ်တဲ့အခါမျိုးမှာတော့ အချစ်ဆိုတာ ချိုမြိန်သည့်တိုင် ကျိန်စာတစ်ခုရယ်လို့ ကိုယ့်မသိစိတ်က ယုံကြည်နေမိသည် …

++++++

မိန်းမတစ်ယောက်ကို ချစ်လျက်နဲ့ စွန့်လွှတ်သွားရပါတယ်လို့ ခံဝန်ချက်ပေးတတ်တဲ့ ယောက်ျားတွေကို ကျတော် အထင်သေးသည် .. မိန်းမတစ်ယောက်ကိုချစ်ရင် သူ့အချစ်ကို ရ ၊ မရ မသေချာပေမယ့် ယောက်ျားပီပီ အားထုတ်မှုတစ်ခုခုတော့ လုပ်ရမယ်လို့ လက်တွေ့ကျကျ ကိုယ်တွေးမိတဲ့ အချိန်မှာတော့ သူ့အတွက် မျက်နှာပြောင်တိုက်တယ်ဆိုတာ ကို ကိုယ်ရဲရဲဝံ့ဝံ့လုပ် ဝံ့ပြီ … သူ့ကို ရင်းနှီးဖို့ မဆုံ ဆုံအောင် သူ ရှိတတ်တဲ့နေရာတွေကို နောက်ယောင်ခံသွားတတ်ပြီ … တွေ့ရင်လည်း သာမန်အကြောင်းအရာတွေကို စကားမပြတ်နိုင်အောင် မျက်နှာထားတည်တည်နဲ့ပြောတတ်ပြီ … မကြာမကြာလည်း စကားမရှိစကားရှာကာ ဖုန်းဆက်ရပြီ … သူ့ကိုလည်း ဆရာတင်ပြီး အင်မတိအင်မတန်ရိုးစင်းသော အကြောင်းအရာတွေ ကို မသိနားမလည်ဟန်နဲ့မေးရပြီ … ။ တစ်ခါတစ်ခါတော့ ကိုယ့်အပြုအမူတွေဟာ တော့်တော့်ကို ကြောင်တာမို့ သူ့ကိုတွေ့ချင် ကြားချင်တဲ့ စိတ်တစ်ခုတည်းနဲ့ပဲ ပေါချာချာဖြစ်လောက်အောင် မျက်နှာပြောင်တိုက်ရတော့ .. “ ဘယ်နယ်ကွာ .. ဒါမာနကြီးပြီး အတ္တသိပ်များတယ်လို့ပြောကြတဲ့ ကိုယ်တဲ့လား .. ကိုယ့်အပြုအမူတွေဟာ သိပ်ကို အပြောင်တိုက်လွန်းအားကြီးနေပြီလား ..” လို့ ကိုယ့်ကိုကိုယ် ဒဏ်ခတ်ချင်မိတဲ့အထိ .. ဒါပေမယ့် ဒါဟာ မိန်းမတစ်ယောက်ကိုချစ်မိတဲ့ ယောက်ျားတစ်ယောက် မဖြစ်မနေလုပ်ရမယ့် လုပ်ရပ်ဆိုတာ သိတော့ ကိုယ့်ဦးနှောက်ကို အသည်းနှလုံးက ထိန်းချုပ်သွားခဲ့ပြီ …

++++++

မိန်းမတစ်ယောက်ရဲ့ ယောက်ျားတစ်ယောက်အပေါ် အချစ်မှာ အထင်ကြီးမှုပါကောင်းပါနိုင်ပေမယ့် .. ယောက်ျားတစ်ယောက်အဖို့ မိန်းမတစ်ယောက်ကို အထင်ကြီးပြီးချစ်ဖို့ဆိုတာမလွယ်ပါ … ယောက်ျားဆိုတာ မိန်းမတစ်ယောက်ကို အကာအကွယ်ပေးဖို့ အသင့်ရှိတယ်ဆိုတဲ့ အနေအထားနဲ့ ပဲ ချစ်နေနိုင်မယ် … သို့သော် ..သည်လို ဦးနှောက်ကလာတဲ့ အတွေးအခေါ်တွေက အချစ်ကိုတွေ့တဲ့ အခါမှာ အတွေးအရာမဝင်ပါ … သည်တော့ ကိုယ့်မှာ သူ့အတွက်အရာရာကို ခိုင်းသမျှ မငြင်းမဆန်လုပ်ပေးဖို့ အသင့်ရှိတဲ့ သူတစ်ယောက်ဖြစ်ရတော့၏ …. သူများတွေ မျက်မုန်းကျိုးလောက်အောင် ကိုယ့်အပြုမူတွေ ပိုကောင်းပိုနေလိမ့်မည် .. သည်အတွက် သူ့ကိုယ့်ကို တုန့်ပြန်ခဲ့သလား .. ကိုယ်သေချာမသိပါ … သူနဲ့ကိုယ့်ရဲ့ ရင်းနှီးမှုအတွက် ဘယ်သူတွေဘယ်လိုဆိုဆို …ကိုယ်ကတော့ သူ့ဆီကတုန့်ပြန်တဲ့ အပြုံးတစ်ချက်ကိုရဖို့ …. ပိုင်စိုးပိုင်နက်နိုင်တဲ့ စကားတစ်ခွန်းကို ကြားရဖို့ ကလည်းပြီး အခြားဘာကိုမှ ဂရုမစိုက်နိုင် … သူ့ကို အိပ်မက်ထဲမှာ မရေမတွက်နိုင်အောင်တွေ့ရတတ်သည် … သူ့ဆံပင်ရဲ့ရနံ့ကို ရတယ်လို့ထင်အောင် ၊ ကိုယ့်ပုခုံးမှာ သူမှီနွဲ့နေသည် လို့ခံစားရအောင် လည်း အိပ်မက်က တိကျအသေးစိတ်လွန်းနေတတ်၏ .. ။ နောက်အိပ်မက်ထဲမှာ သူ့အတွက် နှင်းဆီပန်းအဝါတွေကို ဝယ်သွားတတ်ပြီး …. သူ့ဆံပင်တွေကို သပ်ဖွလို့ “အချစ်လေး .. အချစ်လေး.. လို့” တိုးတိုးလေးရေရွတ်နေတတ်သည် …

++++++

ဟိုးငယ်ငယ်တုန်းက ကိုယ့်ချစ်သူဟာ အရာရာကိုယ်နဲ့ အကြိုက်တူသူဖြစ်ရမယ်လို့ စိတ်ကူးယဉ်ခဲ့ဖူးသည် … နောက်နည်းနည်းအသက်လေးရလာတော့ ချစ်တဲ့သူကို ကိုယ့်အကြိုက်ပြုပြင်ယူမယ်ရယ်လို့ စဉ်းစားမိပြန်သည် .. အခုတော့ သည်အချက်တွေက သိပ်ကိုသေးဖွဲတဲ့ အတွေးအခေါ်တွေရယ်လို့ ခံယူနိုင်ပြီ … ကိုယ့်ချစ်ရသူအတွက် အရာရာမှာ သူအကြိုက်နဲ့ကိုယ့်အကြိုက်ညှိယူတာ (အများအားဖြင့်တော့ သူ့အကြိုက်ကို ကိုယ့်အကြိုက်အဖြစ်ပြောင်းလဲပစ်တာ ) ကိုပဲ အချစ်ရဲ့နိယာမလို့ကိုယ် ထင်နေတတ်ပြီ …. သည်အတွက် ကိုယ်ပေးသမျှစာအုပ်တွေကို သည်အတိုင်းပြန်ပေးတတ်သော သူ့ကို ကိုယ်ကအပျင်းပြေ နားထောင်ပေါ့လို့ ဝတ္ထုတို လေးတွေကို အသံထွက်ပြီးဖတ်ပြရသည် ... Latte နဲ့ Cappuccino ကို မခွဲတတ်တဲ့ သူ့အတွက် ကော်ဖီအကြောင်းဖျော်ပုံဖျော်နည်း တွေကိုဖောင်လောက်အောင်ပြောကာ … ကိုယ်သောက်နေကျ သာမာန်ထက် နည်းနည်းအချိုတိုးပြီး ကော်ဖီဖျော်ပေးရသည် … သူကကိုယ်ကြိုက်တဲ့ သီချင်းတွေဆိုကြားတောင်မကြားဖူး … သည့်အတွက် “ချစ်ပြုံးနှင်းဆီ” ကိုဆိုပြလို့မရ ၊ “နွေနှောင်းရွက်ကျန်” ကို ညည်းပြလို့မဖြစ် …သည်အတွက် တစ်ခါမှကိုင်မကြည့်ဖူးတဲ့ ဂစ်တာကို မလို့ “ရှင်ဆိုပြမယ့်တစ်နေ့ နားထောင်မယ်လေ ” လို့ပြောဖူးတဲ့ လေးဖြူရဲ့ “ခရီးများအဆုံးထိ” တစ်ပုဒ်ထဲကို အကို့ဆီမှာ တိတ်တိတ်လေးသင်ရသည် … ယောက်ျားလေးတစ်ယောက်ရဲ့ အဝတ်အစားကို ဂရုတစိုက်မှတ်ချက်ပေးတတ်တဲ့ သူ့အတွက် အရင်ဘယ်တုန်းကမှအရေးမစိုက်ခဲ့သော ဆံပင်ကို သေသေသပ်သပ်ဖီးပြီး အရောင်လွင်လွင်လေးတွေကို ကြည့်ကောင်းအောင် ဝတ်ရသည် ..

နောက် ကိုယ့်တစ်ယောက်ထဲ ဆိုရင်လည်း သူ့အကြောင်းကိုတွေးရသည် … အတူတူတွေ့ချိန်ဆိုရင် ခံစားမှုမျိုးစုံ ပေါင်းစုံနေသည့်ဖိစီးမှုကို သူကပေးတတ်သည် … ကြည်နူးရမှုနဲ့အတူ အချိန် ခရီးအကွားအဝေးကို ဆွဲဆန့်ထားချင်တဲ့ ကလေးဆန်ဆန်ခံစားမှုတွေ .. ပျော်ရွှင်နေရင်းက သူကိုယ့်ကို မချစ်ပါဘူးလို့ခံစားမိရင်း မျက်ရည်ဝဲလောက်အောင် ဝမ်းနည်းမှုတွေ .. သူကိုယ့်ရှေ့မှာ ရှိနေပါလျက် သူနဲ့ပတ်သက်သည့် တစ်စုံတစ်ခုကို လွမ်းဆွတ်နေရသည့်ခံစားမှုတွေကို တကိုယ်တည်းခံစားရတတ်သည် …

နှစ်ယောက်သား လမ်းခွဲတိုင်းနောက်ကို ဘယ်တော့မှသမင်လည်ပြန်လှည့်မကြည့်တတ်ဘဲ ခပ်မှန်မှန် လျှောက်သွားတတ်တဲ့ သူ့ကို မျက်လုံးထဲကပျောက်သွားသည်အထိ ငေးကြည့်ရင်း …တစ်နေ့ သူ့ကို ပွင့်လင်းစွာ နှင်းဆီဝါတွေ ကိုယ်ပေးဖြစ်ခဲ့သည် ။

++++++

မိန်းမတစ်ယောက်ကိုချစ်လို့ ဒူးထောက်ပြီး ချစ်ခွင့်တောင်းရလောက်အောင် ၊ ငိုကြွေးပြီး အသနားခံရလောက်အောင် မာနမဲ့တဲ့ ယောက်ျားတွေထဲမှာ ကိုယ်မပါပါ ။ ဒါဟာ သူတို့ အချစ်ရဲ့ကြီးမားမှု ကို သက်သေပြတာလား ။ သူတို့ရဲ့ ယောက်ျားမဆန် ပျော့ညံ့မှုကို ပြတာလား ..။ ကိုယ်ကတော့ သူငြင်းရင် ၊ သူ့ အတွက် အရာရာစိတ်ကြိုက်ဖြစ်စေရမယ်လို့ ကိုယ့်ကိုကိုယ်ဆုံးမထားရသည် ။

သူ နှင်းဆီတွေနဲ့တင်စားပြောတဲ့ကိုယ့်စကားကို နားလည်ပါသည် … သူက လူကဲခတ်ကောင်း သူတစ်ယောက်လည်းဖြစ်တော့ သည့်အရင်ထဲက သည်လို ကိုယ်ပြောမယ်ဆိုတာ သိကောင်းသိထားပြီး ဖြစ်မှာပါ … ကိုယ်ဖတ်ဖူးတဲ့ ဝတ္ထုတွေထဲက မိန်းကလေးတွေလို ကြားကြားချင်း ရှက်သွားချင်းလည်းမရှိ ၊ အထိတ်တလန့်လည်းဖြစ်ပုံမရဘဲ .. ဖြည်းဖြည်းလေးပြုံး ပြသည် …
“ရှင်ရယ် …. တို့ဒါတွေ မတွေးချင်သေးဘူး … ရှင့်ကို ခင်ရုံပဲခင်ချင်သေးတယ် … တို့နဲ့ရှင် အရင်လိုပဲနေကြရအောင်လေ.. နော် .. နှင်းဆီတွေအတွက်ကျေးဇူးတင်ပါတယ်ရှင် .. တို့ သိပ်ကြိုတယ် .. နှင်းဆီ အနီဆိုပိုကြိုက်တယ် ”

သည်ညနေက သူနှင်းဆီဝါတွေကို ယူသွားသည့်တိုင်နောက်ပိုင်း သည်အကြောင်းကို စကားစပ်လို့မပြောခဲ့ ..။

++++++

မိန်းမတစ်ယောက်ချည်ထား၊ လှန်ထားတဲ့ ကြိုးဆိုတာ ဘယ်လောက်ထိရှည်လည်း ကျတော်မခန့်မှန်းနိုင်ပါ ။ သည်နောက် သူနဲ့ကိုယ် ပိုလို့လည်းနီးကပ်မသွား .. ဝေးလို့လည်းမသွားခဲ့ .. အမှန်ဆိုရင် ကိုယ်တို့နှစ်ယောက်ရဲ့ ပတ်သက်မှုကို အဓိပ္ပာယ်ဖွင့်ပြဖို့လည်း ကိုယ်မတတ်နိုင် … ကိုယ်သိသလောက်ဆိုရင် အိပ်မက်မက်နေရတဲ့ ခံစားချက်နဲ့တော့ ဆင်ဆင်တူလိမ့်မည် … ကိုယ်ကတော့ သည်အိပ်မက်ကိုတတ်နိုင်သမျှဆက်မက်ချင်သည် … ကိုယ့်ရဲ့ မာနက ခွင့်ပြုသ၍ပေါ့ … ..

ကိုယ်သူ့ကို “မောင်တို့ချယ်ရီမြေ” ဆိုပြတိုင်း တစ်နေ့တော့သွားကျတောပေါ့လို့ တိုးတိုးလေးပြောတတ်သည် … ကိုယ်သူ့ကိုစူးစိုက်ကြည့် ရင်တော့ သူငယ်ချင်းတွေနဲ့လေ လို့လျောချတတ်သည် .. “ခင်ခင်ထူး” ရဲ့ “ပန်းကြာဝတ်မှုန်” ကိုဖတ်ပြမိတိုင်း “ဘာလဲ … ရှင့်ကို သည်လိုခေါ်စေချင်တာလား” လို့ မျက်လုံးလေးတစ်စုံ က ပြုံးရင်းပြောတတ်သည် ….

ကျတော်သူ့ကို တစ်ခုခုတိုက်တွန်းတိုင်း ဘယ်တုန်းကမှ မငြင်းမဆန် လက်မခံတတ်.. နည်းနည်းတော့ အတွန့်တက်လိုက်ရမှ ကျေနပ်တတ်သည် ….
“ရှင့်လို မအားဘူးလေ… ”
“အော်… ခင်ဗျားက serious lady ပေါ့ … ”
“တို့ကသည်လိုပဲ .. ရှင်အရင်တည်းက မသိဘူးလား …လောကမှာ လုပ်ချင်တာထက် လုပ်သင့်တာကို ဦးစားပေးရတယ်”
“လုပ်ပေါ့ ခင်ဗျားလည်း လုပ်သင့်တာတွေချည်းလုပ်ပြီး သေမှာပဲ…”

သည်လိုအခါမျိုးမှာတော့ ညနေတွေဟာအေးစက်သွားတတ်ရဲ့ … ဒါပေမယ့် တစ်ယောက်ကို တစ်ယောက်စိတ်ဆိုးတတ်တဲ့ အချိန်တွေကို နှစ်ယောက်စလုံးက ကြာရှည်စွာ မထားတတ်ကြပါ .. တစ်ခါတစ်ခါတော့ ကိုယ်ပြောချင်နေသည် ..

“အချိန်က လူ့ကိုမစောင့်ဘူးတဲ့ … ကိုယ်ကတော့ စောင့်ခဲ့သားပဲ ….. ဒါပေမယ့် မင်းက ကိုယ့်ကို လိုက်မမှီတာလား … ကိုယ်က မင်းကို လိုက်မမှီတာလား … လှန်ထားတဲ့ကြိုးရှည် တစ်ချိန်ချိန်ပြတ်ထွက်မှာ ကိုယ်ကြောက်တယ် ..”

သူ့ကိုချစ်တယ်လို့ ကိုယ်ပြောတိုင်း ကိုယ့်စကားကို သူ ဘယ်တုန်းမှ အလေးအနက် မထားတတ်ပါ ….. မကြားချင်ယောင် ဆောင်ကောင်းဆောင်နေမယ် … ဒါမှမဟုတ် “ရှင့်ကို တို့မချစ်ပါဘူး … ခင်ရုံတင်ခင်တာ ..” လို့ ရယ်ရင်းပြောမယ် … ကိုယ့်ကို စိတ်ထိခိုက်အောင် စချင်ရင်တော့ “ဟုတ်တယ် ရှင့်ကိုတို့ မချစ်ပါဘူး တို့ချစ်တဲ့သူတွေ့ ရင်ရှင့်ကိုတကယ်ကြီးကို ထားခဲ့မှာနော်… ” လို့ တည်တည်လေးပြောတတ်သည်…

++++++

ပျော်ရွှင်စရာကောင်းတဲ့အိပ်မက်တွေ ကိုမနိုးထစတန်း ကိုယ်မက်ချင်သည် .. သို့ပေမယ့် ဘဝသည်အမြဲတမ်း အိပ်မက်မဟုတ် … ဘဝတွင် ကြောက်မက်ဖွယ် ခွဲခြားသွားစေမယ့် အကွာအဝေးများ .. လှည့်ကွက်များ … အမှတ်မထင်ဖန်တီးမယ့် ဇာတ်ကြောင်းများ များစွားရှိသည် …. ပျော်ရွှင်စရာအိပ်မက်ရဲ့ အလွန်မှာ သာယာတဲ့ တစ်ချိန်ချိန်ရှိကောင်းရှိမည် .. သို့မဟုတ်လွမ်းဆွတ်တသရမည့် အခြေအနေတစ်ခု ရှိကောင်းရှိမည် … အဆိုးဆုံးကို စဉ်းစားတတ်တဲ့ ကိုယ့်အတွက်တော့ အဲသည်အိပ်မက်အလွန်ဟာ အကျည်းတန်လှတယ် ..

အဲသည်အချိန်မှာ သူ တစ်ချိန်က ချစ်ခိုးရည်ဝေစွာကြည့်တတ်တဲ့ မျက်လုံးတစ်စုံကိုမေ့လျော့နေတော့မည် .. အနည်ငယ်သာ ဆွဲဆောင်မှုရှိတဲ့ လူတစ်ယောက်ရဲ့ ဟန်ပန်ကို မမှတ်မိဘဲရှိလိမ့်မည် ..ကိုယ့်ကြောင့် လှုပ်ခတ်တိမ်းညွှတ်ခဲ့ရတဲ့ အာရုံတွေပြန်လည် အနည်ထိုင်သွားလိမ့်မည် .. ထိုက်သင့်တဲ့ အပျော်တွေပြည့်စုံမှုတွေ ဝန်းရံနေလိမ့်မည် …

ကိုယ်ကတော့ သူနဲ့ခပ်ဝေးဝေးတစ်နေရာမှာ ပျော်ရွှင်ကောင်းပျော်ရွှင်နေလိမ့်မည် .. ကိုယ်မနှစ်သက်သော်လည်း လူအများအားကျလောက်တဲ့ ပညာရပ်တစ်ခုခုဖြင့် ရပ်တည်နေလိမ့်မည် .. ဒါထက်ကံကောင်းရင် အသိအမှတ်နေရာတစ်ခုခုရထားတဲ့ အနုပညာသမား တစ်ယောက်ဖြစ်ချင်ဖြစ်နေမည် … ဒါမှမဟုတ် ….

ဘာပဲပြောပြော ခုလို ဘဝကို စစ်အေးတိုက်ပွဲတိုက်နေရချိန်မှာတော့ အိပ်မက်ထဲမှာနေထိုင်ရင်း ချစ်သူဆိုတာ ကိုယ်ကချစ်နေရတဲ့သူပဲ ရယ်လို့ ယုံကြည်နေချင်ပါသည် ။ ။

အောင်ဖြိုး

(ညနေ ၈း၁၈ မိနစ် ၊ သြဂုတ် ၂၂)

ဆက်တဂ်ရရင်တော့
- ဆရာမမေငြိမ်း - ပွင့်ဦးအငုံ
- မကြီးကေ - စိန်ပန်း နဲ့ ကံ့ကော်တွေ..အတူ ပွင့်ခဲ့တယ်
- မလင်းလက်ကြယ်စင်
- သုညတွေလုပ်တဲ့ အီးဒီယူကင်း
- ကိုလောရှည်

(အကိုရေ ရေးတော့ ရေးလိုက်တယ်ဗျာ ... ကျတော်တာဝန်ကျေပြီနော် ... )