အချစ်.... ၀တ္ထုတစ်ပုဒ်

Blog နဲ့ဝေးနေသည်မှာ ကြာပြီ ။ စာတွေကများ ၊ ဖတ်စရာတွေကလည်း မကုန်သေးသမို့ စာရေးတဲ့ဘက်ကို မလှည့်ဖြစ်ခဲ့ ။ တိုနံ့နံ့ ရေးထားတဲ့ စာတွေကို အချိန်ယူ ဖတ်ပေးကြတာတွေကိုလည်း ကျေးဇူးတင်ပါ၏ ။

ခုတစ်ခါတော့ အချစ်ဝတ္ထုတို တစ်ပုဒ်တင်ပေးလိုက်ပါတယ် ။ ကျတော်ကို "မင်းရေးပါ"ဆိုပြီး ပြောပြပေးခဲ့တဲ့ သူငယ်ချင်းတစ်ယောက် ကြောင့်လည်းရေးဖြစ်လိုက်တာပါ ။ ယောက်ျားတစ်ယောက်ရဲ့ ခံစားမှုဆိုပါတော့ ။ အန်တီ မေငြိမ်း ကတော့ သည်လို ယောက်ျားလေးမျိုးကို မကြိုက်လို့ဆိုပါတယ် ။ အချစ်မှာ အမူပိုတဲ့ ကိုကို ( သူငယ်ချင်းကတော့ သူ့ကိုယ်သူ ချစ်ကံခေသူလို့ ဆိုပါတယ် ) တစ်ယောက်အကြောင်းပါ ။

အပြင်က ဇာတ်လိုက်ဟာ နောင်တရသူတစ်ယောက်ဖြစ်သော်လည်း ၀တ္ထုတိုကို ဖန်တီး ရာမှာတော့ ကျတော့်ဇာတ်ကောင်ကို နောင်တ မသိသူနေရာထားပြီး ရေးထားပါတယ် ။ ခံစားကြည့်ပါဦး ။။

(၀တ္ထုတို ဆိုပေမယ့် နည်းနည်းတော့ ရှည်ပါတယ် ခင်ဗျား ။။ )

အငုံ ပန်း

နေရောင်ဖြင့် တောက်ပသော နံနက်ခင်းဝယ် ယမန်နေ့ညက ရွာထားသော မိုးစက်များသည် သစ်ရွက်စိမ်းများ အဖျားဝယ် ခိုတွယ်၍ တောက်ပနေသည်။ နေသာသဖြင့် ပတ်ဝန်းကျင်တစ်ခွင် မိုးရေဖြင့်ဆေးကြော ထားသလို သစ်လွင်နေသည့် နေ့သစ်တစ်ရက်ပေ။ သည်နေ့ကို ကျတော်မျှော်ခဲ့ရသည် ။ မသိစိတ်တစ်ဝက် သိစိတ်တစ်ဝက် ဖြင့်ပျော်ခဲ့ရသည် ။ ဒုတိယနှစ်သို့ရောက်၍ သည်နေ့ ကျောင်းပြန်ဖွင့်တော့မည် ။ တက္တသိုလ် ကျောင်းသားဘ၀တွင် ကျောင်းပြန်တတ်ရမယ် ကို ပျော်တတ်သော ကျောင်းသားရှားလှ၍ ကိုယ့်ကိုကိုယ်လည်း သည်လောက် မပျော်သင့်ပါဘူးဟ လို့ ပြန်သတိပေးနေရသည် ။

ငယ်ငယ်က မိုးရွာတိုင်း ရတတ်သည့် မြေသင်းနံ့သည် ဤနိုင်ငံတွင်တော့ မရတတ်ပါ ။ သဲမြေရှားပါး ၍ အုတ်အခင်းများသော နိုင်ငံငယ်၏ သဘာဝသည် မြေသင်းရနံ့ကို ပေးနိုင်စွမ်းမရှိပါ ။ သည်လို နံနက်ခင်းမှာဖြင့် ကားစောင့်ရသည်မှာ ကြာလှသည် ။ မသိနိုင်သော စိတ်အားထက်သန်မှု တွန်းအားတစ်ခုက ကျတော့်ကို လောဆော်နေသည် ။ကျောင်းနှင့် အိမ်မှာ သိပ်မဝေးလှတော့ ကျောင်းသို့ ခပ်လောလော လမ်းလျှောက်လာခဲ့သည် ။ အဖော်မင် တတ်သူဖြစ်သဖြင့် ငယ်ငယ်ကတည်းက သူငယ်ချင်းတွေနဲ့ ခွဲပြီး ပြန်တွေ့ရသည့် ကျောင်းဖွင့်ချိန်တွေကို ပျော်ရွှင်စွာဆီးကြို တတ်မြဲ့ ဖြစ်သည်။

ကျောင်းကိုရောက်တော့ Service Center ကို အပြေးအလွှားသွားကာ အချိန်စာရင်းကို ထုတ်ရသေးသည်။ ၀ီရိယ ရှိပုံကို တွေးမိတော့ ကိုယ့်ကိုကိုယ် ရယ်ချင်မိသည်။ အတန်းထဲ ရောက်တော့ လူအတော်စုံနေပြီပဲ ။ ပထမဆုံး နေ့ပေမယ့် သည်ကလူတွေက လေးလေးစားစားလာတတ်တက် ကြသည်။ ဆရာသည် ပထမဆုံး သင်ခန်းစာကို စတင်ရန်အသင့်ဖြစ်နေပြီ ။ ဆရာသည် ပထမဆုံး Lecture ကို စတင်ရန်အသင့်ဖြစ်ပြီ ။ ကျောင်း စာအုပ်များ မ၀ယ်ရသေး ။သို့သော် ပြသနာမရှိပါ ။ ကျတော့်သူငယ်ချင်းတွေရဲ့ ၀ီရိယကို သိသည် ။ သူတို့ အားလုံး စာအုပ်ဝယ်ပြီးလောက်ရောပေါ့ ။ အတန်း အလယ်ခုံမှာ သူတို့အားလုံးကိုတွေ့ရသည် ။သူတို့နှင့် အတူကပ်ကြည့်ပြီး နောက်အားလပ်ချိန်ကျမှ သွားဝယ်တော့မည် ။ ဝေယံဆီမှာပဲကကပ်ကြည့်ကြည့် ၊ ရည်မွန်နားမှာပဲ ကပ်ကြည့်ကြည့် ၊ ကျော်ငြိမ်း ဘေးမှာ သွားထိုင်ထိုင်ဖြစ် သည် ။ ဒါမှမဟုတ် ထောင့်ဆုံးမှာ ထိုင်နေတဲ့ “စိမ်း” ရဲ့ဘေးမှာ သွားကပ်ကြည့်လည်း ဖြစ်တာပါပဲ ။

+++++

“စိမ်း”

နာမည်သည် အတော်လေးကို သူစိမ်းဆန်လှသည် ။ စိမ်းကို ကျတော်တွေ့စက နာမည်နှင့်လူ မလိုက်ဖက်လွန်းလှ၍ သတိထားမိခဲ့ခြင်းဖြစ်သည် ။ ကြည့်စမ်း … သည်လောက်ဖော်ရွေတဲ့ မိန်းကလေးကို မှ “စိမ်း” တဲ့ ။

အဲသည်တုန်းက ကျတော်ကိုယ်တိုင်လည်း သည်ကျောင်းနှင့် အစိမ်းသက်သက်ရှိသေးသည် ။ ဘယ်နေရာမှာ ဘယ်အဆောင် ၊ ဘယ်စာသင်ခန်း ၊ ဘယ် Lab ရှိတယ်ဆိုတာ ကို မသိသေး ။ စိမ်းသည်ထိုနေ့က သူ့အချိန်စာရင်းစာရွက်ကို ပြ၍ အခန်းကိုမေးသည် ။ ကျတော်သွား ရမည့်အခန်းမှာလည်း စိမ်းပြသည့် အခန်းပင်ဖြစ်သည် ။

“ကျတော်လည်း သည်ကိုပဲသွားရမှာ ။ အတူတူမေးပြီးသွားကြတာ ပေါ့”

စိမ်းသည်ပြုံး သည်ဆိုရုံပြုံး၍ ခေါင်းငြိမ့်ပြသည် ။ ထိုနေ့က စိမ်းသည် အဖြူစင်းလေးတွေ ပါသည် အကျီ င်္ကို ၀တ်ထားသည် ။ Lab ရှိသည့်နေ့မို့ ထင်ရဲ့ ကျော်လည်လောက်ရှိသည့် ဆံပင်ကို အသေအချာ ချည်ထားပြီး ခြေထောက်မှာလည်း ပန်းရောင်ကြိုးလေးတွေ ချည်ထားသည့် ရှူးဖိနပ်အဖြူကို စီးထားသည် ။ ကျောပိုးအိတ်လွယ်ထားပုံ , Laptop သယ်ပုံတို့သည် အနေအထိုင် သိပ်သည်းကျစ်လစ်တဲ့ မိန်းမတစ်ယောက်ရဲ့ ပုံစံအတိုင်း မျက်စိအေးလေးသည် ။ ဒါပေမယ့် စိမ်းရဲ့ အပြင်အဆင်သည် မြန်မာ မိန်းကလေး တစ်ယောက်မှန်းသိသာလှသည် ။ ကျတော်တို့ဆီက မြန်မာမိန်းကလေးများသည် အတော်ခေတ်ဆန်တတ်ကြပြီး နိုင်ငံခြားသူနှင့် ရုတ်တရက် ခွဲမရအောင် ခေတ်ကိုလိုက်၍ ၀တ်စားပြင်ဆင် တတ်ကြသဖြင့် အမြင်ဝယ် စိမ်း၏အသွင်သည် ရိုးလွန်းနေသည် ။

“ကျတော့် နာမည် ဝေအောင်ပါ .. သည်က.. ?”

“အစ်ကို့ လက်ထဲကစာအုပ် နာမည်လေ.. ” စိမ်းသည် ခင်မင်စဖွယ်ပြုံး၍ ကျတော့်လက်ဆီကို မေးငေါ့ပြသည် ။ ပြုံးလိုက်တိုင်း စိမ်း၏ပါးပြင်သည် မသိမသာ ချိုင့်ခွက်သွားလျက် ပါးစပ်သည်ရှေ့သွား အနည်းငယ်ပေါ်ရုံ ပွင့်ဟသွားကာ ကြည်လင်ဝိုင်းစက်သော မျက်လုံးများသည် အနည်းငယ်မှေးသွားတတ်သည် ။ စိမ်းပြုံးလိုက်တိုင်း သည်ပုံစံပါပဲ ။

“ခင်ဗျာ …. ။ သြော်..” ကျတော်ထိုနေ့က “ခင်နှင်းယု” ၏ “စိမ်းသင့်မှ စိမ်း” ကို ဖတ်လက်စဖြစ်သည် ။

“စိမ်း တဲ့လား”

“ဟင်းဟင်း သဘောပေါက်လွယ်သားပဲ ။ ဟုတ်ပါတယ် .”

“နာမည်က တစ်လုံးတည်းလား”

“အပြည့်အစုံကတော့ စိမ်းလဲ့ရည် ပါ ။ ဒါပေမယ့် သူငယ်ချင်းတွေကတော့ စိမ်းလို့ပဲခေါ် ကြပါတယ်”

“သြော်… ဟုတ်ကဲ့”

ယင်းသည် ကျတော်တို့နှစ်ယောက်၏ ခင်မင်မှု အစဖြစ်သည် ။ စိမ်းသည် အပေါင်းအသင်းကောင်းသူ တစ်ယောက်ဖြစ်သည် ။ မြန်မာလူမျိုး များနှင့်သာမက နိုင်ငံခြားသား အချို့ နှင့်ပင်အပေါင်းအသင်းဖြစ် တတ်၏ ။ မကြာမီ ကျတော်မှာလည်း အခြားသူငယ်ချင်းတွေလည်း ရလာခဲ့ပြီ ။ စိမ်းနှင့် ကျတော်က အတန်းချိန်အားလုံး မတူပါ ။ တစ်ပါတ်လုံးတွင် သုံးရက်ခန့်သာတူတတ်ပြီး ကျန်အချိန်အချို့တွင် အခန်းကပ်လျှက်နဲ့ အတန်းကွဲသွား တတ်ကြသည် ။ ပြီးတော့လည်း ကျတော်ရဲ့ သူငယ်ချင်းတွေ ၊ စိမ်းရဲ့ သူငယ်ချင်းတွေ အချင်းချင်းရင်းနှီးသွား ကြသည် ။ နောက်ပြီး မကြာခင်မှာပဲ ကျတော် ၊ ဝေယံ ၊ ရည်မွန် ၊ ကျော်ငြိမ်း နဲ့ စိမ်းတို့သည် တစ်တွဲတွဲ မခွဲသော သူငယ်ချင်း တစ်စုဖြစ်လာ ခဲ့သည် ။

+++++

Singapore ကို ပန်းမြို့တော်လို့ တင်စားခေါ် တတ်ကြသည် ။ သည်လို ဆိုရင် ကျတော်တို့ရဲ့ ကျောင်းဟာလည်း ပန်းမြို့တော်မှ ပန်းခင်းတစ်ခင်းလို့ ကျတော်တင်စားချင်ပါသည် ။ ကျောင်းတွင် နေရာတိုင်း၌ ပန်းမျိူးစုံ ပွင့်ကြသည် ။ သို့ပေမယ့် ကျတော်တို့ စာသင်ခန်း အပြင်ဖက်ရှိ ပန်းပင်ငယ်များကိုမူ မကြာမီကမှ စတင်စိုက်ပျိုး ခြင်းဖြစ်ဟန်ရှိပါသည် ။ မထင်မှတ်ဘဲ သည်းတတ် ၊ စဲတတ်သည့် မိုးရေများကြောင့်လည်း ပန်းပင်ငယ်များသည် စိမ်းရွက်သစ်တဝေေ၀ဖြင့် ရှင်သန်ကြီးထွားလာကြသည် ။

သည်လိုပါပဲလေ ။ ကျောင်းတတ်တာကြာလာသည်နှင့် အမျှ ကျတော်တို့သူငယ်ချင်းတွေရဲ့ ခင်မင်မှုဟာလည်း တိုးပွားလာတတ်ခဲ့ပြီ ။လောကအရောင် မဆိုးခံရသေးသည့် လူငယ်ဖြူစင်ချိန်အရွယ်မို့ ထင်ရဲ့ တစ်ယောက်အကြောင်းတစ်ယောက် အူခါးချေးမ မကျန်သိကုန်ကြပြီ ။ ဝေယံရဲ့ “နှစ်ကိုယ်စံ ကြံတိုင်းဝေး” အချစ်ဇာတ်လမ်း ၊ အိမ်နှင့် အဆင်မပြေတဲ့ ရည်မွန့်အကြောင်း ၊ ကျော်ငြိမ်းရဲ့ ပြည်တော်ကျန် ဆေးကျောင်းသူ မမလေး နောက်တော့ အချိန်ပိုင်းအလုပ်လုပ်ရသည့် စိမ်း ။ ကျတော်တို့ အားလုံးသည် စိတ်ညစ်စရာ ကိစ္စများကို အချင်းချင်းဖွင့်ဟ တိုင်ပင်တတ်ကြသည် ။ မျှဝေခံစားတတ်ကြ သူတွေဖြစ်တော့ အနည်းငယ်မျှဆိုဆို စိတ်ညစ်စရာ များသည်လျော့ပါး သွားတတ်မြဲဖြစ်သည် ။

ကျတော်သည် အားလုံးကဲ့သို့ စိမ်းနဲ့ပိုရင်နှီးလာသည် ။ စိမ်းသည် ပတ်ဝန်းကျင်ကို အရေးမစိုက်တတ်သလို မိမိကိုယ်ကို ယုံကြည်သော ပွင့်လင်းသည့် မိန်းကလေးတစ်ယောက်ဖြစ်သည် ။ ညပိုင်း အလုပ်ဆင်းရသဖြင့် နံနက် စောစော သင်ခန်းစာအချိန်အချို့တွင် နွမ်းနယ်ပင်ပန်းသော မျက်ဝန်းများကို သေသေချာချာ စိုက်ကြည့်မှ သတိထားမိနိုင်သည် ။ စိမ်းသည် ပင်ပန်းကြောင်း တစ်ခါမှ မညည်းစဖူး ။ ရွှင်လန်းတတ်ကြွမြဲ ။ ခင်မင်ဖွယ်အပြုံး ဖြင့် စကားဆိုတတ်မြဲ ။အခြားမိန်းကလေး အချို့လို သည်မှာအနေကြာလာတာနဲ့ အမျှ ခေတ်ဆန်လာခြင်းလည်း မရှိပါ ။ ယဉ်ယဉ်နဲ့ သိုသိပ်သော အလှ ဟူ၍ ကျတော်က အမှတ်တမဲ့ ဆိုတော့ “ဝေယံ” နဲ့ “ကျော်ငြိမ်း” တို့က ခပ်ရှုပ်ရှုပ်ယောက်ျားလေးများ ပီပီ ၀ိုင်းစကြတော့သည် ။ ကျတော့်မှာ ရုတ်တရက်မို့ တော်တော်လေးရှက်သွား သော်လည်း စိမ်းကမူ အပြုံးမပျက်ဘဲ ပြန်၍ပင်စနေသေးသည် ။

မှတ်မှတ်ရရ ထိုနေ့ညနေက မိုးရွာသည် ။ ခပ်ဖွဲဖွဲသာဖြစ်၍ စိမ်းကမိုးရေကို လက်ခုပ်ဖြင့်ခံကာ ကျတော်တို့ဘက်ဆီသို့ ပက်ကာဆော့ကစားနေ၏ ။ ရည်မွန်တို့ကတော့ သီချင်းတစ်ပုဒ်ကို စာသားခပ်ဝါးဝါးဖြင့်ဆိုကြသည် ။ အမှတ်တမဲ့နဲ့ ကြည့်လိုက်တော့ အတန်းရှေ့မှ ပန်းပင်များသည် မိုးရေထဲဝယ် ရွှင်လန်း စိမ်းစိုနေကြသည်။ သို့သော် တစ်ပင်တစ်လေမှာမှ ပန်းမပွင့်နိုင်ကြသေးပါ ။

+++++

တစ်ခါတစ်ရံတွင်တော့ စိမ်းသည်လူကြီးဆန်ဆန်နှင့် ကျတော်တို့ကို ဖြောင့်ဖျပြောဆိုတတ်သေးသည် ။ ဒါပေမယ့် ကျတော်နှင့် စိမ်း သဘောထား မတိုက်ဆိုင်သည့် အခါတွေလည်း ရှိတတ်သည် ။ တစ်ခုရှိတာက စိမ်းသည် သူမှန်သည်ထင်သော သဘောထားတစ်ရပ်ကို ဘယ်တော့မှ မစွန့်လွှတ်ချင်တတ်သည့် ညည်ကလေးရှိတတ်သေးသည် ။ စကားအခြေတင် ငြင်းရလောက်အောင်ဖြစ်သည့် အခါ ကျတော်တို့ တစ်တွေက စိမ်းကို အလျော့ပေးလိုက်ကြ သည်ချည်းဖြစ်၏ ။

ကျတော် စိမ်းကို ကဗျာဆန်ဆန် “သိပ်သည်း သော အလှ” ဟုပြောမိပြီး နောက်ပိုင်းဝယ် သူငယ်ချင်းများက မထိတထိစလာတတ်ကြသည် ။ စိမ်းမှာရော ၊ ကျတော့်မှာပါ ပတ်သတ်သူမရှိသေးသောကြောင့် အများအမြင် ၀ယ် ထင်စရာဖြစ်လာသည် ။ စိမ်းသည် မိမိကိုယ်ကို ယုံကြည်တတ်သူဖြစ်တော့ ယောက်ျားလေးတစ်ယောက် နှင့်တွဲသွားတွဲလာ လုပ်ဖို့ ရှက်ရွံ့ခြင်လည်း မဖြစ် ။ သည်တော့လည်း ကျတော်တို့နှစ်ယောက်ကို တွဲသွားတွဲလာ တွေ့ရတတ်သည် ။ စိမ်းရင်ထဲမှာ တစ်ယောက်ယောက်ရှိ ၊ မရှိတော့ စိမ်းကိုယ်တိုင်မှပင် သိနိုင်မည် ။ သို့သော် စိမ်းဟာ ပတ်ဝန်းကျင်ကို သိပ်ဂရုမစိုက်တဲ့ မိန်းကလေးပဲ ။

ကျတော်ကတော့ မိမိကိုယ်ကို တစ်ခါမှပြန်မေးမကြည့်ဘူးပါ ။ ကျတော်ဟာ ကိုယ်ရင်းနှီးတဲ့ မိန်းကလေးတွေကို အိပ်ယာဝင်ခါနီး လက်တင်စဉ်းစားခန်း ၀င်တတ်တဲ့ ယောက်ျားမျိုးလည်းမဟုတ်ပါဘူး ။နောက်ပြီး သူငယ်ချင်းတွေအဖြစ် ပွင့်ပွင့်လင်းလင်းပြောဆိုနိုင်တဲ့ အခြေအနေထက်ဘာကိုမှ ပိုလို့လည်း မမက်မောပါဘူး ။ စိမ်းကိုလည်း တစ်ခါတစ်ခါ အသေအချာကြည့် မိတာကလွဲလို့ ရင်လည်းမခုန်ခဲ့ပါဘူး ။ အဲသည်တုန်းကတော့ အချစ်ဆိုတာ ရင်ခုန်တာလို့ပဲ ထင်ခဲ့သည် ။ ဒါအပြင် အဲသည်တစ်ချိန်လုံးက သူငယ်ချင်းတစ်ယောက်အဖြစ်နဲ့ စိမ်းဟာ ကျတော့်အနားမှာ ရှိနေခဲ့တယ် မဟုတ်လား ။

“စိမ်းသရဖူစိမ်းxxရယ်….အစိမ်းမှာ သတင်းကြီးတဲ့xxxအစိမ်းရောင်မင်းသမီး …. မောင့် မမ စိမ်းရယ် xxx” ကျတော်တို့ ချည်းရှိချိန်တွင် ကျော်ငြိမ်းက ကျတော်ကိုစောင်း၍ သီချင်းညည်းသည် ။

“ဟေ့ကောင် ဝေအောင်ကြီး … မသိသလို လုပ်မနေနဲ့နော် ။ ကိုယ်ကိုကိုယ်မညာနဲ့ ကြိုက်တယ်ဆိုရင် ဖွင့်သာပြောလိုက်ကွာ …ဘာလဲကြောက်နေလို့လား သူများနောက်ပါသွားမှ ငါ့လို ဇာတ်ခင်းနေရမယ် ဆရာ့” ကိုလွမ်းပို ဝေယံကပြောသည် ။

“အောင်မယ်ဗျာ… ။ သည်အရွယ်ကြီးကျမှ ကိုယ်ချစ်တဲ့ မိန်းကလေးတစ်ယောက်ကို ဖွင့်ပြောဖို့ ကြောက်တယ်ဆိုတဲ့ ယောက်ျားများရှိသေးလို့ လားကွာ. ။ တကယ်တော့ ယောက်ျားတစ်ယောက်ဟာ ကိုယ်ခင်မင်ရင်းနှီးတဲ့ မိန်းမတစ်ယောက်ကို ချစ်မိရင် သဘာဝကျတဲ့ အပြုအမူ ခြောက်ခြားစရာ ကိစ္စ လို့ အောင်တော့ မထင်ပါဘူး ။ ကိုယ်တစ်ကယ် ချစ်ရင်ဖွင့်ပြောမှာ ပေါ့ ။ ဖုံးနေစရာ မလိုပါဘူး ။ အခုဟာက ”

“ဟေ့ “နိမှသောင် နောင်မသိ” ဆိုတဲ့ စကားရှိတယ်နော်” ကျော်ငြိမ်းက Chatting ထိုင်နေရာမှ လှမ်းအော်သည် ။

“အမယ် ငါ့ချစ်ချစ်ရဲ့ စာသားကြီး”

“ဘာ မင်းချစ်ချစ် ?”

“အင်းလေ …“နိမှသောင် နောင်မသိ” ဆိုတာ လှိုင်ထိပ်ခေါင်တင်ရဲ့ ဘောလယ်တစ်ပုဒ်ရဲ့ သဖြန်စာသားကွ ။ လှိုင်က ငါ့ချစ်ချစ်လေ.. ဟိ ”

“အောင် … မင်းကတော့ အရူးပဲ ”

“သည်မှာ ဆရာ ကျတော်မရူးဘူး ။ စာရေးဆရာကြီးတစ်ယောက် ပြောဖူးတယ်နော် ဘ၀မှာ ဖတ်စရာစာအုပ်တွေရယ် ဖွင့်မပြောဘဲ တိတ်တိတ် ချစ်ရမယ့် ချစ်သူတစ်ဦး ရှိရင် ပြည့်စုံပြီဆိုပဲ”

“သောက်ရူး ”

“ဟား ဟား ဟား ”

ထိုနေ့ညနေက ကျတော်တို့ သုံးယောက်စလုံး စိတ်လွတ်ကိုယ်လွတ်ရယ်မော မိခဲ့ဖူးပါသည် ။

+++++

“ကိုဝေအောင် ဟာတော်တော် စိတ်ကူးယဉ်တတ်တယ်နော်”

စိမ်းသည် စာအုပ်တွေကို ကျတော်ရှေ့တွင် ချရင်း ခုံ့တွင်ဝင်ထိုင်လိုက်သည် ။ ခပ်စောစော ကျောင်းကိုရောက်၍ အတန်းအနီးမှ ခုန်ရှည်များပေါ်တွင် စာဖတ်နေသောကြောင့် စိမ်းရောက်လာသည်ကို သတိမထား မိလိုက် ။ စိမ်းသည် ယခင်တစ်ပါတ်က အလုပ်ပင်ပန်းသွားသောကြောင့်ထင်၏ ။ နှစ်ရက်ခန့် ကျောင်းမလာနိုင်အောင်ပင် ဖျား၏။ ထို့အတွက် စာကူးရန် စာအုပ်တွေငှားသွားခြင်းဖြစ်၏ ။ စိမ်းကို ကျောင်းစာအပြင် ၀တ္ထုများဖတ်ရန် သိမ်းသွင်းကြည့်ဖူးသည် ။ သို့သော် မအောင်မြင် ။

“စိမ်းကတော့ စိတ်ကူးမယဉ်တတ်ဖူး ။ အချစ် ၀တ္ထုတွေဖတ်ရင် စိတ်ကူးယဉ်တတ် လာတယ်တဲ့ ။ စိမ်းအတွက်တော့ ဘ၀ဟာ စိတ်ကူးယဉ်စရာ မကောင်းဘူး ။ ဘ၀ကို ရင်ထဲကရှိတဲ့အတိုင်း စိတ်လွတ်ကိုယ်လွတ် ရင်ဆိုင်ချင်တယ် .. ။ မတွေဝေချင်ဘူး .. ။” လို့ စိမ်းကျတော့်ကို ပြောခဲ့ဖူးသည် ။

ချက်ခြင်းကြီးဆိုတော့ စိမ်းရဲ့စကားကြောင့် ကျတော် ခပ်ကြောင်ကြောင်မော့ ကြည့်လိုက်သည် ။ စိမ်းသည် ပြုံး၍ နဖူးပေါ်မှ ဆံစများကိုနောက်သို့ လက်ဖြင့်ပင့်တင်လိုက်သည် ။

“ဗျာ ဘာဖြစ်လို့”

“သြော် စာအုပ်ထဲမှာ ပြောပါတယ် ကဗျာတွေများ အများကြီးပဲ ။ ကူးထားတာလား ၊ကိုယ်တိုင် ရေးထားတာလား တော့ မသိ ။တွေ့တယ် ..”

“အင်း ကျတော်ကဗျာ မရေးတတ်ပါဘူး ။ အတော်များများဟာ အလွတ်နီးပါးရ နေတာတွေကို ပြန်ရေးထားတာပါ ။ စိမ်းက ကဗျာကြိုက်လို့ လား ”

“မကြိုက်ပါဘူး ။ စိမ်းပြောခဲ့ဘူးသားပဲ စိမ်းက စိတ်ကူးယဉ်ရတဲ့ အလုပ်တွေကို မကြိုက်ဘူး ။ စိတ်ကူးယဉ်တတ်သူတွေဟာ တွေဝေတယ် ။ ကဗျာဆိုလို့ ငယ်ငယ်တုန်းက ကျောင်းစာမှာ မဖြစ်မနေသင်ရတာ တွေကလွဲလို့ အခြား မဖတ်ခဲ့ဖူး ပါဘူး ”

“ဒါနဲ့ စိမ်းကကျတော်ကို စိတ်ကူးယဉ်တတ်တယ်လို့ ထင်ရောလား ဟင်”

“ဆိုပါတော့လေ … ကိုဝေအောင်ကို ကြည့်ရတာ တစ်ခါတစ်လေ တစ်မျိုးကြီးပဲ ။ စိမ်းအမြင်ပြောတာနော် စိတ်ဆိုးလား”

“ဟင့်အင် မဆိုးပါဘူး ။ ဒါနဲ့ ကဗျာတွေကိုရော ဖတ်ကြည့်သေးလား”

“အင်း ဖတ်ကြည့်ဖြစ်တယ်”

“ဒါနဲ့ ကြိုက်တဲ့ ကဗျာတွေရောတွေ့လား”

“အင်း အတော် များများကိုတော့နားမလည်ဘူး ဟင်း … ။ တစ်ပုဒ်တော့တွေ့တယ် ရိုးရိုး ရှင်းရှင်းလေး”

စိမ်းသည်စာအုပ်ကို ယူကာ တစ်ချက်တည်းဖြင့် ကဗျာကို ရှာတွေ့ဟန်တူသည် ။ Chapter တစ်ခု၏ အဆုံး လွတ်နေသောစာရွက်ပေါ်မှာ ရေးထားတဲ့ ကဗျာတိုလေးတစ်ပုဒ် ။ စိမ်းသည် ကျတော့်ဆီကို စာအုပ်ထိုးပေးသည် ။ “ငွေတာရီ” ၏ “အချစ်မျက်လုံး” ။

“ကြည့်လေတိုင်း ရစ်ဝိုင်းပါလို့ ၊ ချစ်ရည်လည် ။

ချစ်ချင်တယ် ထိုသဘောကို ပြောသည့်နှယ် .. ။

နှုတ်ဖြင့်ကွယ် ဘယ်ခါမှ မိန့်ဘူး ။

တွေ့တိုင်း ရယ်မလိုနဲ့ ၊ ရင်ဖိုဖွယ်သူ့ မျက်လုံးရယ်

ပြုံးချက်ကထူး ။”

ကျတော်ပထမဆုံးတွေး မိသည်ကတော့ စိမ်းမရိုးတော့ဘူးဆိုတာပါပဲ ။ ငါ့သူငယ်ချင်းတစ်ယောက်တော့ ယောက်ျားလေးတစ်ယောက်ယောက်ရဲ့ အကြည့်မှာ ရင်ခုန်တတ်နေပြီပေါ့ ။ အံသြသွားသည် ။ မျက်နှာထား ခပ်ပျက်ပျက်နှင့် “စိမ်းတော့ မရိုးတော့ဘူးကွာ နော် …” ဟု တပင်တပန်းပြုံးကာ ပြောလိုက်သည် ။ သြော် .. စိမ်း ၊ စိမ်းသည် သာမန်မိန်းကလေး တစ်ယောက်သဖွယ် အချစ်ကို ခံစားမိနေပြီပေါ့ ။ ကျတော်ကတော့ ကိုယ့်သူငယ် ချင်းကို အချစ်တွင် မပျော်ဝင်စေချင်သေးပါ ။ ဒါပေမယ့် သူငယ်ချင်းအချင်းချင်း ရည်းစားမထားကြေးဆိုပြီး သစ္စာဆိုထားလို့ မှ မရတာပဲ ။ သူငယ်ချင်းကောင်မလေးတွေ ရည်စားရသွားတိုင်း မဆီမဆိုင်စိတ်မကောင်းဖြစ် တတ်သည် ။ အခုလည်း စိမ်းကမှ …။

စိမ်းသည် စကားမဟချေ ။ သြော် ရှက်သွားရှာတယ်ထင်ပါရဲ့ ။ ပဟေဠိ ဆန်ဆန်ပြုံး၍ ခေါင်းငုံ့သွားသည် ။ ခေါင်းညိမ့် ၀န်ခံခြင်းတော့ ဟုတ်ဟန်မတူ ။ စိမ်းသည် ငြင်းလည်းမငြင်းဘဲ ရုတ်တရက် စကားဖြတ်လိုက်သည် ။ စိမ်းသည် တစ်ခါတစ်ခါ သည်လိုပဲ အပြုအမူတွေ ထူးခြားတတ်သေးသည် ။

မှတ်မှတ်ရရသည်တစ်ကြိမ်ပါပဲ ။ စိမ်းသည် သည်အကြောင်းကို စကားစပ်၍ ပင်မပြောတော့။

သည်လိုနဲ့ပင် စာသင်နှစ်တစ်နှစ်သည် ကုန်ဆုံးတော့မယ် ။ မြန်မာပြည်ဝယ် နေရောင်ခြည်ဖြာဖြာ ဝေတာ့မယ့် တပေါင်းလကျော်ကျော်လောက်တွင် ကျတော်တို့ Final စာမေးပွဲဖြေရတော့မည် ။ ကျောင်းပိတ် ချိန်တွင် ကျတော်အိမ်ပြန်ဖြစ်မည် ။ ကျော်ငြိမ်း နဲ့ ရည်မွန်တို့လည်းပြန်ကြမည် ။ ဝေယံကတော့ သူ့မိဘတွေလိုက်လာ ဖြစ်မည် ဖြစ်ပြီး စိမ်းကတော့ ကျောင်းပိတ်ရက်အတွင်းအလုပ်လုပ် ရမည်ဆို၏ ။ ကြာလာ သည်နှင့်အမျှ စိမ်းနှင့်ကျတော့်ကို ၀ိုင်းစကြသော ကိစ္စမှာ ကျတော်အဖို့အတော်ကြီးပင် ရိုးလို့သွားလေပြီ ။ စိမ်းကွယ်ရာမှာ ဆိုပါက “အောင့် အသည်းကြီး” လို့ပင် သူတို့ကို ပြန်နောက်တတ်လာပြီ ။ စိမ်းဘက်ကလည်း ထူးခြားဟန်မရှိ ။ တစ်ခါတစ်ခါတော့ နွမ်းနယ်ဟန် စိမ်းမျက်လုံးများသည် ရွှင်လန်းလာတတ်ပြီး ချစ်စဖွယ်ပြုံးပြတတ်သည် ။ သည်လို ခင်မင်ဖွယ် စိမ်းအပါအ၀င် သူငယ်ချင်းတွေကို ကျတော် သိပ်ပြီးတန်ဖိုးထားသည် ။ ထို့ထက်ပို၍လည်း ဘာမှ မမျှော်လင့်ချင်ပေ ။

စာမေးပွဲနောက်ဆုံးနေ့က အမှတ်တရ ကျတော်တို့အားလုံး Mc Donal’s မှာ ညနေစာ သွားစားဖြစ်ကြသည် ။ နှစ်လကျော်ကျော်လောက် နီးပါးခွဲရမည်ကို ပင်အားလုံးအလွမ်းသည်နေကြသည် ။ နောက်နှစ်မှာ အတန်းမတူရင် ဒုက္ခဟု ဝေယံက ညည်းသည် ။ “ကိုဝေအောင်ကတော့ စိမ်းနဲ့အတန်းမတူမှာကို သိပ်စိုးရိမ် မှာပဲနော်” ရည်မွန်ကတော့ အနှောင့်အသွား မလွတ်လှသော စကားကိုပြောပြန်သည် ။ စိမ်းသည် ကြောင်အအ ဖြစ်သွားသော ကျတော့်ကို တစ်ချက်ပြုံး၍ ကြည့်သည် ။ ရယ်ချင်သည်ထင်ပါရဲ့ ။ ပြန်ကျတော့ Bus ကားဂိတ်တွင် ကျတော်နှင့်စိမ်း သာကျန်ရစ်ခဲ့သည် ။ သူတို့ကတော့ထုံးစံ အတိုင်း “အမကြီးကို စိတ်ချလက်ချ ထားခဲ့မယ်နော်.. ဂရုစိုက်လိုက်နော်” လို့ အော်သွားကြသည် ။ စိမ်းကတော့

“ဟဲ့ နင်အရမ်းပျော်နေတယ်ပေါ့ ၊ ပြန်ရမှာဆိုတော့ နင်ရိုးမှရိုးရဲ့လား ”

“ဟားဟား မရှိရပါဘူးဗျာ၊ မေမေတို့နဲ့တွေ့ ရမှာမို့ပါ … နင်ဆိုရင်ရော”

“အင်း .. ဟုတ်ပါတယ် ။ စိမ်းသာပြန်ရရင်လည်း သိပ်ပျော်မှာ”

ကျတော်သည် အမြဲလိုလို စိမ်းစိတ်ညစ်စေမယ့် စကားလုံးတွေကို တတ်နိုင်သမျှရှောင်ပါသည် ။ သို့သော် အခုတော့ စကားစမိပြန်သည် ။ စိမ်းသည် စိတ်အားမငယ်စရာ အကြောင်းတွေကို အများကြားမှာ သိပ်မပြောတတ်ပါ ။ တစ်ခါတစ်ခါတော့ ကျတော့်ရှေ့မှာ ပြောတတ်သည် ။ ကားမှတ်တိုင်နဘေးတွင် ပန်းပင်အချို့ကို စိုစိုစိမ်းစိမ်းတွေ့ရသည် ။ စိမ်းသည် ပန်းပင်များကိုငေးကြည့်ရာမှ ….

“ကြည့်အောင် … သည်အပင်လေးတွေမှာ ပန်းမပွင့်ဘူးနော် .။ စိမ်းက ပန်းပင်ဆိုရင် ပန်းပွင့်မှကြိုက်တာ”

“သြော်ကွယ် .. ပန်းဆိုတာလည်း ပွင့်ချိန်တန်မှ ပွင့်မှာပေါ့ ။”

“အင်းပါလေ ။ သည်နေ့ည မိုးရွာရင်တော့ စာမေးပွဲတွင်းပင်ပန်းနေတာနဲ့ သိပ်အိပ်လို့ကောင်းမှာ”

“စိမ်းရယ် ခက်ပါဘိ။ မိုးဆိုတာလည်း ရွာချိန်တန်မှ ရွာမှာပေါ့”

“မရွာဘဲနဲ့ အုံ့ဆိုင်းနေတာကတော့ မကောင်းပါဘူးကွယ်”

စိမ်းသည် တိုးတိတ်စွာ ခပ်ပြတ်ပြတ်ပြောသည် ။ ကျတော်တစ်ချက် စိမ်းကိုကြည့်လိုက်သည် ။ စိမ်းသည်မပြုံးမရယ် ရှေ့သို့သာစူးစိုက်ကြည့်နေသည် ။ ချက်ချင်း ကျတော်မျက်လွှာချလိုက်သည် ။

ထိုညနေက မိုးအုံ့သော်လည်း ညတွင် မိုးမရွာခဲ့ပါ ။ ။

+++++

ကျောင်းမပိတ်ခင်က အလွမ်းသည်ခဲ့သော်လည်း ကျောင်းပိတ်ရက်အတွင်းတွင်မူ မည်သူ့ကိုမျှ တမ်းတလွမ်းဆွေးနေခြင်းမရှိလှ ။ ပြီးပြည့်စုံ နွေးထွေးသောပါတ်ဝန်းကျင် ၊ အရသာ အတိပြီးသော မိသားစု ထမင်းဝိုင်းများကို မေမေ ၊ ဖေဖေတို့ ရင်မှ ရရှိခဲ့သည် ။ ကွဲကွာသွားပြီးမှ ပိုသိလာရသော မိသားစု မေတ္ထာကို အတိုးနှင့် ခံစားနေရတော့ သူငယ်ချင်းတွေကိုမေ့သွားတာ မဟုတ်သည့်တိုင် သတိအထူးအထွေ မရခဲ့ ။ ပေးထားသော ဖုန်းနံပါတ်များကိုလည်း မဆက်ဖြစ်ခဲ့ ။

သို့တိုင်အောင် ဝေယံက မရမကဖုန်းဆက်လာခဲ့သည် ။

“ဟေ့ကောင်ကြီး သတင်းကတော့ သိပ်မကောင်းဘူး”

“အင်.. ဘာဖြစ်ရပြန်တာလည်း”

“မင်းရဲ့ စိမ်းကို ဘဲတစ်ကောင်လိုက်နေတယ်နော်”

“အဲဒါ .. ဘာဖြစ်” - စိတ်ဝယ် ခပ်လေးလေးဖြစ်သွားသော်လည်း ခပ်သောသော စကားတစ်ခွန်းရောရောရှူရှူ ထွက်သွားသည် ။

“ကဲကိုဝေအောင် ခင်ဗျားတော့ ကျန်ရစ်ကြီးဖြစ်တော့မယ် ဟိုကောင်ကခပ်ဖြောင့်ဖြောင့် ၊ ရည်မွန်ပြောတော ကောင်မလေးကလည်း ပါချင်ချင်တဲ့”

လန့်ဖျတ်ပြီး ရှေ့ကမှန်ထဲကိုကြည့်လိုက်တော့ အသားညိုညိုနဲ့ ကိုယ့်ပုံရိပ်ကို တွေ့ရသည် ။

“အဲဒါ ဘာဖြစ်တုန်း”

“ဘာဖြစ်ရမှာလည်း စိမ်းဆီကိုဖုန်းလေးဘာလေး ၊ Chatting လေးဘာလေးရိုက်ပါဦးဟ ။ ပြန်ခါနီးတုန်းကတော့ မင်းဘဲလေပွားသွားတာ ”

“သြော် ငါတို့ဆီမှာ Internet မှမရတာ ”

“အေးအေး ပြီးတာပဲ ဒါဆိုရင် Bye Bye”

“Ok See U”

ဖုန်းချလိုက်ပြီးနောက် အိမ်ရှေ့ ၀ရံတာသို့ ထွက်ခဲ့သည် ။ အညာနွေ၏ ညနေဖြစ်သည့်တိုင် လေတဖြူးဖြူးနှင့် ပူလောင်အိုက်စပ်မနေ ။ စိမ်းနဲ့ ပါတ်သက်ပြီး ကြည်နူးခဲ့ မိတာကိုပြန် စဉ်းစာသည် ။ စိမ်းဟာလှ ပတဲ့ မိန်းမတစ်ယောက်ပဲ ။ လှပလွတ်လပ်တဲ့ မိန်းကလေးတစ်ယောက်ကို သဘောကျ ၊ ကြင်နာချင်တဲ့ ယောက်ျားတွေရှိတာ အထူးအဆန်းတော့ မဟုတ်ပါ ။ မိန်းကလေးဘက်ကလည်း ချစ်တုန့်ပြန် ရန် အချိန်တန်အရွယ်ရောက်ပြီမို့ အညှာလွယ်လွန်းလှတယ်လို့ တော့မဆိုသာပါ ။ စိတ်ဆိုသည်မှာ လည်းခက်လှသည် ။ မတွေးချင်သောအရာကို မတွေးမိအောင်ပင် ထိန်းချုပ်အုပ်စိုးနိုင်စွမ်း မရှိပါတကား ။

ရည်ရွယ်ချက်မဲ့စွာဖြင့် ၀ရံတာအစွန်းဝယ် အမေစိုက်ထားသည့် ပန်းပင်လေးတွေကို ငေးကြည့်နေမိသည် ။ ကြည့်စမ်း .. ပွင့်ရန်အားယူနေသော အငုံအဖူးလေးများပါလား ။ ဘေးတွင်အသင့်တင်ထားသော ရေချိုင့်ကို ယူ၍ ရေလောင်းပေးလိုက်သည် ။ အပင်ခြေ မြေသားဆီမှ ကျတော်သိပ်သဘောကျတဲ့ မြေဆီသင်းနံ့ ကိုရသည် ။ ခပ်သင်းသင်းမွှေးမွှေး ရနံကိုလည်းရသည် ။ ပန်းအငုံသည် ရနံ့ကြွယ်ရန် အားယူနေလေပြီ ။

+++++

အိမ်တွင် အပျော်ကြီးပျော်နေ၍ ကျောင်းဖွင့်ရက်နီးချိန်မှ ကပ်ပြန်သွားမိသဖြင့် Second Year ပထမနေ့တွင် ဘာမှ မပြည့်မစုံ ဖြစ်ရသည် ။ စာသင်ခန်းတွင် စိမ်းနားမှာထိုင်၍ စာအုပ်ကို ကပ်ကြည့်သည် ။ စိမ်းသည် မထူးခြားစွာပြုံလျက် စာအုပ်ကိုတိုးပေးသည် ။ စိမ်းကိုကြည့်ရတာ တစ်မျိုးပါပဲ ။ အနည်းငယ်ပို၍ ခေတ်ဆန်တတ်လာသည်မှာ မသိသာလှသော်လည်း စိမ်းကို ဂရုစိုက်ကြည့်တတ်သော ကျတော့်အတွက်မူ သိသာနိုင်ပါသည် ။ စိမ်းမှာ ချစ်သူရှိပြီပေါ့ ။

“ငါနဲ့မဆိုင်ပါဘူး ”

“ဟင် ? ” ခပ်တိုးတိုးအသံထွက်သွားလို့ထင်သည် စိမ်းကျတော့်ကို တစ်ချက်လှည့်ကြည့်သည် ။ ဘေးမှ သုံးယောက်သားလည်း အသိအမှတ်ပြု၍ လှည့်ကြည့်သည် ။ စိမ်းမျက်လုံး ပတ်လည်ဝယ် အစိမ်းနုရောင်ဆေးမှင်တို့ ခြယ်သထားလို့ပါလား ။

“ဟေ့ကောင်ကြီး သတင်းထူးကွ” ဝေယံကမျက်ရိပ်ပြကာဆို၏ ။

အခန်းရှေ့မှ ဆရာကတစ်ချက်လှမ်းကြည့်လိုက်သဖြင့် တစ်ခန်းလုံးတိတ်သွားပြန်သည် ။ Lecture ပြီးတော့ Cantee မှာထမင်းသွားစားရအောင်ပြောတော့ .. စိမ်းက

“စိမ်းအတန်းရှိသေးတယ် .. ခုနှစ်တို့တစ်တွေ တစ်ချိန် ၊ နှစ်ချိန်ပဲတူတော့တာ..၊ စိမ်းသွားတောမယ်”

“အေးပေါ့လေ နင်ကခုတော့ OK Ok” ကျော်ငြိမ်းက ပြီတီတီဆို၏ ။

စိမ်းထွက်သွားသွားခြင်း ဝေယံက အလောတကြီး သတင်းလွှင့်တော့သည် ။ စိမ်းချစ်သူသည် စိမ်းအလုပ်လုပ်ရာ မှ Senior တစ်ဦးဖြစ်ကြောင်း ၊ စိမ်းကိုလိုက်နေသည်မှာ ကြာလှပြီဖြစ်သော်လည်း စိမ်းကလက်မခံခဲ့ကြောင်းနဲ့ ၊ မကြာမီကမှ အဖြေပေးခဲ့တဲ့အကြောင်း တော်တော်ပြောနိုင်သည် ။ ကျတော်သည် ခေါင်းငြိမ့်သင့်သည့် နေရာတွင် ခေါင်းငြိမ့်၍ ၊ ခေါင်းခါသင့်သည့်အချိန်တွင် ခေါင်းခါကာ အလိုက်သင့်ပြန်ပြောသည် ။

နေ့လည်စာစားကျတော့ - “အော် .. အကုန်လုံးလည်း စွံ့ကုန်ကျပြီကွယ် ။ ဟေ့ကောင် ငအောင် မင်းနဲ့ ငါပဲကျန်တော့တယ်”

“အောင်မာ ငါ့မှာများပေါလို့ ၊ ခုခေါင်းညိမ့် ခုရတယ် ၊ အိမ်ကသဘောတူတဲ့ ကောင်မလေးတွေ” ကျတော့် အသံသည် ခြောက်ကပ်၍ မနေသဖြင့် တော်တော်ဟန်ဆောင်ကောင်းပုံရ၏ ။ ရည်မွန်သည် ကျတော့်ကို စူးစိုက်ကြည့်နေပြီ ကျန်နှစ်ကောင်မှာ တစ်သောသောပွဲကျနေသည် ။ “ဘာပဲပြောပြော Sorry ကွာ ငါတို့က မင်းနဲ့ စိမ်းခင်မင်မှုကို စခဲနောက်ခဲ့မိတာတွေကို တောင်းပန်ပါသည် ” ကျော်ငြိမ်းက လူကြီးဆန်ဆန် စကားဆို၏ ။ ရည်မွန်ကမူ ခပ်စိမ်းစိမ်းပင်ကြည့်နေသည် ။

ကျတော်သည်နောက်ဆုံးလက် ကျန် Tissue ဖြင့်မျက်နှာကို သုတ်လိုက်ကာ ခေါင်းညိမ့်ပြသည် ။ စားနေကျ Tom Yang သည်သည်နေ့တွင်မှ ထူး၍ စပ်လှသည် ။

+++++

နေ့လည်စာစားပြီးနောက် ကျတော်တို့အားလုံးအတန်းမတူတော့၍ မိမိသက်ဆိုင်ရာအတန်းများသို့ သွားကြရသည် ။ ကျောင်း စာအုပ်များလည်း မ၀ယ်ဖြစ်တော့ ။ နောက်ဆုံး အချိန်တွင် ရည်မွန်နှင့် အတန်းတူသည် ။ ရည်မွန်သည် တစ်နေ့လုံး ကျတော့်ကို စကားတစ်လုံးမှ မပြော ။ ကျတော်ကလည်း တွေးကာ ငေးငိုင်နေမိတော့ နောက်ဆုံး တစ်ချိန်ပြီးသည်အထိ စကားလုံးဝမပြောဖြစ်ခဲ့ကြ ။ ကျောင်းချိန်ပြီးတော့ ကျတော်နှင့်ရည်မွန် ပြန်ခဲ့ကြသည် ။ ပထမနေ့မို့ ကျောင်းသည်လူ စည်ကားနေသည် ။ ကားဂိတ်တွင်လည်း လူတွေအများသည် ။ ရည်မွန်သည် ကျတော်ကို တမျိုးတစ်မည် စိုက်ကြည့်နေသည် ဟုထင်ကာလှည့် ကြည့်လိုက်ကာ အသက်မပါသလို ပြုံးပြလိုက်သည် ။

“ဝေအောင် နင်ငါ့ကို ခင်တယ်လို့ပြောဖူးတယ်နော် ။ ငါနင့်ဆီက တစ်ခုခုကြားခြင်တယ် ။ အဖြေတစ်ခု တိတိကျကျပေါ့ ။ နင် စိမ်းကို ချစ်ခဲ့တယ်မဟုတ်လား ဟင် ။ မညာနဲ့နော် ။ ငါနင်တို့အကြောင်းကို ဟိုကောင်တွေလို တစ်ခါမှ စပ်စပ်စုစု မမေးဖူးဘူး ။ ဒါပေမယ် ငါဟာ စိမ်းနဲ့ရော နင်နဲ့ပါရင်နှီးတော့ ငါသိသင့်သလောက် သိပါတယ် ၊ ငါနင့်မျက်လုံးတွေကို အရင်ကတည်းကမြင်တတ်ခဲ့တယ် ။ အထူးအဖြင့် ငါ့လို ချစ်သူရှိတဲ့ မိန်းကလေး တစ်ယောက်အတွက် ယောက်ျားလေးတစ်ယောက်ရဲ့ မကြည့်ကို သာမန်ထက်နားလည်နိုင်တယ် ။ ပြောစမ်းပါ နင် စိမ်းကို ချစ်တယ်မဟုတ်လား ။ ဒါနဲ့တောင် …”

ကျတော်သည် ရည်မွန့်ကို စိုက် ၍ကြည့်နေသည့်တိုင် မြင်ကွင်းသည်ေ၀၀ါးနေသည် ။ ကျတော်သည် သူငယ်ချင်း အပေါ် ရိုးသားချင်ပါသည် ။ သို့သော် ခေါင်းညိမ့်ပြဖို့ ကြိုးစားသည့်တိုင် ဇက်ကခိုင်ရှာပါသည် ။

“ဟော ဟိုမှာ ကားလာနေပြီ ရည်မွန် ။ ကျတော်သွားတော့မယ် ” .. ကျတော့်အသံတွေ တုန်နေမှာ သေချာပါသည် ။ ရည်မွန် ခေါင်းညိမ့်ပြသလား ? သဲသဲကွဲကွဲ မမြင်ရပါ ။

နောက်မှောင်စပြုသောကောင်းကင်ဝယ် ငွေကြယ်တစ်ပွင့်တစ်လေကိုသော်မှ မမြင်ရပါ ။

+++++

ကောင်းကင်တွင်နက် မှောင်စပြုသော အခုလို အချိန်သို့ရောက်ပြီဆိုပါလျှင် နေ့အခါ ငုံနေသော ညမွှေးပန်းများ ပွင့်အာစပြူလာပေတော့မည် ။သို့ပေမယ် ပန်ဆင်သူ မျှော်လင့်သည့် နေ့အချိန်မှာတော့ ငုံ၍ သာနေကာ ၊ ပန်သူမဲ့ပြီဖြစ်သော ညည့်ဦးယံမှ ပွင့်သည့် အငုံပန်းသည် မည်သူတစ်ဦးတစ်ယောက် အတွက်မှ အဖိုးမတန်ပါချေ ။ ။

အောင်ဖြိုး
( ၂၈ ၊ June ၊ 2008 – 11: 45am)