The Makioka Sisters - Tanizaki Junichirô

မီကီအိုက ညီအစ်မများ (၁၉၄၃-၁၉၄၈) ဝတ္ထုကို ဂျပန်နိုင်ငံရဲ့ ထင်ရှားလှတဲ့စာရေးဆရာ တနီဇာကီ ရေးသားခဲ့တာဖြစ်ပြီး ကမ္ဘာ့ဂန္တဝင် ဝတ္ထုတစ်ပုဒ်အဖြစ် ယနေ့တိုင်ထင်ရှားနေဆဲဖြစ်ပါတယ် ။ ဝတ္ထုနောက်ခံ အချိန်ကတော့ ဒုတိယကမ္ဘာစစ်မတိုင်ခင်လေးက ဂျပန်နိုင်ငံ၊ အိုဆာကာမြို့မှ ထင်ရှားတဲ့ ကုန်သည်မိသားစု တစ်စုရဲ့ လှုမှုရေး ၊ စီးပွားရေး အခြေအနေ တွေကို (၅) နှစ်ကြာနောက်ခံ ရေးသားခဲ့တာဖြစ်ပြီး ဂျပန်က ပုလဲဆိပ်ကမ်း ဗုန်းမကြဲမှီ ခုနစ်လခန့်အလို ၁၉၄၁ - ဧပြီလ နောက်ခံမှာ ဇာတ်ကိုအဆုံးသတ်ထားပါတယ် ။

သည်ဝတ္ထုမှာ ဆွေကြီးမျိုးကြီးက ဆင်းသက်လာကြတဲ့ ညီအစ်မလေးယောက် ကိုအခြေပြုကာ ဇာတ်သွားချိန် ၅ နှစ်အတွင်း ဖြစ်ပျက်သမျှတို့ကို အသေးစိတ်ရေးသားထားပါတယ်။ တဖြည်းဖြည်းပျက်ယွင်း လာတဲ့ စီးပွားရေးအခြေအနေ ၊ ခေတ်သစ်ပြောင်းစအချိန်မှာ အတွေးအခေါ်ဓလေ့ဟောင်းတို့ ပျက်သုန်းရခြင်း themes တွေဟာ သည်ဝတ္ထုရဲ့ အရေးပါတဲ့ အခြေခံတင်ပြချက်တွေဖြစ်တယ် ။ သည်လို ပြောင်းလဲပျက်သုန်းမှု တွေကို တန်ပြန်တွန်းလှန်ရင်း ခေတ်ဟောင်းရဲ့ အခွံအတွင်းမှာ တည်မြဲနိုင်အောင် ရုန်းကန်ကြတဲ့ ဇာတ်ဆောင်တွေရယ် ၊ ပြောင်းလဲမှုကို ကြိုဆိုတဲ့ ခေတ်သစ်လူငယ်တွေရယ် ပဋိပက္ခ ကိုလည်း စာရေးဆရာက အလေးပေးထားပါတယ် ။

ဝတ္ထုရဲ့ မူလအမည်ဟာ Sasameyuki ဖြစ်ပြီး ‘နှင်းဖွဲကျချိန်’ လို့ အဓိပ္ပာယ်ရပါတယ် ။ ဒါ့အပြင်လည်း သည်ခေါင်းစဉ်ဟာ ဝတ္ထုရဲ့ ဇာတ်ကောင်ညီအစ်မလေးယောက်ထဲက တစ်ယောက်ဖြစ်တဲ့ Yukiko ယူကီကို ကိုကိုယ်စားပြုရာရောက်တာမို့ သူမကိုပဲ အဓိကဇာတ်ကောင်လို့ သတ်မှတ်ချင်ဟန်ရပါတယ် ။ သို့တိုင် ဝတ္ထုတစ်ပုဒ်လုံးမှာ စာရေးဆရာဟာ သူ့ကို အကွားအဝေးတစ်ခုအတွင်းမှာသာ တစ်ဆင့်ခံ တောက်လျှောက်မြင်စေခဲ့ပါတယ် ။

ဇာတ်ရဲ့ အဓိကကျောရိုးကတော့ မီကိုအိုက ညီအစ်မလေးဖော်ရဲ့ တတိယမြောက်ညီမဖြစ်သူ ယူကီကိုအတွက် ခင်ပွန်းလောင်းအိမ်ထောက်ဖက် ရှာရန် အစ်မနှစ်ယောက်နဲ့ ခင်ပွန်းဖြစ်သူတွေ ကြိုးပမ်းကြတဲ့ အကြောင်းပါပဲ ။ မူလကတော့ စာရေးသူဟာ ၃ အုပ်တွဲရေးသားဖြစ်တာဖြစ်ပြီး အင်္ဂလိပ်ဘာသာပြန်မှာတော့ စာမျက်နှာ (၅၃၀) ကျော် ထူထဲပြီး ၊ တစ်ဖန် ဇာတ်ကောင်တွေရဲ့ အပြုအမူကို အသေးစိတ် ဖော်ပြထားတာဖြစ်လို့ အနည်းငယ် ဇာတ်လေးတယ်လို့တော့ ဆိုနိုင်ပါတယ် ။ ဒါ့အပြင် ဂျပန့် ယဉ်ကျေးမှု နှင့် ရိုးရာ အသုံးအဆောင် ပစ္စည်းအချို့အကြောင်းလည်း အတန်ငယ် ဗဟုသုတ ရှိဖို့လိုပါလိမ့်မယ် ။

သည်ဝတ္ထုမှာ စာရေးဆရာရဲ့တင်ပြချက်ဟာ Photographic Realism လို့ပြောကြတဲ့ ဓာတ်ပုံရိုက်ပြသလို အပေါ်ယံအပြုမူတွေကို အသေးစိတ်ရေးပြတဲ့ အရေးအသားမျိုးပါ ။ ခုနောက်ပိုင်းခေတ် စာပေရေးရာမှာ သည်လိုအရေးအသားမျိုး (Jane Austen အရေးအသားမျိုးကိုလည်း သည်အမျိုးအစားထဲမှာ ထည့်ကြတယ် ) ကို အတွင်းစိတ်ကို ရေးပြတတ်တဲ့ စာရေးဆရာအချို့က ဝေဖန်ကြသော်လည်း ၊ စာဖတ်သူ အဖို့ တစ်နည်းအားဖြင့် မြင်သာစေတဲ့ စွဲဆောင်မှုရှိတဲ့ အရေးအသာမျိုးပါပဲ ။ ကျတော့်အတွက့်တော့ ဖတ်နေစဉ် သောမစ်မန်းရဲ့ Buddenbrooks ၊ ဒေါ့စတိုယက်စကီရဲ့ The Brothers Karamazov စတဲ့ မိသားစုနောက်ခံ ဝတ္ထုတွေကို အမှတ်ရစေရုံသာမက ၊ ဆောင်ဇူဂျင်း နဲ့ ကောက်ငိုတို့ရဲ့ ယဉ်ကျေးမှု အစဉ်အလာ အဓိက နောက်ခံ A Dream of Red Mansions ကိုလည်း ပြန်လည်တမ်းတစေပါတယ် ။ စာရေးဆရာ တနီဇာကီဟာ မီကိုအိုက မိသားစုတစ်စုရဲ့ လူမှုရေးနောက်ခံ အဆင်းအတန်းကို အသေးစိတ်သိရှိသူဖြစ်ပြီး သူတို့တစ်တွေ နေ့စဉ် အမူအကျင့်တွေ ၊ အပြောအဆိုတွေက အစ အသေအချာသရုပ်ဖော်ထားပါတယ် ။ ဒါ့အပြင် အဝတ်အစား ၊ အစားအသောက်အပြင်အဆင် ၊ ပွဲတော်များနဲ့ ရာသီဥတုနောက်ခံကိုလည်း အလေးပေးဖော်ပြထားပြန်တယ် ။ အထူးသဖြင့် Kyoto ကျိုတိုမှာ နှစ်စဉ်ရှိတဲ့ ချယ်ရီပန်းကြည့်ပွဲတော် ၊ နောက် ပိုးစုန်းကြူးဖမ်း ပွဲတော်စတာတွေမှာလည်း ဂျပန်တွေရဲ့ ယဉ်းကျေးမှု ၊ ဓလေ့တွေကိုပါ အသေးစိတ်ဖတ်ရှုနိုင်ပြန်တယ် ။

ဒါတွေအပြင် စာရေးသူဟာ ပါဝင်သမျှ ဇာတ်ဆောင်တွေရဲ့ စရိုက်ကိုလည်း အထူးအလေ့ပြုရေးထားတယ် ။ ဇာတ်ကောင်စရိုက်သရုပ်ဖော်ရာမှာ နောက်ပိုင်းခေတ်အရေးများ ကြတဲ့ အတွင်းစိတ်အခြေအနေ ပဓါန နည်းမျိုးကို မသုံးပဲ ဇာတ်ကောင်တွေရဲ့ အပြုအမူ အပြောအဆို အနေအထိုင် သက်သက်များကိုသာ ဖော်ပြရင်း စာဖတ်သူကိုယ်တိုင် တဖြည်းဖြည်းချင်း ရင်းနှီးလာပြီး စရိုက်ကို ခန့်မှန်းကြည့်နိုင်စေတဲ့ အရေးအသားနဲ့ သရုပ်ဖော်ထားပြန်တယ်။

ကျတော်ပြောခဲ့သလိုပါပဲ ၊ သည်ဝတ္ထုကြီးက ထူထဲပါတယ် ။ ဒါပေမယ့် သည်လို စာအုပ်မျိုးဟာ အလောတကြီး အပြီးဖတ်ရမယ့် စာအုပ်မျိုးတော့မဟုတ်ပါဘူး ။ ဝတ္ထုဆုံးသွားလို့ စာအုပ်ကို ပိတ်လိုက်ရင် စာဖတ်သူဟာ ရင်းနှီးနေပြီဖြစ်တဲ့ ဇာတ်ကောင်တွေကို မခွဲချင်လှပဲ အတန်ငယ်ပင် လွမ်းနေရတတ်ပါတယ် ။ စာရေးသူဟာ မိသားစုတစ်စု အတွင်းမှာ ဖြစ်ပျက်သမျှကို ၅ နှစ်ကြာကာလ အတွင်း လုံးဝမချွန်းမချန် ရေးပြသွားခဲ့တယ် ။ စာဖတ်သူဟာ အတွင်းလူယုံ ဧည့်သည်တစ်ယောက်အနေနဲ့ သည်မိသားစုနဲ့ နှစ်အတန်ငယ်နေထိုင်ခဲ့ရသလို ခံစားရစေပြီး မိသားစုဝင် တစ်ဦးချင်းအပေါ်မှာလည်း သံယောဇဉ် ရှိနေ တွယ်တာနေတာကို အထင်အရှားတွေ့ရပါတယ် ။

စာရေးဆရာဟာ သူ့ဝတ္ထုကြီးကို ဒုတိယကမ္ဘာစစ်မတိုင်မှီလေးမှာ ရပ်ပစ်ခဲ့လို့ ကျတော်တို့ အနေနဲ့ စစ်ဘေးဒဏ်ခံရမယ့် မိသားစု အခြေအနေတွေကို မသိနိုင်တော့ပါဘူး ။ ဒါပေမယ့် ဇာတ်သိမ်းချိန်မှာ ဆုံးရှုံးမှု ပျက်ယွန်းမှု အနေနဲ့ကတော့ တစ်ချိန်လုံး စည်းစည်းလုံးလုံး ရှိခဲ့ကြတဲ့ ညီအစ်မတစ်တွေ တစ်စတစ်စ ဝေးကွာသွားကြရတဲ့ ဘဝပေးအခြေအနေတွေကိုပါ ။ ရက်စက်ကြမ်းကြုတ်လှတဲ့ စစ်ကြီးနဲ့ လက်တစ်ကမ်းအကွာက ကိုယ်နဲ့ရင်းနှီးလှတဲ့ မိသားစုတစ်စုလုံးအကြောင်း မသိရတော့ဟာ ခံစားတတ်သူအဖို့တော့ စိတ်ပူစရာ ၊ စိတ်မကောင်းဖြစ်စရာ ၊ လွမ်းလောက်စရာပါပဲ ။ ။

သည်ဝတ္ထုကို အခြေခံပြီး ရိုက်ထားတဲ့ ရုပ်ရှင်တွေ အကြောင်းလည်း ဆက်ရေးဖြစ်ပါဦးမယ် ။

အောင်ဖြိုး
( ဇွန် ၂၂ ၊ ၂၀၁၁)

Jhumpa Lahiri မိတ်ဆက်

အမေရိကန် ဝတ္ထုရေးဆရာမ ဂျုံပလဟားရီကို ၁၉၆၇ ခုတွင် ဘင်္ဂါလီမိဘနှစ်ပါးက လန်ဒန်မြို့တွင်ဖွားမြင်သည် ။ မိသားစုက သူမအသက်သုံးနှစ်သမီးမှ အမေရိကန်ပြည်ထောင်စုသို့ ပြောင်းရွေ့နေထိုင်ခဲ့သဖြင့် အမေရိကန်နိုင်ငံသူတစ်ဦးဟုပင် သူ့ကိုယ်သူသတ်မှတ်ခဲ့သည် ။ အဖမှာ စာကြည့်တိုက်မှူးတစ်ယောက်ဖြစ်ပြီး မိခင်မှာ ဘင်္ဂါလီရိုးရာဓလေ့ကိုထိန်းသိမ်းလို သည့် အိမ်ရှင်မတစ်ဦးဖြစ်သည် ။ သူတို့မိသားစုသည် အားလပ်ရက်များတွင် ကလက္တားမှာ ဆွေမျိုးသားချင်းများထံ အလည်သွားလေ့ရှိကြသည် ။

လဟားရီမှာ ဘော့စတွန် တက္ကသိုလ်မှ Engish , Creative Writing, Comparative Literature တို့တွင် M.A. ဒီဂရီတို့ရခဲ့ပြီး Renaissance Studies ဖြင့် Ph.D ရခဲ့သည် ။ ၂၀၀၁ ခုနှစ်တွင် Time မဂ္ဂဇင်း ကိုယ်စားလှယ် အယ်ဒီတာ Alberto Vourvoulias-Bush နှင့်လက်ထပ်ခဲ့ပြီး ယခုအခါ နယူးယောက်မြို့တွင် ခင်ပွန်းသည် ၊ သားသမီး(၂) ယောက်နှင့်အတူနေထိုင်လျှက်ရှိသည် ။

လဟားရီသည် ဘော့စတွန် တက္ကသိုလ်တက်နေစဉ်မှာပင် ဝတ္ထုတိုများစတင်ရေးသားခဲ့သည် ။ သူမ၏ ပထမဆုံး ဝတ္ထုတိုပေါင်းချုပ်အဖြစ် ၁၉၉၉ တွင် ဝတ္ထုတို (၉) ပုဒ်ပါဝင်သည့် “ဝေဒနာတွေကို ဘာသာပြန်သူ” (Interpreter of Maladies) အမည်ဖြင့်ထုတ်ဝေခဲ့သည် ။ ဤစာအုပ်ဖြင့် ၂၀၀၀ ပြည့်နှစ် ပူလစ်စာ စာပေဆု နှင့် အိုဟင်နရီ စာပေဆုဆွတ်ခူးခဲ့သည်။

၂၀၀၃ ခုနှစ်တွင် သူမ၏ပထမဆုံး ဝတ္ထုရှည် “အမည်ခံ” (The Nameaske) ကိုထုတ်ဝေခဲ့ရာ အောင်မြင်မှုရခဲ့သည် ။ ဤဝတ္ထုကို ၂၀၀၇ တွင် ဒါရိုက်တာ မီရားနာရား (Mira Nair) ကရုပ်ရှင်ရိုက်ကူး ပြသခဲ့သည် ။

၂၀၀၈ ဧပြီတွင် သူမ၏ ဒုတိယမြောက် ဝတ္ထုတိုပေါင်းချုပ်အဖြစ် “ကမ္မသကာလောကကြီး” (Unaccustomed Earth) ကိုထုတ်ဝေခဲ့ရာ New York’s Time မဂ္ဂဇင်း၏အရောင်းရဆုံးစာအုပ်များစာရင်းတွင် နံပတ် (၁) ချိတ်ခဲ့သည် ။ ယင်းစာအုပ်သည် Time Magazine နှင့် New York’s Time တို့၏ “၂၀၀၈ ခုနှစ်၏ အကောင်းဆုံး စာအုပ်များ” စာရင်းတွင် အဖော်ပြခံခဲ့ရသည် ။

အပိုင်း(၁) ၊ အပိုင်း(၂) မှာ "Unaccustomed Earth" စာအုပ်ပါ "Once in a lifetime" ကိုမြန်မာပြန်ထားခြင်းဖြစ်သည် ။

မင်္ဂလာလှည်း

ထုတ်ဝေသည့်နှစ် - ၂၀၀၉ ၊ မေလ

ထုတ်ဝေသည့်စာအုပ်တိုက် - လင်းလွန်းခင်စာပေ

စာရေးသူ - ခင်ခင်ထူး ( စိုးဘားဒိုင် ၏ ဝတ္ထုလတ်တစ်ပုဒ်နဲ့တွဲ၍ )

စာမျက်နှာ - ၁၉၄

တစ်မိသားနဲ့ တစ်မိသား အိမ်ထောင်ရပ်သားပြုကြတော့မယ်ဆိုရင် ပထမဆုံး ယောက်ျားလေးရှင်ဘက်က မိန်းကလေးရှင်ဘက်ဆီကို ကတော့ပွဲနဲ့တောင်းရမ်းနားဖောက်ကြရပါတယ် ။ ဆရာမခင်ခင်ထူးရဲ့ ဝတ္ထုအသစ်ဖြစ်တဲ့ “မင်္ဂလာလှည်း”မှာ အညာကသည် ဓလေ့စရိုက်ကိုပဲ အခြေခံထားပါတယ်။ ဝတ္ထုရဲ့ အဓိကကျောရိုးဟာ မန္တလေးကမ်းနား သံရေကျိုစက်ရုံက အလုပ်သမား ကိုကြိုင်ဆိုတဲ့လူငယ်တစ်ယောက်အတွက် စစ်ကိုင်းမြိုနယ် လယ်ပြင်ကြီးရွာက ဒေါ်စွန်မရဲ့သမီး အေးသီဆိုတဲ့ မိန်းကလေးဆီ မင်္ဂလာစကားပြောတောင်းရမ်းဖို့သွားကြတဲ့ ရပ်ရွာကလူကြီးသူကြီး တစ်စုရဲ့ ခရီးသွားတောလားတစ်ပုဒ်ပဲဖြစ်ပါတယ် ။

ဇာတ်လမ်းအရ ကိုကြိုင်နဲ့ အေးသီဟာ ကမ်းနားဈေးမှာတွေ့ကြပြီး ချစ်ကြိုက်ကြတယ် ။ အေးသီဆိုတာ လယ်ပြင်ကြီးကနေ ကမ်းနားဈေးကို သနပ်ခါးလာသွင်းတဲ့ မိန်းကလေး ၊ ကိုကြိုင်ကတော့ သံရေကျိုစက်ရုံမှာ ဝိုင်းလုပ်ဝိုင်းစား မိဘမဲ့တစ်ကောင်ကြွက်အလုပ်သမား ။ တစ်ဦးနဲ့တစ်ဦးအိမ်ထောင်ပြုကြမယ်ဆိုတော့ ကိုကြိုင်ရဲ့ အလုပ်ရှင်ကိုကျော်သန်းဦးဆောင်လို့ သူတို့ရပ်ကွက်က လူကြီးတစ်စုမိန်းမအတောင်းသွားကြတယ် ။ ချိန်းထားတဲ့ အချိန်က နံနက် ၁၀နာရီ ။ ဖြစ်ချင်တော့ ကိုကြိုင်ကလည်း သူ့မိန်းကလေးနေတာ စစ်ကိုင်းဘက်က လယ်ပြင်ကြီးရွာဆိုတာပဲသိတာ ။ စစ်ကိုင်းငါးထပ်ကြီးဘုရားနောက်ကထွက်ရင်ရောက် တယ်ဆိုတာသာသိတာ ။ ဘယ်လောက်ဝေးတယ် ၊ ဘယ်လိုသွားရတယ်ဆိုတာ မသိဘူး ။ လူကြီးတွေထဲမှာ ကိုကြိုင်အဒေါ်ရယ် ၊ ကျောင်းအုပ်ဆရာကြီးရယ် ၊ ပေါက်ဖော်ကြီးတစ်ယောက်ရယ် ၊ အလုပ်ဆရာရယ် ၊ နောက် စတိုးဆိုင်ပိုင်ရှယ် ကိုချစ်တိုးရယ် ပါတယ် ။ ကိုကြိုင်ဆရာ့ကားနဲ့သွားကြတာ။ ဖြစ်ချင်တော့ စစ်ကိုင်းကလူတွေတောင် လယ်ပြင်ကြီးဆိုတာ ရေးတေးတေးရယ် ။ ဘယ်သူမှ မရောက်ဖူးတော့ တော်တော့်ကို ခေါင်တာပေါ့ ။ သည်မှာပဲ စာရေးဆရာဟာ လယ်ပြင်ကြီးသွားတောလားကို စာဖတ်သူတွေမြင်သာအောင် ၊ ပါးစပ်မစေ့ရယ်ရအောင် ၊ ဘယ်တော့များမှ ရောက်ပါ့မလဲထင်ရအောင် ရေးပြသွားပါတယ် ။ လမ်းကလည်းဆိုး ၊ အညာဆိုတော့ အရိပ်ကလည်းမရှိ ၊ ပူလိုက်သမှလည်း အညာနေတောက်တောက် ၊ သည်ကြားထဲကားကလည်း ပျက်သေး ။

တစ်ဖက်ကလည်း နံနက် (၁၀)နာရီလောက်မှာလာတောင်းမှာဆိုပြီး မရှိမဲ့ ရှိမဲ့ချေးငှားချက်ပြုတ် ၊ လူကြီးတွေပင့်ဖိတ်ပြီးစောင့်နေတယ့် အေးသီ၊ ဒေါ်စွန်မသားအမိ ။ သည်မှာစာရေးဆရာက သည်တောသူမ သားအမိစရိုက်ကို ပီပီပြင်ပြင်ကြီးဖော်သွားပါတယ် ။ သည်သားအမိက မုဆိုးမဖတဆိုး၊ ဆင်းဆင်းရဲရဲ ၊ မိအုပ်လို့ကြီးကြရပေမယ့် အေးသီဟာ အချင်းရှိတဲ့မိန်းကလေး ၊ သည်တော့ ဥစ္စာမရှိပေမယ့် စာဂ ကောင်းကြတဲ့သူတွေဆိုတော့ ရွာကလည်းချစ်ခင်စောင့်ရှောက်ကြတယ် ။ အေးသီတစ်ယောက် ပုဝါပါးကိုကြက်သားထုပ်မိပေမယ့် ကျင်းပမယ့် မင်္ဂလာပွဲအတွက်ရွာက အုပ်အုပ်စည်းစည်းဆောင်ရွက်ပေးကြတယ် ။ အဲအခက်တွေ့တာကတော့ သတို့သားပေါ်မလာတာပဲ ။ စောင့်ရတာမှ ညနေစောင်းအထိ ။ နောက်ဆုံးလူကြီးတွေလည်းထပြန် ၊ ဒေါ်စွန်မလည်းဒေါသပုံထ ၊ အေးသီဆို ဒီဇယ်ဆီတွေ သောက်သေတော့မယ်ဆိုလို့ ဝိုင်းတားထားရတဲ့အဖြစ် ။ ရွာကလသားတွေကလည်း ရွာသူကိုစော်ကားရပါ့မလားလို့ ဝိုင်းရိုက်ဖို့ တုတ်ဓားတပြင်ပြင်နဲ့ ။

အဲသည်မှာနောက်တစ်ယောက်ရှိသေးတာက ၊ သောင်းစိန် ။ သောင်းစိန်ဆိုတာလယ်ပြင်ကြီးက ရွာသား ၊ မိဘတွေကတောင်သာတော့ ဘာအလုပ်မှမလုပ်တဲ့လူစား ။ အေးသီကိုကြိုက်လိုက်တာလည်း တစ်ပိုင်းကိုသေလို့ ၊ အဲ အေးသီက သဘောမကျလိုက်တာလည်း တစ်ပိုင်းကိုသေလို့ဆိုသလို တစ်ဖက်သက်အချစ်သမား ။ အေးသီ (အ-သ) ဆိုတာကိုနာမ်ကျေဖို့ သော့အိမ် (သ-အ) ကိုလည်ပင်းမှာဆွဲ ဆိုနတ်ကတော်ပြောတာကို အဟုတ်မှတ်ပြီး သော့တစ်လုံးကိုဆွဲထားတဲ့လူစား ။ သူကလည်း တုတ်တပြင် ၊ ဓားတစ်ပြင်ပေါ့ ။

မိန်းမတောင်းလာကြတဲ့ လူတွေခမျာတော့ ခရီးကနှိပ်စက်လို့ လူရုပ်တောင်မပေါ်ရှာတော့ပါဘူး ။ ရွှံ့တွေ ၊ ဖုန်တွေတလိမ်းလိမ်းနဲ့ ညနေစောင်းတောင်မရောက်ကြသေး ။ နောက်ဆုံးကားထားပြီး လှည်းငှားစီးလာ ကြရတဲ့အဖြစ် ။ နောက်ဆုံးတော့ အေးသီတို့ဆီညကြီး စုတ်စုတ်ချုပ်မှရောက်ကြတော့ ရပ်ကိုရွာကိုတောင်းပန်ပြီးတောင်းမြန်းရရှာတယ် ။ နောက်တော့အဖြစ်မှန်ကိုသိလို့ ဒေါ်စွန်မရော ၊ ရွာကလူတွေရောခွင့်လွှတ် ၊ မြို့ကလူတွေကိုလည်းရွာမှာ ထမင်းဆင့်ပြီး ညစာကျွေး ၊ ညအိပ်ခိုင်းရတဲ့ အဖြစ် ။ နောက်တစ်နေ့မနက်ကျမှ သတို့သမီးရော ယောက္ခမကိုပါမြို့ကိုခေါ်သွားတဲ့ မောင်ကြိုင် တို့လူကြီးတစ်စုရယ် ၊ နောက်ကျန်ရစ် သောင်းစိန်က အသိတရားကျပြီး နောက်သူ့လည်ကသော့အိမ်ကို လက်ဖွဲ့၊ လှည်းစီးမြို့တက်သွားကြတဲ့ သတို့သမီးရဲ့ ရွာအလွမ်းနဲ့ ဆရာမဟာ ဇာတ်ကိုနိဂုံးချုပ်ခဲ့တယ် ။

သည်ဝတ္ထုမှာ နှစ်သက်မိတာကတော့ ဆရာမရဲ့ ဟာသနှောတဲ့ အညာလေ အရေးအသားပဲ ။ လယ်ပြင်ကြီးသွား ခရီးကအခက်အခဲတွေကို တဝါးဝါနေရအောင်ရေးပြတယ် ။ နောက် ကိုကြိုင်နဲ့ အေးသီတို့ ရဲ့သမီးရည်းစားဘဝ ရိုးအရှာတဲ့ တောသူတောင်သားဓလေ့ ၊ နောက်အေးသီမိခင် ဒေါ်စွန်မရဲ့ စရိုက်ဟာ အကြွဆုံး ၊ သရုပ်အပေါ်ဆုံး အရေးအသားပဲ ။ နောက်တစ်ခုက အညာကကျေးရွာရဲ့လူနေမှုစရိုက် ။ အတင်းပြောစရာရှိ ပြောလိုက်မယ် ၊ ရန်ဖြစ်စရာရှိ ဖြစ်လိုက်မယ် ၊ အဲ့ ကိုယ့်ရွာသူရွာသားအကျိုးအတွက်ဆို ကူညီလိုက်မယ် ၊ ရိုင်းပင်းလိုက်မယ်ဆို ကူညီကြတဲ့ဟာမျိုး ။ အခုခေတ်လို Globalization မှာ သည်လို အပြုအမူ ၊ နွေးထွေးမှုမျိုးဆိုတာ မြို့ပြယဉ်ကျေးမှုမှာတွေ့ရခဲသား ။ နောက်ဆင်းရဲ့ပေမယ့် အကျင့်စာရိတ္တကောင်းတယ်ဆိုတဲ့ ဂုဏ် ။ သိပ်ကိုတန်ဖိုးထားကြရမယ့်ဂုဏ်ပါ ။ အထူးသဖြင့် မြိုကလူကြီးတွေကို မြိုကိုပြောင်းကြတော့မယ့် ဒေါ်စွန်မတို့သားအမိအတွက် စောင့်ရှောက်ဖို့ မှာတဲ့ သူကြီးရဲ့ စကားတွေဟာ ဝတ္ထုရဲ့အသက်ပါ ။

“တစ်ခုပဲ ကျုပ်ပြောချင်တယ်ဗျာ.. ကျုပ်ရွာက ဒေါ်စွန်မတို့ အေးသီတို့က အနေအစားဆင်းရဲပေမယ့် စာရိတ္တကောင်းကြသူတွေပါ .မြို့ရောက်လို့အဆင်ပြေတယ် … စိတ်ချမ်းသာတယ်ဆိုတာပဲ ကျုပ်တို့ရွာက ကြားချင်ကြတာပါ ။ သူတို့ကိုတော့ စိတ်မဆင်းရဲ့စေချင်ဘူး တကယ်လို့မြိုမှာ မပျော်ဘူးဆိုရင်တော့ သူတို့သားအမိကို ကျုပ်တို့ရွာအရောက်ပြန်ပို့ပေးကြပါဗျာ… ”

နောက်တစ်ခုက အေးသီကိုတစ်ဖက်သက်ကြိုက်ရှာတဲ့ သောင်းစိန်ရဲ့ ကျွတ်တန်းဝင်ခန်း ။ နောက်ဆုံးမှာ သောင်းစိန်ဟာ ကိုယ့်အားကိုယ်ကိုးလို့ မိခင်ကြီးနဲ့ လုပ်ကိုင်စားသောက်တဲ့ အေးသီ ၊ ကိုယ့်ခြေပေါ်ကိုယ်ရပ်နိုင် ၊ မိန်းမတစ်ယောက်ကိုရှာကျွေးနိုင်တဲ့ ကိုကြိုင်တို့ကိုကြည့်ပြီး ဘာအလုပ်မှ မလုပ် ၊ မိဘလုပ်စာထိုင်ဖြုန်းပြီး လိုက်ယားလိုက်ယားနေတဲ့ ဘဝကိုနောင်တရသွားတယ် ။ တစ်သက်လုံးချစ်ခဲ့ရတဲ့အေးသီ သူ့ကိုဘာလို့ပြန်မကြိုက်တာလည်းဆိုတာ သဘောပေါက်သွားတယ် ။

“သွားတော့အေးသီရေ …ညည်းကပြောတော့ မင်္ဂလာကားကြီးနဲ့မြို့ကို ကြွားကြွားကြီးပြန်မှာဆိုဟဲ … ခုတော့ တို့ရွာကမင်္ဂလာလှည်းကြီးနဲ့ပါ့လား … ကောင်မရဲ့”

သည်အေးသီ့သူငယ်ချင်းရဲ့ နှုတ်ဆက်စကားနဲ့ပဲ ဆရာမဟာ ဇာတ်ကို ဝတ္ထုနာမည်ဆီဆွဲခေါ်ရင်း အဆုံးသတ်ခဲ့တယ် ။ တကယ့်ကို ရသစာပေစစ်စစ် ဝတ္ထုတစ်ပုဒ်ပါ ။ ပန်းကြာဝတ်မှုန်ထက်တောင် ကျတော်သဘော ကျမိတယ် ။ ဖတ်ရတာ ကြည်လည်းကြည်နူးရရဲ့ ၊ ရယ်လည်း ရယ်ရရဲ့ … နောက်လွမ်းစရာလည်း ကောင်းပါရဲ့ ။ ။

အောင်ဖြိုး

( မေ ၂၅ ၊ ၂၀၀၉)